Тоҷикистон соли 2022 бо 109 давлати ҷаҳон мубодилаи мол анҷом дод
ДУШАНБЕ, 15.02.2023 /АМИТ «Ховар»/. Ҷумҳурии Тоҷикистон соли гузашта бо 109 давлати ҷаҳон амалиёти содиротию воридотӣ анҷом додааст. Дар ин хусус муовини якуми Сардори Хадамоти гумруки назди Ҳукумати Ҷумҳурии Тоҷикистон Азим Турсунзода имрӯз ба намояндагони воситаҳои ахбори оммаи ватанӣ ва хориҷӣ дар Душанбе зимни нишасти матбуотӣ иттилоъ дод.
Мавсуф гуфт, ки гардиши мол бо кишварҳои хориҷи наздик беш аз 3,8 миллиард доллар ё 51,7 фоизи гардиши тиҷорати хориҷиро ташкил дода, нисбат ба соли 2021 ба маблағи 761,2 миллион доллар, аз ҷумла содирот 762,6 миллион доллар ва воридот беш аз 3,1 миллиард долларро ташкил дод. Содирот зиёда аз 190 миллион доллар ва воридот беш аз 580 миллион доллар афзоиш ёфтааст.
Гардиши мол бо давлатҳои хориҷи дур беш аз 3,6 миллиард доллар ё 48,3 фоизи гардиши тиҷорати хориҷиро ташкил дод. Аз ҷумла, содирот беш аз 1,5 миллиард доллар ва воридот зиёда аз 2 миллиард долларро ташкил дода, содирот 352,8 миллион доллар ва воридот ба маблағи 394,2 миллион доллар рӯ ба афзоиш ниҳод.
Азим Турсунзода гуфт, ки соли сипаригардида аз Тоҷикистон ба хориҷи мамлакат ба маблағи 730,8 миллион доллар маъданҳо ва консентратҳо, 139,9 миллион доллар- алюминий, беш аз 106 миллион доллар- неруи барқ, зиёда аз 51 миллион доллар- маҳсулоти меваю сабзавот, қариб 45 миллион доллар семент, қариб 4 миллион доллар чарм содирот гардидааст. Аз ҳаҷми умумии содирот 32,7 фоиз ё 762,6 миллион доллар ба кишварҳои хориҷи наздик ва 67,3 фоиз ё 1 567,5 миллион доллар ба давлатҳои хориҷи дур рост меояд. Ҳаҷми асосии содироти мол бо давлатҳои Қазоқистон беш аз 20 фоиз, Чин- 15,8 фоиз, Туркия, Узбекистон мутаносибан 7,7 фоиз, Эрон- қариб 5 фоиз, Белгия- 4,4 фоиз, Русия- қариб 4 фоиз ва Сингапур- 1,8 фоизро ташкил медиҳад.
Таъкид гардид, ки содироти мол аз Тоҷикистон дар соли гузашта нисбат ба соли 2021 ба Чин беш аз 208 миллион доллар, Қазоқистон-қариб 124 миллион доллар, Эрон- 75,5 миллион доллар, Узбекистон- қариб 53 миллион доллар, Сингапур- 42,2 миллион доллар, Русия- 15,8 миллион доллар ва Белгия- қариб 14 миллион доллар афзоиш, аммо бо Туркия ба маблағи 52,6 миллион доллар, Гурҷистон- 3,5 миллион доллар, Нидерланд- 2,2 миллион доллар, Покистон- 2,1 миллион доллар ва Хорватия- 1,8 миллион доллар коҳиш ёфтааст.
Марзия САИДЗОДА,
АМИТ «Ховар»
АКС: АМИТ «Ховар»
ЭНЕРГИЯИ «САБЗ». Дар Тоҷикистон нахустин лоиҳаи неругоҳи офтобӣ бо иқтидори 500 МВт татбиқ карда мешавад
Байни Кумитаи ҳифзи муҳити зист ва UNDP оид ба коҳиш додани истифодаи гидрофторкарбонҳо созишнома ба имзо расид
Аз 1 январ раёсат дар Шуро оид ба авиатсия ва истифодаи фазои ҳавоии ИДМ ба Тоҷикистон гузашт
Дар «Саноатсодиротбонк» оид ба нуктаҳои Паёми Президенти Тоҷикистон ба Маҷлиси Олӣ ҳамоиш доир шуд
Ҳаҷми истеҳсоли маҳсулоти саноатӣ дар Минтақаи озоди иқтисодии «Панҷ» ба 17 миллион сомонӣ баробар гардид
Дар Душанбе бахшида ба Рӯзи кормандони мақомоти назорати давлатии молиявӣ ва мубориза бо коррупсия ҷамъомад баргузор шуд
ИМРӮЗ — РӮЗИ КОРМАНДОНИ МАҚОМОТИ НАЗОРАТИ ДАВЛАТИИ МОЛИЯВӢ ВА МУБОРИЗА БО КОРРУПСИЯ. Аз таъсиси Агентии назорати давлатии молиявӣ ва мубориза бо коррупсия 19 сол пур шуд
Неругоҳи барқи обии «Себзор» давоми фаъолият беш аз 21 миллион кВт-соат неруи барқ истеҳсол намудааст
Баҳодур Шерализода: «Қабули Қатъномаи ЮНЕП дар пешбурди дипломатияи муҳити зисти Тоҷикистон нақши назаррас дорад»
Агентии «Тоҷикстандарт»: «Аз маҳсулоти ширкати «Nestle» бо тамғаи NAN дар марҳилаи муайяншуда истифода набаред!»
Тоҷикистон ҳамкориро бо Бонки осиёии сармоягузории инфрасохторӣ тақвият медиҳад
Бонки миллии Тоҷикистон: иттилои паҳншуда дар бораи он, ки Бонки миллӣ бо 1 фоиз қарз медиҳад, воқеият надорад
