Дар Донишгоҳи (славянии) Русияву Тоҷикистон мутахассисони дорусоз-гиёҳшинос омода карда мешаванд
ДУШАНБЕ, 03.02.2023 /АМИТ «Ховар»/. Дар Донишгоҳи (славянии) Русияву Тоҷикистон тасмим гирифта шудааст, ки аз рӯи ихтисосҳои «Истифодаи сарватҳои зеризаминӣ ва арзёбии кадастрӣ» ва шуъбаи «Фармакология» самти нав ифтитоҳ намоянд. Дар ин хусус имрӯз зимни нишасти матбуотӣ ректори донишгоҳ Файзулло Машрабӣ иттилоъ дод.
Донишҷӯён тибқи меъёрҳои Русия таълим мегиранд. Таҷҳизот барои шуъба аз Федератсияи Русия дастрас карда мешавад.
«Ҳуҷҷатҳои зарурӣ барои Маркази миллии тестӣ омода шуда, аз соли 2024 аллакай ихтисос ба барномаи он ворид карда мешавад. Донишгоҳи мо заминаи зарурӣ дорад, дар назди кафедраи «Кимиё ва биология» озмоишгоҳҳои махсус мавҷуданд, дар он ҷо профессороне кор мекунанд, ки ба фаъолият дар кафедраи мазкур ҷалб карда мешаванд. Мувофиқи барномаи рушд мо ҳар нимсола аз Федератсияи Русия 4 мутахассисро барои таълими фанҳои дақиқ ҷалб мекунем», — таъкид намуд ректори донишгоҳ.
Ба иттилои манбаъ, соли 2022 шумораи умумии омӯзгорону кормандони донишгоҳ 702 нафар ва омӯзгорону кормандони муассисаи таҳсилоти миёнаи умумии «Донишгоҳи (славянии) Русияву Тоҷикистон» дар шаҳрҳои Душанбе ва Кӯлоб 108 нафар (ҳамагӣ 810 нафар) буд. Шумораи умумии муаллимони ҷавони доимии то 35-сола 96 нафар ва аз 63-сола боло 66 нафарро ташкил медиҳад. Шумораи муаллимони дорои унвони илмӣ, аз ҷумла омӯзгорони то 35 — сола — 22 нафар, аз 63-сола боло — 57 нафарро ташкил медиҳад.
Дар айни замон бо донишгоҳҳои пешрафтаи Русия ва Иттиҳоди Давлатҳои Мустақил, кишварҳои Аврупо зиёда аз 180 шартномаву созишномаҳо баста шудаанд. Солҳои 2021-2022 бо донишгоҳҳои Федератсияи Русия, Узбекистон, Чин ва Қазоқистон 10 шартнома ба имзо расидааст.
Дар соли таҳсили 2022-2023 шумораи умумии донишҷӯёни хориҷӣ дар донишгоҳ 288 нафарро аз 11 кишвари ҷаҳон ташкил медиҳад. Инҳо Озарбойҷон, Афғонистон, Қазоқистон, Қирғизистон, Чин, Лаҳистон, Ҷумҳурии Корея, Федератсияи Русия, Туркманистон, Узбекистон ва Украина мебошанд. Дар шуъбаи рӯзона 135 ва дар шуъбаи ғоибона 153 нафар донишҷӯёни хориҷӣ таҳсил мекунанд.
Азиза ДАДАБОЕВА,
АМИТ «Ховар»
АКС: АМИТ «Ховар»
Ҷаласаи ситоди даври чоруми Озмуни ҷумҳуриявии «Илм – фурӯғи маърифат» баргузор гардид
Дар Донишгоҳи технологии Тоҷикистон раванди озмоишии модулҳои таълимии лоиҳаи Донишгоҳи кушодаи инноватсияҳо дар озуқаворӣ гузаронида шуд
Дар Донишгоҳи давлатии Кӯлоб дар мавзуи масъалаҳои мубрами забоншиносӣ ва тарҷумашиносӣ конференсияи байналмилалӣ баргузор шуд
Дар Академияи идоракунии давлатӣ барномаҳои стипендиявии Лаҳистон муаррифӣ гардиданд
Дар Донишгоҳи технологии Тоҷикистон татбиқи лоиҳаҳоии CirculEC ва OFINU баррасӣ шуд
Дар Донишгоҳи давлатии Хоруғ оид ба тағйирёбии иқлим ва пешгирии обшавии пиряхҳо ҳамоиши илмӣ доир гардид
Байни Донишгоҳи давлатии омӯзгории Тоҷикистон ва Донишгоҳи миллии илмҳои компютерӣ ва рушдёбандаи Покистон созишномаи ҳамкорӣ ба имзо расид
Академияи идоракунии давлатии Тоҷикистон бо ширкати «Really English»-и Британия ҳамкорӣ менамояд
Вазири маориф ва илми Тоҷикистон дар Конгресси якуми ҷаҳонӣ оид ба таҳсилоти фарогир дар Алмато иштирок намуд
Тоҷикистону Қирғизистон дар самти такмили ихтисоси кормандони соҳаи маориф Ёддошти тафоҳум ба имзо расониданд
Қабули ҳуҷҷатҳо барои иштирок дар Стипендияи байналмилалии «Дурахшандагон» оғоз гардид
Омӯзгорону кормандони соҳаи маориф дар Федератсияи Русия табодули таҷриба намуданд
