Байни Вазорати нақлиёт, Донишгоҳи техникии Тоҷикистон ва Маркази байналмилалии дипломатияи нақлиёт санади ҳамкорӣ ба имзо расид
ДУШАНБЕ, 25.04.2023 /АМИТ «Ховар»/. Байни Вазорати нақлиёти Ҷумҳурии Тоҷикистон, Маркази байналмилалии дипломатияи нақлиётӣ ва Донишгоҳи техникии Тоҷикистон ба номи академик Муҳаммад Осимӣ Ёддошти тафоҳум оид ба ҳамкорӣ дар соҳаи нақлиёт ба имзо расид.
Хабарнигори АМИТ «Ховар» иттилоъ медиҳад, ки санади мазкур дар ҳошияи ҷаласаи 46-уми Шӯрои байниҳукуматии роҳсозони Иттиҳоди Давлатҳои Мустақил ва Конфронси байналмилалии илмӣ-амалии «Роҳҳои Тоҷикистон: вазъият, мушкилот ва дурнамои рушд», ки дирӯз дар Душанбе доир гардид, имзо шуд.
Дар доираи санад тарафҳо дар табодули кормандони ҳамдигар бо мақсади бозомӯзӣ ва шиносоӣ бо дастовардҳои муосир дар соҳаи нақлиёт ва логистика, инчунин дар рушди рақамикунонии соҳаи нақлиёти автомобилӣ, сиёсати байналмилалии нақлиёт, барномаҳои таълимӣ ва тадқиқотӣ дар соҳаи нақлиёт, таҳсилоти дарозмуддат ва хизмати давлатӣ, бозомӯзӣ ва такмили ихтисоси омӯзгорон, кормандони муассисаҳои давлатии соҳаи нақлиёт саҳм мегузоранд.
Ҳамзамон дар доираи Ёддошти тафоҳум ҷонибҳо иштироки муштараки мутахассисон дар конфронсҳо, семинарҳо, таҷрибаомӯзӣ, намоишгоҳҳо, лоиҳаҳои тадқиқотӣ ва озмунҳоро густариш дода, барои пешбурди озмуни глобалии корҳои донишҷӯён дар соҳаи занҷирҳои устувори ҷаҳонии таъминот, ки аллакай аз ҷониби Гурӯҳи дӯстони Созмони Милали Муттаҳид оид ба нақлиёти устувор ва донишгоҳҳои пешрафтаи байналмилалӣ дар Аврупо ва Осиё ҷонибдорӣ гардидааст, саъй менамоянд.
АКС:АМИТ «Ховар»
EKHIZMAT.TJ. Ин портали ягонаи хизматрасониҳои давлатӣ ба шаҳрвандон 83 номгӯй хизматрасонии давлатӣ пешниҳод менамояд
НИШАСТИ МАТБУОТӢ. Қонунвайронкунии зиддиинҳисорӣ ба маблағи 3,5 миллион сомонӣ ошкор карда шуд
Муовини Сарвазири Тоҷикистон бо вазъи корҳои саҳроӣ дар ноҳияи Бобоҷон Ғафуров шинос гардид
Дурнамои тақвияти ҳамкории Тоҷикистон бо Хазинаи байналмилалии асъор дар соҳаи энергетика баррасӣ шуд
Иқтидору имконияти сармоягузории Тоҷикистон дар Форуми B5+1 дар Бишкек муаррифӣ гардид
Намояндаи Тоҷикистон дар Ассамблеяи умумии Созмони ҳамкории рақамӣ иштирок намуд
Дар теппаҳои шоҳроҳҳои Душанбе ва ноҳияҳои тобеи ҷумҳурӣ беш аз 106 ҳазор бех ниҳол шинонида шуд
Муовини Сарвазири Тоҷикистон бо фаъолияти кишоварзони шаҳри Исфара шинос гардид
Рушди ҳамкории тиҷоратии Ҷумҳурии Тоҷикистон ва Амороти Муттаҳидаи Арабӣ баррасӣ гардид
АФЗОИШИ ИЗОФАНАВИСИИ ЭНЕРГИЯИ БАРҚ БА СУРАТҲИСОБИ МУШТАРИЁН. Агентии назорати давлатии энергетикӣ дар ин хусус иттилоъ медиҳад
ТАЪСИРИ ОМИЛИ ИНСОНӢ. Бо рушди технологияҳои рақамӣ ва зеҳни сунъӣ он дар тамоми соҳаҳо ва ҳама гуна муносибатҳои молиявӣ коҳиш меёбад
Ҷаласаи панҷуми Кумитаи роҳбарикунандаи Барномаи дастгирии энергетикаи устувор баргузор гардид
