Дар Панҷакент Барномаи рушди ҳунармандӣ таҳия гардид
ДУШАНБЕ, 26.01.2023 /АМИТ «Ховар»/. «Барномаи рушди ҳунармандӣ дар шаҳри Панҷакент барои солҳои 2023-2025» баррасӣ ва тасдиқ карда шуд. Ин Барнома баҳри иҷрои дастуру супоришҳои Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати рушди ҳунармандӣ, ки дар Паёми хеш ба Маҷлиси Олии Ҷумҳурии Точикистон баён доштанд, таҳия гардид, иттилоъ медиҳад АМИТ «Ховар» бо истинод ба Мақомоти иҷроияи ҳокимияти давлатии шаҳри Панҷакент.
Мавриди зикр аст, ки то таҳияи лоиҳаи Барнома ба феҳристи ҳунарҳои мардумии шаҳр 76 навъи ҳунармандӣ ворид ва беш аз 1140 нафар ҳунармандон ба қайд гирифта шудаанд.
Лоиҳаи «Барномаи рушди ҳунармандӣ дар шаҳри Панҷакент барои солҳои 2023-2025» дар ҷаласаи Шӯро оид ба рушди соҳибкорӣ ва беҳтар намудани фазои соҳибкории назди Мақомоти иҷроияи ҳокимияти давлатии шаҳри Панҷакент баррасӣ ва тасдиқ карда шуд.
Барномаи мазкур, ки дар заминаи Қонуни Ҷумҳурии Тоҷикистон «Дар бораи рушди ҳунармандӣ» ва «Барномаи рушди ҳунармандӣ дар Ҷумҳурии Тоҷикистон» таҳия шудааст, ба аъзои Шӯро ва ҳозирин рӯнамоӣ гардид.
Барнома мақсад, роҳҳои эҳё ва рушди ҳунарҳои мардумиро дар Панҷакент, омӯзиши ҳунарҳои мардумӣ, ташкили намоишу фурӯши маҳсулоти ҳунармандӣ, марказу растаҳои ҳунармандӣ, Ассотсиатсияи ҳунармандони шаҳр, озмунҳо байни ҳунармандон, муқаррар намудани имтиёзҳо ва дастгирии молиявии онҳо, роҳандозии ҳамкорӣ бо ҳунармандони давлатҳои ҳамсоя, омӯхтани таҷрибаи онҳо, иштирок дар ҳамоишу намоишҳои ҷумҳуриявӣ ва байналмилалии ҳунарҳои мардумӣ, ҳамгироии рушди ҳунарҳои мардумӣ ва сайёҳӣ, ташаккули инфрасохтори соҳа, бозорёбӣ ва фурӯши маҳсулоти ҳунармандиро фаро мегирад.
Аъзои Шӯро ва иштирокдорон дар бораи Барномаи рушди ҳунармандӣ ибрози назар намуда, онро заминаи муҳим барои рушди ҳунармандӣ донистанд. Дар ҷаласа нақшаи фаъолияти Шӯро барои соли равон тасдиқ карда шуда, аъзои фаъоли Шӯро бо сипоснома ва туҳфаҳои хотиравии Мақомоти иҷроияи ҳокимияти давлатии шаҳр қадрдонӣ гардиданд.
АКС: Мақомоти иҷроияи ҳокимияти давлатии шаҳри Панҷакент
Дар вилояти Хатлон солҳои 2026-2030 «Солҳои фарҳанги китобхонӣ» эълон гардид
Соли 2025 зиёда аз 100 ҳазор сайёҳони хориҷӣ мавзеъҳои таърихию фарҳангии Тоҷикистонро тамошо намуданд
ҲУНАР МЕОМӮЗЕМ! Давлатбӣ Давлатова дар эҳёи порадӯзии миллӣ саҳми назаррас мегузорад
Дар Институти забон ва адабиёти ба номи Рӯдакӣ оид ба тавзеҳи нуктаҳои асосии Паёми Президенти Тоҷикистон ҷаласа баргузор шуд
Эмомалӣ Раҳмон: «Наврӯз, Меҳргон, Сада ва Тиргон таҷассумгари андешаҳои инсондӯстӣ ва бузургдошти табиат мебошанд»
Эмомалӣ Раҳмон: «Тоҷикон яке аз миллатҳои фарҳангиву тамаддунсози дунё мебошанд»
Эмомалӣ Раҳмон: «Борбад яке аз аввалин донандагони илми мусиқӣ ва оҳангсози касбии қаламрави ориёӣ эътироф гардидааст»
Эмомалӣ Раҳмон: ««Шоҳнома» сарчашмаи ҷовидонаи арзишҳои ҳувиятсози миллӣ ва андешаҳои ватандӯстиву истиқлолхоҳии тоҷикон мебошад»
Сарвари давлат Эмомалӣ Раҳмон мероси таърихиву фарҳангиро шиносномаи миллати куҳанбунёди тоҷик арзёбӣ намуданд
Китобҳои «Масири сарнавишт» ва «Авсофи Пешво» муаррифӣ карда шуданд
ПАЁМ-МУЖДА АЗ ШУКУФОӢ ВА ИҶРОИ ҲАДАФҲОИ СОЗАНДА. Дар Осорхонаи миллӣ ҳамоиш доир гардид
Асари «Абармарди таърихсоз» дар Озмуни ҷумҳуриявии «Китоби сол-2025» соҳиби Шоҳҷоиза гардид
