Намояндагони Тоҷикистон дар иҷлосияи 52-юми Шӯрои ҳуқуқи инсони СММ дар Женева иштирок намуданд
ДУШАНБЕ, 01.03.2023 /АМИТ «Ховар»/. Намояндагони Ҷумҳурии Тоҷикистон дар бахши сатҳи баланди иҷлосияи 52-юми Шӯрои ҳуқуқи инсони Созмони Милали Муттаҳид (СММ) дар шаҳри Женеваи Швейтсария иштирок намуданд. Дар ин хусус ба АМИТ «Ховар» дар Вазорати корҳои хориҷии Ҷумҳурии Тоҷикистон хабар доданд.
Дар ҷараёни иҷлосия уҳдадориҳои Тоҷикистон оид ба ҳамкорӣ бо сохторҳои Созмони Милали Муттаҳид, аз ҷумла расмиёти махсуси созмони мазкур таъкид гардид. Тазаккур дода шуд, ки дар доираи сиёсати гендерии давлат фаъолнокии занон дар арсаи ҷамъиятӣ дастгирӣ ёфта, таҳкими иштироки сиёсӣ ва зиёд намудани шумораи занон дар хизмати давлатӣ яке аз самтҳои афзалиятноки Стратегияи миллии рушди Ҷумҳурии Тоҷикистон барои давраи то соли 2030 мебошад.
Намояндагони Тоҷикистон бо назардошти таъсири тағйирёбии иқлим ва оқибатҳои он ба татбиқи босамари ҳуқуқҳои инсон барои миллионҳо нафар диққати ҳозиринро ба пешбурди фаъолонаи равиши ҳамаҷонибаи Тоҷикистон дар ҳалли масъалаҳои обу иқлим ҷалб намуданд. Инчунин таъкид карда шуд, ки 14 декабри соли 2022 Маҷмаи умумии Созмони Милали Муттаҳид бо пешниҳоди Ҷумҳурии Тоҷикистон қатъномаро оид ба эълон кардани соли 2025 Соли байналмилалии ҳифзи пиряхҳо ва 21 март ҳамчун Рӯзи ҷаҳонии пиряхҳо қабул намуд.
Ҳамзамон бо назардошти он ки ҳуқуқи инсон ба оби тоза ва беҳдошт барои аз байн бурдани камбизоатӣ ва бунёди ҷомеаи осоиштаю обод ниҳоят муҳим мебошад, намояндагони Тоҷикистон тадбирҳои ҷумҳуриро ҷиҳати иҷрои уҳдадориҳои беҳбуди дастрасӣ ба оби тозаи ошомиданӣ ва беҳдошт иброз доштанд. Дар ин робита Конфронси оби СММ, ки моҳи марти соли 2023 таҳти раисии Ҷумҳурии Тоҷикистон ва Подшоҳии Нидерланд баргузор хоҳад шуд, таъкид гардид.
АКС: Вазорати корҳои хориҷии Ҷумҳурии Тоҷикистон
Дар Женева ташаббусҳои глобалии Тоҷикистон баррасӣ шуд
Дар Вазорати корҳои хориҷӣ Рӯзи Истиқлолияти Ҷумҳурии Тоҷикистонро таҷлил намуданд
Дар шаҳри Минск бахшида ба 33-солагии Истиқлоли давлатии Тоҷикистон ҳамоиши тантанавӣ доир шуд
Ҷалби шаҳрвандони Тоҷикистон барои омӯзиши касбҳои гуногун дар Олмон баррасӣ шуд
Сафири Амрико дар Тоҷикистон Мануэл Микаллер: «Давоми панҷ соли охир Тоҷикистон дар роҳи рушди иҷтимоиву иқтисодӣ устуворӣ ва азми пойдор нишон дод»
Мулоқоти сеҷониба байни вазирони корҳои хориҷии Тоҷикистону Кувайт ва муовини дабири кулли СММ баргузор гардид
Намояндаи Тоҷикистон дар чорабинии канорӣ дар масъалаи ҳалли мушкилоти ҷаҳонии маводи мухаддир иштирок намуд
Тавсеаи ҳамкории Тоҷикистон бо Дафтари миллии Комиссари олии Созмони Милали Муттаҳид оид ба паноҳандагон баррасӣ гардид
Дар майдони Таймс Сквери Ню-Йорк бахшида ба Истиқлолияти давлатии Ҷумҳурии Тоҷикистон навори ҷашнӣ пахш мегардад
Дар Женева ҳамкории Тоҷикистон бо Федератсияи байналмилалии ассотсиатсияҳо оид ба ҳамлу нақл баррасӣ шуд
Намояндаи Тоҷикистон муовини мудири кулли Созмони исломии амнияти озуқаворӣ интихоб гардид
Дар маҷаллаи «Seoul City»-и Корея оид ба 33-солагии Истиқлоли давлатии Ҷумҳурии Тоҷикистон мавод ба нашр расид
