«САД РАНГИ ЧАКАН». Дар Ҳисор даври шаҳрии Фестивали ҷумҳуриявӣ баргузор гардид
ҲИСОР, 26.04.2023 /АМИТ «Ховар»/. 24 апрел дар Кохи фарҳанги шаҳри Ҳисор бо мақсади дар руҳияи зебоипарастӣ тарбия намудани бонувон, ҳифзи арзишҳои миллӣ, рушди ҳунарҳои мардумӣ, бахусус, густариши ҳунари чакандӯзӣ байни занону духтарон, инчунин таҷассуми нақшу нигори миллӣ дар матоъ ва ташвиқу тарғиби либоси миллӣ даври шаҳрии Фестивали ҷумҳуриявии «Сад ранги чакан» баргузор гардид. Дар ин хусус котиби матбуоти Раиси шаҳри Ҳисор Ҳидоятулло Холзода ба хабарнигори минтақавии АМИТ «Ховар» Субҳониддини Маҳмуд иттилоъ дод.
Дар ҳамоиш тарроҳону чакандӯзон аз ҷамоатҳои шаҳраку деҳот, литсею коллеҷҳо ва муассисаҳои таҳсилотию томактабӣ иштирок карда, ҷавондухтарон ва писарон намунаҳои зиёди либоси чакан ва пероҳану тоқиҳои бо нақшу нигори миллӣ ороёфтаи писаронаро, ки муаррифи фарҳанги дирӯзу имрӯзи тоҷикон буд, ба намоиш гузоштанд.
Дар анҷоми ҳамоиш ба беҳтарин муаррифони либоси миллӣ, тарроҳону чакандӯзон ва чаканпӯшон сипосномаю туҳфаҳои мақомоти иҷроияи ҳокимияти давлатии шаҳр тақдим карда шуд.
Ҳунармандони бахши фарҳанги шаҳр бо истифода аз сарулибоси миллӣ барномаи рангини театриро иборат аз шеъру тарона ва рақсҳои ҷолиб пешкаши иштирокчиён намуданд, ки сазовори истиқболи гарму самимии тамошобинон гардид.
АКС: Мақомоти иҷроияи ҳокимияти давлатии шаҳри Ҳисор
Дар Тоҷикистон охири моҳи январ ҷашни Сада таҷлил мегардад
СОЛИ ОБОДОНИЮ СОЗАНДАГӢ. Дар ҳудуди ёдгориҳои таърихию фарҳангӣ маъракаи тозагӣ, ободонӣ ва ниҳолшинонӣ идома дорад
«КАДБОНУИ БЕҲТАРИН». Моҳи апрел дар Тоҷикистон озмуни ҷумҳуриявӣ баргузор мешавад
Озмуни «Шоҳномахонӣ» рӯйдоди муҳими фарҳангию маърифатӣ аст
1050-СОЛАГИИ РОБИАИ БАЛХӢ. Ӯ нахустин зани соҳибдевони тоҷик аст
РУШДИ ҲУНАРҲОИ МАРДУМӢ. Сӯзании Панҷакент рамзи фарҳанги миллӣ ва пешрафти ҳунарҳои дастии занони тоҷик аст
Моҳи октябр дар Тоҷикистон Озмуни ҷумҳуриявии «Донандаи беҳтарини асарҳои Пешвои миллат» доир мегардад
Дар муассисаҳои илмӣ-таҳқиқотӣ 18 озмоишгоҳ таъмир ва бо таҷҳизоти замонавӣ муҷаҳҳаз карда шуд
ФАРҲАНГ — ҲАСТИИ МИЛЛАТ. Дар Душанбе аҳли фарҳангу ҳунар қадрдонӣ гардиданд
«МАН АВВАЛ ТОҶИКАМ, БАЪД МУСАЛМОН!». Миллатдӯстӣ шарти асосии муқовимат ба таҳдидҳои мафкуравӣ аст
Дар Душанбе Фестивал-озмуни «Як матову сад ранг» ва намоиш-фурӯши маҳсулоти чакан, нақшдӯзӣ ва зардӯзӣ доир мешавад
«ШОҲНОМАХОНӢ». Дар Суғд барои даври сеюми озмуни ҷумҳуриявӣ беш аз 400 ҳазор сомонӣ ҷудо гардид
