«Саноатсодиротбонк» ва «Бонки рушди Қазоқистон» табодули таҷриба менамоянд
ДУШАНБЕ, 25.04.2023 /АМИТ «Ховар»/. 24-25 апрел дар шаҳри Остонаи Ҷумҳурии Қазоқистон дар ҷаласаи 17-ми Комиссияи байниҳукуматии Ҷумҳурии Тоҷикистон ва Ҷумҳурии Қазоқистон оид ба ҳамкории иқтисодӣ, ки таҳти раёсати муовини Сарвазири Ҷумҳурии Тоҷикистон Усмонзода Усмоналӣ ва муовини якуми Сарвазири Ҷумҳурии Қазоқистон Роман Скляр баргузор гардид, раиси Раесати Корхонаи воҳиди давлатии Бонки саноатию содиротии Тоҷикистон «Саноатсодиротбонк» Ҳокимшоҳ Бобозода суханронӣ намуда, доир ба ҳамкории байнибонкӣ бо ҷониби Қазоқистон пешниҳодҳои муфид манзур намуд.
Дар натиҷа чонибҳо ба мувофиқа омаданд, ки «Саноатсодиротбонк» якҷо бо ҶС «Бонки рушди Қазоқистон» доир ба табодули таҷриба байни кормандон пайваста чорабиниҳо доир менамоянд.
Дар баробари ин, ҷиҳати бо хизматрасониҳои молиявӣ таъмин намудани гардиши савдои хориҷӣ байни Тоҷикистон ва Қазоқистон кушодани суратҳисобҳои муросилотӣ байни бонкҳо мақсаднок арзёбӣ карда шуд.
Инчунин ҳайати Ҷумҳурии Тоҷикистон дар доираи баргузории Комиссияи байниҳукуматии Ҷумҳурии Тоҷикистон ва Ҷумҳурии Қазоқистон оид ба ҳамкории иқтисодӣ аз Минтақаҳои озоди иқтисодии Қазоқистон боздид ба амал оварда, бо таҷрибаи ҷониби Қазоқистон дар ин самт шинос шуданд.
АКС: «Саноатсодиротбонк»
ҚУРБИ АСЪОР: дар Тоҷикистон 1 рубли русӣ аз 0. 1298 то 0.1250 сомонӣ муқаррар шудааст
Форуми II байналмилалии «Суғд-чорроҳаи роҳи бузурги абрешим» баргузор мегардад
Дар ноҳияи Ҷалолиддини Балхӣ дар 9935 гектар чигит кишт карда мешавад
Кишоварзони ноҳияи Зафаробод дар 14 740 гектар пунбадона кишт менамоянд
Вазорати нақлиёти Тоҷикистон дар ҳошияи Форуми ЭСКАТО дар Бангкок мулоқоти коршиносон доир намуд
Тоҷикистон ҳамкориро дар самти ҷалби сармоя бо Малайзия тақвият медиҳад
Намояндаи Тоҷикистон дар Ҳафтаи идоракунии захираҳо-2025 дар Женева иштирок намуд
«Chengdu Airlines» парвозҳои мунтазамро дар хатсайри Қошғар-Хуҷанд-Қошғар оғоз менамояд
Дар Душанбе масъалаи рушди шабакаҳои транзити нақлиётӣ баррасӣ гардид
Ҷаласаи шашуми Кумитаи муштараки ҳамоҳангсозӣ доир ба «Лоиҳаи рушди иқтидор оид ба татбиқи самтҳои навигатсионӣ дар Тоҷикистон» баргузор шуд
ҚУРБИ АСЪОР: дар Тоҷикистон 1 доллари ИМА аз 10.9217 то 10.9500 сомонӣ муқаррар шудааст
Масъалаҳои рушди ҳамкории иқтисодӣ байни Тоҷикистон ва Созмони ҳамкории иқтисодӣ баррасӣ гардиданд
