Миёни Тоҷикистон ва Ассотсиатсияи Байналмилалии Рушд 4 созишномаи грантӣ ба имзо расид
ДУШАНБЕ, 19.01.2022 /АМИТ «Ховар»/. 18 январ дар Душанбе миёни Ҷумҳурии Тоҷикистон ва Ассотсиатсияи Байналмилалии Рушд 4 созишномаи грантӣ ба имзо расонида шуд, хабар медиҳад АМИТ «Ховар» бо истинод ба Вазорати молияи ҷумҳурӣ.
Созишномаи якуми маблағгузорӣ ин кумаки техникӣ барои маблағгузории лоиҳаи Неругоҳи барқи обии «Роғун» мебошад. Ҳадафи лоиҳа- ин таҳияи сохтори маблағгузорӣ ва заминаи тиҷоратии лоиҳаи НБО-и «Роғун», баланд бардоштани устувории экологӣ ва иҷтимоии он, баланд бардоштани шаффофият ва дастгирии татбиқи барномаи манфиатҳои НБО-и «Роғун» мебошад.
Арзиши умумии кумаки техникӣ 11,7 млн ҳуқуқи махсуси қарзгириро ташкил дода, ба 15 млн доллари амрикоӣ баробар мебошад.
Созишномаи дуюми маблағгузорӣ ин Лоиҳаи дастгирии сиёсати рушди босубот ва устувори Тоҷикистон мебошад. Ҳадафи лоиҳа ин дастгирии Ҳукумати Ҷумҳурии Тоҷикистон барои баланд бардоштани сиёсати рушди босубот ва устувор тавассути беҳтар намудани шароит барои сармоягузории бахши хусусӣ, баланд бардоштани самаранокӣ, шаффофият ва ҳисоботдиҳии бахши давлатӣ, аз ҷумла корхонаҳои давлатӣ, инчунин таҳкими устувории иҷтимоӣ ва экологӣ ба ҳолатҳои буҳронӣ мебошад.
Арзиши умумии лоиҳа 39 млн ҳуқуқи махсуси қарзгириро ташкил дода, ба 50 млн доллари амрикоӣ баробар мебошад.
Созишномаи сеюми маблағгузорӣ ин маблағгузории иловагии лоиҳаи баланд бардоштани устувории кишоварзист. Ҳадафи асосии лоиҳа ин мустаҳкам намудани заминаи бахши устувори соҳаи кишоварзӣ ва дастгирии дахолати изтирорӣ барои ҳалли мушкилоти ғизо дар Тоҷикистон мебошад.
Арзиши умумии лоиҳа 39 млн ҳуқуқи махсуси қарзгириро ташкил дода, ба 50 млн доллари амрикоӣ баробар мебошад.
Созишномаи чорум ин пешниҳод намудани пешпардохт барои омодасозии лоиҳаи сохтмони неругоҳи барқи офтобии хусусӣ дар вилояти Суғд мебошад. Мақсади асосии пешпардохт- ин омодасозии асосноккунии техникӣ-иқтисодии лоиҳа, ҳисобот оид ба таъсири лоиҳа ба муҳити зист ва иҷтимоӣ, хизматрасониҳои машваратии транзаксионӣ ва тахассусоти асосии лоиҳа мебошад.
Дар доираи созишномаи мазкур 1,5 млн доллари амрикоӣ ба сифати пешпардохт пешниҳод гардидааст.
Созишномаҳои грантиро Вазири молияи Ҷумҳурии Тоҷикистон Файзиддин Қаҳҳорзода ва намояндаи доимии Бонки ҷаҳонӣ дар Тоҷикистон Озан Севимлӣ ба имзо расониданд.
АКС: Вазорати молияи Ҷумҳурии Тоҷикистон
Дар Душанбе бахшида ба Рӯзи кормандони мақомоти назорати давлатии молиявӣ ва мубориза бо коррупсия ҷамъомад баргузор шуд
ИМРӮЗ — РӮЗИ КОРМАНДОНИ МАҚОМОТИ НАЗОРАТИ ДАВЛАТИИ МОЛИЯВӢ ВА МУБОРИЗА БО КОРРУПСИЯ. Аз таъсиси Агентии назорати давлатии молиявӣ ва мубориза бо коррупсия 19 сол пур шуд
Неругоҳи барқи обии «Себзор» давоми фаъолият беш аз 21 миллион кВт-соат неруи барқ истеҳсол намудааст
Баҳодур Шерализода: «Қабули Қатъномаи ЮНЕП дар пешбурди дипломатияи муҳити зисти Тоҷикистон нақши назаррас дорад»
Агентии «Тоҷикстандарт»: «Аз маҳсулоти ширкати «Nestle» бо тамғаи NAN дар марҳилаи муайяншуда истифода набаред!»
Тоҷикистон ҳамкориро бо Бонки осиёии сармоягузории инфрасохторӣ тақвият медиҳад
Бонки миллии Тоҷикистон: иттилои паҳншуда дар бораи он, ки Бонки миллӣ бо 1 фоиз қарз медиҳад, воқеият надорад
Дар Ишкошим зеристгоҳи барқии «Қозидеҳ» ба истифода дода мешавад
Дар Вазорати рушди иқтисод ва савдо оид ба иҷрои супоришҳои Президенти Тоҷикистон дар Паём ба Маҷлиси Олӣ ҷаласа доир шуд
Дар Тоҷикистон лоиҳаи Қонун дар бораи сиёсати аграрӣ таҳия мегардад
Дар Панҷакент ҷаласаи Шуро оид ба рушди соҳибкорӣ ва беҳтар намудани фазои сармоягузорӣ баргузор гардид
Дар хоҷагии ҷангали ноҳияи Данғара дар 44 гектар ниҳолҳои пистаҳои хушкшуда барқарор гардид
