Соли 2022 яке аз солҳои рекордии болоравии нархҳои озуқа дар ҷаҳон гардид

ДУШАНБЕ, 02.02.2023 /АМИТ «Ховар»/. Соли гузашта тибқи маълумоти Созмони озуқавории ҷаҳонӣ (ФАО) (Созмони кишоварзии СММ), дар ҷаҳон афзоиши рекордии қимати маводи ғизоӣ мушоҳида шуд. Дар охири соли 2022 арзиши миёнаи индекси нархҳои озуқавории СОҶ (ФАО) 143,7 бандро ташкил дод, ки нисбат ба соли 2021 ҳамагӣ 18 банд зиёд аст. Тавре АМИТ «Ховар» иттилоъ медиҳад, дар ин хусус АБИ «Казинформ» бо истинод ба Finprom.kz хабар додааст.

Номгӯи нархҳои озуқавории СОҶ (ФАО) тағйироти ҳармоҳа ва солонаро инъикос мекунад. Рақамҳои соли 2022 баландтарин аз оғози ҷамъоварии маълумот (яъне аз соли 1990) буданд, зеро дар моҳҳои аввал нишондиҳандаҳои рекордӣ сабт шудаанд.

Дар ҳамин ҳол, дар моҳи декабри соли 2022 арзиши миёнаи номгӯи нархҳои озуқавории СОҶ 132,4 бандро ташкил дод, ки нисбат ба моҳи ноябр 2,6 банд камтар аст. Коҳишёбӣ дар моҳи апрели соли 2022 ҳангоми номгӯи нархҳо 158,4 бандро ташкил медод (дар моҳи март — 159,7 банд) оғоз шуда буд. Пастшавии номгӯи нархҳо ба якбора поин рафтани нархи равғани растанӣ дар ҷаҳон вобаста аст.

Дар байни категорияҳои асосии озуқа дар моҳи декабри соли 2022 рӯйхати аз ҳама бештари ғалладонагиҳо- 147,3 балл ба қайд гирифта шудааст. Ин назар ба моҳи ноябр 2,9 банд камтар, аммо нисбат ба моҳи декабри соли 2021 6,8 банд бештар аст. Мутахассисон мегӯянд, ки вазъи фурӯши ғалладона дар моҳи декабр пас аз мавсими ҷамъоварии ғалладонагӣ бинобар афзоиши рақобат байни содиркунандагон, ки дар ниҳоят ба поин рафтани нархи гандум оварда расонид, беҳтар гардид.

Рӯйхати нархи равғани растанӣ 144,4 бандро ташкил дод, ки нисбат ба моҳи ноябр 10,3 банд ва нисбат ба моҳи декабри соли 2021 34,1 банд камтар аст. Коҳишёбии андозаи индекс ба коҳиши нархҳои равғани нахл, лӯбиёӣ, маъсар ва офтобпараст иртибот дорад.

 АКС аз манбаъҳои боз