Корхонаи ресандагии «Арвис Зелал Текстайл»-и Мастчоҳ пас аз васлу насби таҷҳизот ба фаъолият оғоз кард
ДУШАНБЕ, 08.12.2022 /АМИТ «Ховар»/. Корхонаи ресандагии «Арвис Зелал Текстайл» (собиқ корхонаи «Олим-Текстайл»)-и ноҳияи Мастчоҳ пас аз васлу насби таҷҳизот ва таҷдиду навсозии хатҳои технологӣ ба фаъолият омода гардида, ба қабули коргарон оғоз намудааст. Дар ин бора ба АМИТ «Ховар» дар Хадамоти матбуоти Раиси вилояти Суғд хабар доданд.
«Арвис Зелал Текстайл» бо ташаббуси соҳибкорони тоҷику турк ба кор андохта шуда, дар корхона коркарди нахи пахта ба роҳ монда шудааст.
6 декабр Раиси вилояти Суғд Раҷаббой Аҳмадзода аз корхонаи мазкур боздид намуд. Ба Раиси вилоят иттилоъ дода шуд, ки барои қабули коргарон озмун эълон гардида, занону бонувон ва мутахассисони ҷавон ба кор ҷалб гардида истодаанд.
Соҳибкорони тоҷику турк ният доранд, ки дар оянда маҳсулоти тайёр низ истеҳсол намуда, ба бозор пешниҳод созанд.
Дар фабрикаи ресандагӣ мутахассисони ҷавон ба кор қабул карда шуда, аз ҳисоби корхона аз омӯзиш низ мегузаранд. Дар назар аст, ки баробари ба фаъолият оғоз кардан дар марҳилаи аввал 300 нафар бо ҷойи кор ва маоши баланд таъмин шаванд.
Раиси вилоят барои ҷалби коргарон ба корхона ва таъмин намудани сокинон бо ҷойи кор ба масъулин супоришҳо дода, изҳор дошт, ки барои коркарди бештари нахи пахта ва истеҳсоли маҳсулоти ниҳоӣ бо истифода аз таҷрибаи соҳибкорони турк аз имконияти мавҷуда самаранок истифода баранд.
АКС: Хадамоти матбуоти Раиси вилояти Суғд
Дар шаҳри Хоруғ 13 корхонаи нави саноатӣ ба фаъолият оғоз намуд
Дар нуҳ моҳ беш аз 1,5 миллион сайёҳ мавзеъҳои ҷолиби Тоҷикистонро тамошо намуданд
Дар Тоҷикистон беш аз 45 ҳазор хоҷагии деҳқониро занон роҳбарӣ менамоянд
Кишоварзони вилояти Хатлон нақшаи ҷамъоварии пахтаро 90 фоиз иҷро намуданд
Намояндаи Тоҷикистон дар ҷаласаи Ассотсиатсияи байналмилалии рушд дар Амрико иштирок намуд
Дар ҷаласаи машваратии мудирони Хазинаи байналмилалии асъор шарҳи вазъи монетарии минтақа пешниҳод гардид
Пешвои миллат Эмомалӣ Раҳмон дар шаҳри Душанбе шаҳраки нави саноатиро ифтитоҳ намуданд
Алӣ Ғиёсуддин Муҳаммад: «Тоҷикистон имкон дорад бо истифода аз захираҳои табиӣ ба яке аз давлатҳои пешрафтаи ҷаҳон табдил гардад»
Бонки миллии Тоҷикистон ҳамкориро бо Бонки миллии Швейтсария тақвият медиҳад
АСАЛ ДАВОИ ДАРД. Имрӯз дар Душанбе «Фестивали занбӯрпарварон, намоиш ва фурӯши асал» баргузор гардид
Дар Тоҷикистон 250 навъи харбуза парвариш карда мешавад
ИСТИФОДАИ САМАРАНОКИ ЗАМИН. Кишоварзони шаҳри Панҷакент дар беш аз 2600 гектар кишти такрорӣ гузарониданд
