Озмуни «Беҳтарин маводи телевизионӣ, матбуотӣ ва радиоӣ дар бораи рушду тараққиёти шаҳри Душанбе» оғоз гардид

Январь 4, 2023 10:10

ДУШАНБЕ, 04.01.2022. /АМИТ «Ховар»/. Мақомоти иҷроияи ҳокимияти давлатии шаҳри Душанбе озмуни «Беҳтарин маводи телевизионӣ, матбуотӣ ва радиоӣ дар бораи рушду тараққиёти шаҳри Душанбе»-ро эълон намудааст, ки барои ҷойҳои аввали он 10 ҳазор сомонӣ, ҷойҳои дуюм — 7 ҳазор сомонӣ ва ҷойҳои сеюм- 5 ҳазор сомонӣ муқаррар гардидааст. Дар ин бора ба АМИТ «Ховар» дар шуъбаи иттилоотии дастгоҳи Раиси шаҳри Душанбе хабар доданд.

Ба зикри сардори шуъбаи иттилоотии дастгоҳи Раиси шаҳри Душанбе Ҷамшед Олимов, дар озмун ғолибон аз рӯи се гурӯҳ (телевизион, радио ва матбуот) муайян карда мешаванд. Озмуни мазкур дар асоси қарори дахлдори Раиси шаҳри Душанбе муҳтарам Рустами Эмомалӣ баргузор гардида, бо мақсади ҷалби намояндагони воситаҳои ахбори омма барои инъикоси дастовардҳои пойтахти мамлакат роҳандозӣ шудааст.

«Довталабон метавонанд маводи худро ба суроғаи шаҳри Душанбе, х.Рӯдакӣ 40, шуъбаи иттилооти дастгоҳи Раиси шаҳри Душанбе ирсол намоянд»,- илова кард Ҷамшед Олимов.

Тибқи талаботи низомномаи озмун, дар он танҳо намояндагони ВАО-и давлатие, ки дар ҳудуди шаҳри Душанбе ба қайд гирифта шудаанд, иштирок карда метавонанд.

Барои иштирок дар озмун довталаб бояд ҳуҷҷатҳои зеринро пешниҳод намояд:

— дархост барои иштирок дар озмун;

— нусхаи шаҳодатномаи бақайдгирии давлатӣ;

— маълумотнома оид ба суроғаи ҷойгиршавӣ;

— пешниҳоди мавод дар бораи дастовардҳои шаҳри Душанбе

(дар флэшкорт);

Барномаи телевизионӣ ва радиоӣ на кам аз 20 дақиқа ва на беш аз 35 дақиқа ва мақола дар ҳаҷми на кам аз 3 саҳифа (саҳифаи рӯзнома) ва дар он дастовардҳою рушди соҳаҳои гуногуни пойтахт ва саҳми Раиси шаҳр дар ободу зебо гардидани шаҳри Душанбе возеҳу равшан инъикос ёфта бошад;

Муҳлати охири қабули барномаҳо то 10 январи соли 2023 мебошад.

АКС: АМИТ «Ховар»

Январь 4, 2023 10:10

Хабарҳои дигари ин бахш

Рустами Эмомалӣ бо Кетрин Мери Рассел мулоқот намуданд
Раиси шаҳри Душанбе Рустами Эмомалӣ бо Раиси Шурои директорони шабакаи телевизионии «Евронюс» Педро Варгас Сантос Давид мулоқот намуданд
Бахшида ба Рӯзи ҷавонони Тоҷикистон ҳамоиши табибони ҷавони шаҳри Душанбе баргузор шуд
Шаҳри Душанбе то соли 2028 пурра ба нақлиёти мусофиркаши барқӣ мегузарад
Даври шаҳрии Озмуни ҷумҳуриявии «Оилаи беҳтарин» баргузор мегардад
«RED BUS TOURS». Дар Душанбе мавсими хатсайрҳои сайёҳии дохилишаҳрӣ оғоз мегардад
Туҳфаи Президенти Тоҷикистон ба иштирокчиёни Ҷанги дуюми ҷаҳонӣ дар ноҳияи Сино супорида шуд
Дар Душанбе ба пешвози меҳмонон-иштирокдорони Конфронси байналмилалии сатҳи баланд оид ба ҳифзи пиряхҳо омодагӣ мегиранд
Бо қарори Раиси шаҳри Душанбе Рӯзи ҷавонони Тоҷикистон дар сатҳи баланд таҷлил мегардад
Бо Қарори Раиси шаҳри Душанбе ба иштирокчиёни Ҷанги дуюми ҷаҳонӣ кумакҳои пулӣ расонида мешаванд
Дар Душанбе барои занону духтарон аз оилаҳои ниёзманд даври омӯзишии «Бонуи ҳунар» оғоз ёфт
Барои ташкили ғайриқонунии нуқтаи савдо нисбат ба 13 шаҳрванд санади маъмурӣ тартиб дода шуд