«Сомон Эйр» аз ширкати «Omnipol» ҳавопаймоҳои L-410 дастрас менамояд

Январь 25, 2023 10:06

ДУШАНБЕ, 25.01.2023 /АМИТ «Ховар»/. Ширкати ҳавопаймоии «СомонЭйр» тасмим гирифтааст, ки дар ояна аз ширкати «Omnipol» ҳавопаймоҳои L-410 дастрас намояд. Дар ин бора ба АМИТ «Ховар» дар ширкати ҳавопаймоии «Сомон Эйр» иттилоъ доданд.

Дар робита ба ин дар Душанбе музокироти ҳайати роҳбарикунандаи ширкати ҳавопаймоии «Сомон Эйр» ва ҳайати ширкати «Omnipol»-и Ҷумҳурии Чех доир карда шуд.

Зимни он намояндагони ширкати «Omnipol», ки молики корхонаи Aircraft Industries – истеҳсолкунандаи ҳавопаймоҳои L-410 мебошад, ҳавопаймоҳои навъи NG ва UVP-E20-ро муаррифӣ намуданд. Ҳавопаймои мазкур барои ширкатҳои ҳавопаймоии тиҷоратӣ тарҳрезӣ шуда, ба ҷуз мусофиркашонӣ онро метавон ҳамчун техникаи боркашонӣ низ истифода кард.

Ҳавопаймои L-410 NG аз ҷониби Агентии аврупоӣ оид ба бехатарии авиатсионӣ сертификатсия шуда, охирин модификатсияи ҳавопаймоҳои L-410 мебошад. Ҳавопаймои навсозишуда хусусияти беҳтаршудаи парвозиву истифодаро доро буда, бо технологияҳои пешрафта ва авионикаи инноватсионӣ муҷаҳҳаз мебошад.

Дар интиҳои муаррифӣ масоили ҳамкории дуҷониба баррасӣ шуданд. Роҳбарияти ширкати ҳавопаймоии «Сомон Эйр» ба ҳавопаймоҳои муаррифишуда мароқ зоҳир намуда, зарурати гузаронидани таҳлили марбутаро барои харидории якчанд ҳавопаймо иброз дошт. Ҷонибҳо ҳамзамон ба хулосае омаданд, ки бо қабули пешниҳоди тиҷоратӣ аз корхонаи истеҳсолкунанда музокиротро идома диҳанд.

Omnipol Holding — гурӯҳи тиҷоратии сармоягузориест, ки ба он ширкатҳои соҳаи кайҳонии Чехия шомил мебошанд. Ҳавопаймои L-410 дар охири солҳои 1960 тарҳрезӣ шуда, тавассути он метавон 19 нафар мусофиронро дар хатсайрҳои маҳаллӣ интиқол дод. Ҳавопаймо барои алоқаи байни марказ ва навоҳии дурдаст, ҳамзамон эҳтиёҷоти авиатсияи тиббӣ истифода мешавад.

Ёдовар мешавем, ки ширкати ҳавопаймоии «Сомон Эйр» дар айни замон парвозҳоро аз Тоҷикистон ба Олмон, Амороти Муттаҳидаи Араб, Туркия, Чин, Ҳиндустон, Русия, Қазоқистон ва Узбекистон анҷом медиҳад.

Парки ширкати ҳавопаймоӣ аз ҳавопаймоҳои Boeing 737-800 ва -900 иборат мебошад.

АКС аз манбаъҳои боз

Январь 25, 2023 10:06

Хабарҳои дигари ин бахш

Қитъаи муҳими роҳи Душанбе – Хоруғ – Қалъаихумб бо пулу нақб мавриди истифода қарор гирифт
Эмомалӣ Раҳмон: «Ба рушди Вилояти Мухтори Кӯҳистони Бадахшон зиёда аз 25 миллиард сомонӣ равона шудааст»
Дар Хадамоти гумрук моҳияти қонунҳои миллӣ тавзеҳ дода шуд
Эмомалӣ Раҳмон: «Дар Вилояти Мухтори Кӯҳистони Бадахшон амалисозии 9 барномаи рушди иҷтимоиву иқтисодӣ идома дорад»
Байни вилоятҳои Хатлони Тоҷикистон ва Ленингради Русия Созишномаи ҳамкорӣ ба имзо расид
Раҳмон Исломиддин дар ҷаласаи навбатии Шурои байнидавлатӣ оид ба стандартизатсия, метрология ва сертификатсияи давлатҳои аъзои ИДМ иштирок намуд
Дар Турсунзода Фестивали саводнокии молиявӣ баргузор шуд
Татбиқи тарҳи «CASA-1000» намунаи ҳамкории энергетики минтақавӣ мебошад
Ҷаласаи сеюми Комиссияи байниҳукуматии Тоҷикистону Ҷопон баргузор гардид
Байни «Амонатбонк» ва Федератсияи футболи Тоҷикистон шартномаи ҳамкорӣ ба имзо расид
Дар доираи ҳамкории Тоҷикистон бо Фонди байналмилалии рушди кишоварзӣ академияи бонкӣ таъсис дода мешавад
Харитаи роҳи Ҳадафи 7-уми Рушди Устувор барои Тоҷикистон расман оғоз гардид