БОРОН, РАЪДУ БАРҚ ВА ТУМАН. Ҳавои моҳи март дар Тоҷикистон ба соли сипаригардида шабоҳат дорад
ДУШАНБЕ, 01.03.2023 /АМИТ «Ховар»/. Моҳи март дар Тоҷикистон ҳаво аз меъёри иқлимӣ то 1-2 дараҷа баланд пешгӯӣ шуда, дар водиҳо то 14 ва дар ноҳияҳои доманакӯҳ то 9 дараҷа гармиро ташкил медиҳад. Дар рӯзҳои алоҳида баамалоии боронҳои пай дар пай, раъду барқ, боридани жола, фаромадани туман ва шиддатёбии вазиши шамол бо суръати то 12-17 метр дар як сония пешгӯӣ карда мешавад, иттилоъ доданд ба АМИТ «Ховар» дар Агентии обуҳавошиносии мамлакат.
Тавре дар Агентии обуҳавошиносӣ изҳор доштанд, ҳавои моҳи марти имсола дар Тоҷикистон шабоҳат ба моҳи марти соли сипаригардида дорад. Соли 2022 дар мамлакат боронҳои пуршиддат ба амал омада буданд.
Бояд тазаккур дод, ки мардум аз қадим дар ин фасл ба амал омадани боронро нишони файзу баракат медонистанд. Боридани борону жола дар фасли баҳор ҳодисаи маъмулист, чуноне Ҳаким Фирдавсии Тӯсӣ гуфтааст:
Ҷаҳонро чу борон ба боистагӣ,
Равонро чу дониш ба шоистагӣ.
Моҳи март дар Душанбе ҳавои тағйирёбанда дар назар аст. Ҳарорати ҳаво шабона 14 дараҷа ва рӯзона 19 — 24 дараҷа пешбинӣ мешавад.
Ба иттилои манбаъ, ҳарорати миёнаи моҳона дар вилояти Хатлон то 2 дараҷа баландтар аз меъёри иқлимӣ пешгӯӣ мешавад. Ҳаво дар водиҳо шабона 7 дараҷа ва рӯзона то 29 дараҷа гарм мешавад.
Моҳи март дар вилояти Суғд ҳаво дар водиҳо шабона то 10 ва рӯзона то 23 дараҷа гарм дар назар аст. Дар ноҳияҳои кӯҳӣ ҳаво то 11-16 дараҷа гарм мешавад.
Дар Вилояти Мухтори Кӯҳистони Бадахшон миқдори моҳонаи бориш дар ҳадди меъёри иқлимӣ ва дар баъзе ноҳияҳо аз меъёр зиёд пешгӯӣ мешавад. Дар шарқи вилоят рӯзона то 8 ва шабона 26 дараҷа хунукӣ дар назар аст.
Дар шаҳру ноҳияҳои тобеи ҷумҳурӣ ҳарорати миёнаи моҳонаи ҳаво аз меъёри иқлимӣ то 2 дараҷа баланд пешгӯӣ шуда, дар водиҳо то 14 ва дар ноҳияҳои доманакӯҳӣ то 9 дараҷа гармиро ташкил медиҳад. Давоми моҳ тағйирёбии ҳарорати ҳаво дар назар аст.
Фирӯза ДАВЛАТЗОДА,
АМИТ «Ховар»
АКС: АМИТ «Ховар»
Наҷотбахшони давлатҳои аъзои Созмони Аҳдномаи амнияти дастҷамъӣ дар Қазоқистон машқҳои муштараки тактикӣ гузарониданд
Хизматчиёни давлатии Тоҷикистон дар рушди идоракунии давлатӣ саҳми арзанда доранд
РУШДИ ТАНДУРУСТӢ ДАР ЗАМОНИ ИСТИҚЛОЛИЯТИ ДАВЛАТӢ. Зиёда аз 270 санади меъёриву ҳуқуқӣ ва барномаву стратегияҳо қабул ва амалӣ гардиданд
Дар Кумита оид ба таҳсилоти ибтидоӣ ва миёнаи касбӣ як зумра кормандон барои фаъолияти пурсамар қадрдонӣ шуданд
ИСТИҚЛОЛИЯТ — АЗИЗТАРИН ВА МУҚАДДАСТАРИН НЕЪМАТ. Дар Душанбе ҳамоиши идона доир карда шуд
Рушди иҷтимоию сиёсии Тоҷикистон дар марҳилаи нави ташаккули давлатдории миллӣ баррасӣ шуд
Вазорати маориф ва илми Тотористон барои шаҳрвандони Тоҷикистон 100 квота аз рӯи 18 ихтисос ҷудо намуд
Дар Душанбе Мактаби илмӣ-омӯзишӣ оид ба ҳамкории мутақобили системаҳои миллии таълимии мамлакатҳои ИДМ оғоз шуд
Фарҳод Раҳимӣ: «Мо бояд дар тақдири ояндаи хонандагону донишҷӯён бетараф набошем, онҳоро барои омӯхтани илму дониш ва соҳибкасб гардидан раҳнамун созем»
Дар Душанбе масъалаи ҷалби қувваи корӣ барои фаъолияти муваққатии меҳнатӣ ба Тотористон баррасӣ гардид
IRS: Дар роҳи Душанбе – Чанок девор ва саддҳои ҳимоявӣ гузошта мешаванд
«ИСТИҚЛОЛ ВА ЗАНОН». Дар Душанбе таҳти ин унвон ҳамоиши ҷумҳуриявӣ баргузор гардид
