Институти масъалаҳои об, гидроэнергетика ва экологияи Тоҷикистон ва Институти экология ва географияи Шинҷони Чин созишномаи ҳамкорӣ ба имзо расониданд
ДУШАНБЕ, 11.03.2023 /АМИТ «Ховар»/. Байни Институти масъалаҳои об, гидроэнергетика ва экологияи Академияи миллии илмҳои Тоҷикистон ва Институти экология ва географияи Шинҷони Академияи илмҳои Ҷумҳурии Мардумии Чин созишномаи ҳамкорӣ ба имзо расонида шуд. Дар ин хусус АМИТ «Ховар» бо истинод ба институти мазкур хабар медиҳад.
9 март дар Институти масъалаҳои об, гидроэнергетика ва экологияи Академияи миллии илмҳои Тоҷикистон бо як гурӯҳ ходимони Институти экология ва географияи Шинҷони Академияи илмҳои Ҷумҳурии Мардумии Чин вохӯрӣ доир шуд. Дар вохӯрӣ ҷонибҳо оид ба самтҳои тадқиқоти илмӣ ва илмию амалӣ дар соҳаи арзёбии таназзули замин, реҷаи гидрологии дарёҳои кӯҳӣ, биёбоншавӣ, хушксолӣ, тағйирёбии иқлим, ҳолати пиряхҳо, вазъи баҳри Арал ва таъсири он ноҳияҳои атроф ва инчунин дастгирии ҳалли технологӣ оид ба пешгирӣ ва мубориза бо ҳодисаҳои номатлуби гидрометеорологӣ табодули иттилоот карданд.
Ҳар ду ҷониб ба зарурати рушди ҳамкории илмӣ ва илмию техникии Институти масъалаҳои об, гидроэнергетика ва экология ва Институти экология ва географияи Шинҷон, бахусус дар робита ба рушди минбаъдаи тадқиқоти муштарак дар Тоҷикистон, Чин ва дигар мамлакатҳои ҳавзаи баҳри Арал (Осиёи Марказӣ) изҳори боварӣ намуданд. Пешниҳод карда шуд, ки ташкили машварату нишастҳои илмии муштарак, ташкили таҷрибаомӯзию тадқиқоти саҳроӣ, тайёр кардани мутахассисон, таҳия ва татбиқи лоиҳаҳои илмии муштарак, нашри мақолаҳои муштарак дар маҷаллаҳои бонуфузи илмӣ муҳиманд.
АКС: Институти масъалаҳои об, гидроэнергетика ва экологияи Академияи миллии илмҳои Тоҷикистон
Бо ташаббуси Агентии ҳифзи мероси таърихию фарҳангӣ дар ноҳияи Ховалинг Рӯзи Ваҳдати миллӣ ҷашн гирифта шуд
Шоири халқии Тоҷикистон Камол Насрулло: «Ҳақиқат ин аст, ки Пешвои миллат ваҳдатро бунёд гузошту таҳким доду қавӣ сохт»
Дар Осорхонаи миллӣ гӯшаи доимоамалкунандаи «Ваҳдати миллӣ» ташкил гардидааст
Тамоми комёбиҳои миллат ва саодати рӯзгори мардум аз иттиҳоди миллӣ ибтидо мегирад
«ЭМОМАЛӢ РАҲМОН – МЕЪМОРИ СУЛҲУ ВАҲДАТ». Дар Вазорати фарҳанг ҳамоиши илмӣ доир гардид
Таҳти унвони «Қисса ва ҳикояҳо» китоби Абдурофеъ Рабизода нашр гардид
«ДАР МЕҲМОНИИ ДУШАНБЕ». Фестивали байналмилалии эҷодиёти бадеии кӯдакон ва наврасони ИДМ оғоз гардид
Дар Агентии ҳифзи мероси таърихию фарҳангӣ таҳти унвони «Ваҳдати миллат — бақои миллат!» ҳамоиш баргузор шуд
Дар ёдгории Ҳалқаҷари ноҳияи Хуросон бозёфти нодири таърихӣ — «обкӯзаи хонуми Сагкин» кашф гардид
«Душанбе — нусхае аз биҳишт». Таҳти ин унвон дар васфи пойтахти Тоҷикистон китоб ба нашр расид
Донишҷӯдухтарони Донишгоҳи давлатии Кӯлоб ба меҳмонони хориҷӣ либосҳои миллиро намоиш доданд
Дар Институти биологии Помир озмоишгоҳи биотехнологӣ ба истифода дода шуд
