Бахшида ба Наврӯз дар Гимназияи №1 барои хонандагони болаёқати шаҳри Душанбе барномаҳои омӯзишӣ баргузор шуданд
ДУШАНБЕ, 21.02.2023. /АМИТ «Ховар»/. Дар Гимназияи №1 барои хонандагони болаёқати шаҳри Душанбе барои дар сатҳи баланд таҷлил намудани Ҷашни байналмилалии Наврўз тадбирҳои муассир андешида шуд. Аз ҷумла, дастаи «Патрули сабз» дар доираи иқдоми «Шаҳри сабз», ки дар пойтахт идома дорад, 365 бех гулро дар саҳни ҳавлии Гимназия шинонида, нигоҳубин менамоянд. Ҳамчунин таҳти номҳои «Наврӯз аз нигоҳи илми биология» ва «Наврӯз аз нигоҳи илми астрономия» барномаҳои омӯзишиву маърифатӣ баргузор гардиданд.
Тавре масъули чорабиниҳои наврўзии Гимназияи мазкур ба хабарнигори АМИТ «Ховар» изҳор дошт, роҳбарияти ин муассисаи таълимӣ кўшиш намуданд, ки ба хонандагон моҳияти Ҷашни байналмилалии Наврўз ва заминаҳои ҷаҳонӣ шудани онро бо ташкили расму оинҳои қадимаи халқи тоҷик дар таҷлили ин иди аҷдодӣ фаҳмонданд. Ҳамчунин ба хонандагон оид ба ташаббусҳои ҷаҳонии Президенти Ҷумҳурии Тоҷикистон муҳтарам Эмомалӣ Раҳмонро дар мавриди обу иқлим маълумоти муфассал дода шуд.
«Хонандагон бояд донанд, ки чаро тоҷикон Наврўзро бузургтарин ҷашни миллӣ арзёбӣ кардаанд ва моҳияти фалсафиву иҷтимоии он дар чист? Ва чаро мо бояд ба онҳо арҷ гузорем? Бо ташкили ҳар гуна чорабиниҳои омўзишиву маърифатӣ ба хонандагон оид ба ин суолҳо посух дода шуд», — иброз доштанд онҳо.
Тазаккур дода шуд, ки тибқи риояи анъанаҳои наврўзӣ хонандагони синфи 10-и Гимназия ба дидорбинии омӯзгори собиқадор Ирамгул Сафарова рафта, ба он кас дар маросими «хонатаконӣ» кумак карданд.
Онҳо тасмим гирифтанд, ки минбаъд низ дар арафаи ҷашни Наврўз ин анъанаро давом дода, ба нафарони ниёзманд дар иҷрои маросими «хонатаконӣ» кумак мерасонанд.
Ҳамчунин дар арафаи иди Наврӯз, баъд аз дарсҳои асосӣ барои духтарон маҳфилҳои махсус баргузор гардида, ба онҳо ҳунарҳои мардумӣ, аз ҷумла 10 ҳунарҳои пахтапайиву ҳаллоҷӣ ва зардӯзию гулдӯзӣ, инчунин омода кардани хўрокҳои наврўзиро омӯзонданд.
Ҳамзамон 18 март дар Гимназия байни гурӯҳҳои гуногуни хонандагон ду чорабинии варзишӣ -гӯштингирию бандкашӣ гузаронида шуданд.Ғолибон бо мукофот ва туҳфаҳо ҳавасманд гардонида шуданд.
АКС: Гимназияи №1 барои хонандагони болаёқати шаҳри Душанбе
Ҳамкории Донишгоҳи байналмилалии сайёҳӣ ва соҳибкории Тоҷикистон бо Институти стратегияи рушди илму технология ва Донишгоҳи технологии Чендуи Чин баррасӣ шуд
«Стратегияи рушди такмили ихтисос ва бозомӯзии кормандони соҳаи маориф барои давраи то соли 2030» тасдиқ гардид
Магистранти Донишгоҳи миллии Тоҷикистон дар Олимпиадаи байналмилалии Туркманистон сазовори ҷойи сеюм гардид
Озмуни байналмилалии табодули малакаҳои таълими забони чинӣ барои омӯзгорони Осиёи Марказӣ ҷамъбаст гардид
Байни Донишгоҳи давлатии Хуҷанд ва Донишгоҳи давлатии Полоски Беларус созишномаи ҳамкорӣ ба имзо расид
Дар доираи Форуми сеюми байналмилалии ректорони донишгоҳҳои Тоҷикистон ва Беларус 25 созишномаи нави ҳамкорӣ ба имзо расид
Байни Донишгоҳи давлатии ҳуқуқ, бизнес ва сиёсати Тоҷикистон ва Донишгоҳи Русия-Беларус шартномаи ҳамкорӣ ба имзо расид
Байни Донишгоҳи техникии Тоҷикистон ва муассисаҳои таҳсилоти олии касбии Беларус созишномаи ҳамкорӣ ба имзо расид
Дар Душанбе Форуми ректорони муассисаҳои таҳсилоти олии касбии Тоҷикистон ва Беларус оғоз шуд
Дар деҳаи Корвони шаҳри Ваҳдат бинои нави муссисаи таълимӣ ба истифода дода шуд
НАМУНАИ ИБРАТ. Заҳмати модар Фараҳбахши нобиноро ғолиби Озмуни ҷумҳуриявии «Фурӯғи субҳи доноӣ китоб аст» гардонид
Дар ноҳияи Балҷувон иншооти нави соҳаи маориф бунёд гардид
