Соли 2022 дар ноҳияи Рӯдакӣ ба маблағи 47 миллион сомонӣ манзили истиқоматӣ ва дигар иншоот бунёд карда шуд

Февраль 15, 2023 18:49

ДУШАНБЕ, 15.02.2023 /АМИТ «Ховар»/. Дар доираи омодагиҳо ба ҷашни 35–солагии Истиқлоли давлатии Ҷумҳурии Тоҷикистон ва раванди корҳои бунёдкорию созандагӣ дар ноҳияи Рӯдакӣ соли сипаригардида 40 596 метри мурббаъ манзили истиқоматӣ ва дигар иншооти таъйиноташон гуногун, аз ҷумла муассисаҳои таълимию фарҳангӣ, биноҳои маъмурӣ ба маблағи беш аз 47 миллион сомонӣ сохта, ба истифода дода шуданд.

Имрӯз зимни натиҷагирӣ аз рушди соҳаҳои иқтисодию иҷтимоии ноҳия ба доираи васеи хабарнигорон гуфта шуд, ки «соли гузашта нақшаи буҷети ноҳия аз рӯи контингент беш аз 201 миллион сомонӣ ё 109 фоиз иҷро гардид, ки нисбат ба нақша 16 миллион сомонӣ зиёд аст. Нақшаи қисми даромади буҷети маҳаллӣ дар ин давра зиёда аз 176 миллион сомонӣ иҷро шуда, 109,2 фоизи нақшаро фаро мегирад, ки аз нақшаи пешбинигардида қариб 15 миллион сомонӣ зиёд мебошад. Инчунин соли гузашта бақияпулиҳои андоз қариб 4 миллион сомониро ташкил намуд, ки дар қиёс ба соли 2021 593 ҳазор сомонӣ ва нисбат ба моҳи январи соли равон 185 ҳазор сомонӣ кам гардидааст».

Таъкид карда шуд, ки ба таъхир мондани пардохти нақди музди меҳнат ва андози иҷтимоии кормандони ташкилоту муассисаҳои буҷетии ноҳия дар соли гузашта вуҷуд надорад.

Ҳамзамон дар ҷараёни нишасти матбуотӣ доир ба дигар соҳаҳои афзалиятноки ноҳия, аз ҷумла, саноат ва энергетика, сохтмон ва меъморӣ, нақлиёт ва алоқа, кишоварзӣ, соҳибкорӣ ва сармоягузорӣ, маориф, тандурустӣ, ҳифзи иҷтимоӣ, фарҳанг, варзиш, дар маҷмӯъ рушди иқтисодиёти ноҳияи Рӯдакӣ гузориш дода шуда, ба саволҳои намояндагони воситаҳои ахбори омма посух гуфта шуд.

Марзия САИДЗОДА,
АМИТ «Ховар»

АКС аз манбаъҳои боз

Февраль 15, 2023 18:49

Хабарҳои дигари ин бахш

МО ҶАВОНЕМ, МО ҶАВОНЕМ, МО ҶАВОН! Дар Тоҷикистон зиёда аз 2 миллион нафарро ҷавонон ташкил медиҳанд
РИСОЛАТИ ТАЪРИХИИ ҲИЗБИ ХАЛҚИИ ДЕМОКРАТИИ ТОҶИКИСТОН ДАР ТАҲКИМИ ПОЯҲОИ ИСТИҚЛОЛИ ДАВЛАТӢ. Андешаҳо ба ифтихори 30-солагии таъсиси ҳизб
СОЛИ МАЪРИФАТИ ҲУҚУҚӢ. Расонидани ёрии ҳуқуқии ройгон ифодагари ғамхории Пешвои миллат нисбат ба мардуми Тоҷикистон аст
«СИФАТИ ХИЗМАТРАСОНИИ ТИББӢ». Доир ба беҳтар намудани кумаки статсионарӣ ба модарон, навзодон ва кӯдакон машғулият доир гардид
Давоми шабонарӯзи охир бар асари бориши шадид дар минтақаҳои гуногуни Тоҷикистон сел ба амал омад
Бахшида ба Рӯзи ҷавонони Тоҷикистон Вазири корҳои дохилӣ бо ҷавонони фаъол вохӯрӣ намуд
Директори Хазинаи байналмилалии асъор бо занони пешсафи тоҷик мулоқот намуд
МОҲВОРАИ ҶАВОНОН. Дар шаҳри Бохтар Фестивали бозиҳои миллӣ баргузор гардид
«МАКТАБИ СИЁСИИ ПЕШВОИ МИЛЛАТ». Таҳти чунин унвон конференсияи 4-уми байналмилалии илмӣ-амалӣ доир шуд
БАХШИДА БА РӮЗИ ҶАВОНОНИ ТОҶИКИСТОН. Дар ноҳияи Панҷ бо афсарону сарбозони қисмҳои ҳарбӣ вохӯрӣ доир гардид
Дар Душанбе масъалаи фарогирии умумӣ ба хизматрасонии тандурустӣ баррасӣ гардид
Дар Душанбе бо намояндагони созмонҳои байналмилалӣ оид ба коҳиши хатари офатҳои табиӣ мулоқот доир гардид