«Сомон Эйр» парвозҳоро дар масири Душанбе-Урумчӣ-Душанбе барқарор намуд
ДУШАНБЕ, 09.02.2023 /АМИТ «Ховар»/. Ширкати ҳавопаймоии «Сомон Эйр» шурӯъ аз 8 феврал баъд аз се соли танаффус парвозҳоро дар масири Душанбе-Урумчӣ-Душанбе барқарор намуд. Дар ин хусус АМИТ «Ховар» бо истинод ба ширкати ҳавопаймоии «Сомон Эйр» иттилоъ медиҳад.
Парвозҳо ҳафтае як маротиба рӯзҳои чоршанбе тариқи ҳавопаймоҳои Boeing 737-800 ва 737-900 сурат мегиранд. Вақти парвоз аз Душанбе соати 12:00, аз Урумчӣ соати 19:00 ба вақти маҳаллӣ муқаррар шуда, давомнокии парвоз дуюним соатро ташкил медиҳад. Шурӯъ аз нимаи аввали моҳи март ширкати ҳавопаймоӣ аз Душанбе ба Урумчӣ ҳафтае ду маротиба парвоз хоҳад кард.
Инчунин «Сомон Эйр» шумораи парвозҳоро аз Душанбе ба Новосибирск афзоиш додааст. Аз 5 феврал парвозҳо дар хатсайри Душанбе-Новосибирск-Душанбе ҳафтае ду маротиба- рӯзҳои чоршанбе ва якшанбе амалӣ мегарданд. Рӯзҳои чоршанбе вақти парвоз аз Душанбе 18:00, аз Новосибирск 00:50 (шаби панҷшанбе), рӯзҳои якшанбе парвоз аз фурудгоҳи Душанбе соати 12:00 ва баргашт соати 18:30 ба вақти маҳаллӣ мебошад. Давомнокии парвоз 3 соат буда, парвозҳо тавассути ҳавопаймоҳои Boeing 737-800 ва 737-900 анҷом дода мешаванд.
Ширкати ҳавопаймоии «Сомон Эйр» дар айни замон парвозҳоро аз Тоҷикистон ба Олмон, Амороти Муттаҳидаи Араб, Туркия, Чин, Ҳиндустон, Эрон, Русия, Қазоқистон ва Узбекистон анҷом медиҳад. Парки ширкат аз ҳавопаймоҳои Boeing 737-800 ва 737-900 иборат мебошад.
АКС аз манбаъҳои боз
Губернатори Ҳукумати мардумии музофоти Шэнсии Чин бо фаъолияти Минтақаи озоди иқтисодии «Данғара» шинос шуд
Тоҷикистон дар муборизаи байналмилалӣ барои ҳифзи бабри барфӣ саҳм мегузорад
МАСЛИҲАТИ МУТАХАССИС. Норасоии намӣ ба решаи дарахтон самаранокии боғотро паст мекунад
Густариши ҳамкории вилояти Хатлон бо музофоти Шэнсӣ баррасӣ шуд
Дар Душанбе ҳамкории иқтисодӣ ва татбиқи лоиҳаҳои муштараки Тоҷикистону Чин баррасӣ гардид
РӮЗИ ҶАҲОНИИ БЕХАТАРИИ ОЗУҚАВОРӢ. Бо мақсади таъмини бехатарии маҳсулот дар Тоҷикистон 14 озмоишгоҳ фаъолият дорад
Сарфаи неруи барқ танҳо вазифаи давлатӣ нест, балки масъулияти ахлоқии ҳар як шаҳрванди мамлакат аст
«IMPERIУA TECHSTREAM — 2025». Дар Душанбе барои наврасон нахустин озмуни технологияҳои иттилоотӣ баргузор гардид
РӮЗИ БАЙНАЛМИЛАЛИИ МУҲИТИ ЗИСТ. Баҳодур Шерализода: «Ҷомеаи ҷаҳон Тоҷикистонро ҳамчун давлати ташаббускор дар соҳаи обу иқлим ва ҳифзи пиряхҳо эътироф намудааст»
Бонки рушди Созмони ҳамкории Шанхай таъсис дода мешавад
Байни Тоҷикистон ва Қирғизистон Протокол оид ба мубодилаи маълумоти пешакии гумрукӣ дар бораи интиқоли молу воситаҳои нақлиёт ба имзо расид
Ҷаласаи 80-уми Шурои роҳбарони хадамотҳои гумруки давлатҳои иштирокдори Иттиҳоди Давлатҳои Мустақил баргузор гардид
