Зиёда аз 160 ҳазор гектар заминҳои кишоварзии вилояти Суғд тариқи пойгоҳҳои обкашӣ бо оби полезӣ таъмин мегарданд
ДУШАНБЕ, 19.04.2023 /АМИТ «Ховар»/. Дар шаҳру ноҳияҳои вилояти Суғд зиёда аз 160 ҳазор гектар заминҳои кишоварзӣ тариқи пойгоҳҳои обкашӣ бо оби полезӣ таъмин карда мешаванд. Дар ин хусус ба хабарнигори АМИТ «Ховар» дар Раёсати беҳдошти замин ва обёрӣ дар вилояти Суғд иттилоъ доданд.
Тавре гуфта шуд, бо мақсади фаъолияти муназзами пойгоҳҳои обкашӣ ҳамасола бо маблағгузории Ҳукумати мамлакат ва Мақомоти иҷроияи ҳокимияти давлатии вилоят дастгоҳу таҷҳизоти нави обкашӣ харидорӣ ва васлу насб карда мешавад. Бо амалӣ намудани чунин тадбирҳо кори шабакаҳои обрасон беҳтар ва норасоии оби полезӣ бартарф мегардад. Аз ҷумла соли равон ҷиҳати харидории дастгоҳу таҷҳизоти нав барои пойгоҳҳои обкашӣ ва иншооти обрасонӣ аз њисоби буҷети вилоят наздики 12 миллион сомонӣ маблағ ҷудо карда шудааст.
Ҳамзамон соли равон ҷиҳати харидорӣ намудани як дастгоҳи обкашии 52В-11 бо муҳаррики барқияш барои пойгоҳи обкашии “Мирзоҷӯл-2”-и ноҳияи Зафаробод аз ҳисоби маблағи талафи истеҳсолоти кишоварзӣ дар ҳаҷми 10 миллион сомонӣ ва аз ҳисоби буҷаи Мақомоти иҷроияи ҳокимияти давлатии вилояти Суғд 5 миллион сомонӣ ҷудо гардид. Дастгоҳи обкашии калонҳаҷм охири моҳи феврали соли равон ба пойгоҳи обкашии “Мирзоҷӯл-2” дастрас карда шуд.
Таъкид гардид, ки имсол бо дархости кишоварзон пойгоҳҳои обкашӣ дар шаҳру ноҳияҳои вилояти Суғд дар даҳаи сеюми моҳи март ва аввали моҳи апрел ба кор дароварда шуданд. Ин ҳам ба он хотир аст, ки кишоварзон кишти зироати баҳориро саривақт ба анҷом расонида, аз норасоии оби полезӣ танқисӣ накашанд.
Дар вилояти Суғд дар самти беҳтар намудани ҳолати мелиоративии заминҳо низ тадбирҳои зарурӣ амалӣ карда мешаванд. Аз ҷумла дар мавсими имсола ҳолати мелиоративии 1 ҳазору 437 гектар заминҳои кишоварзӣ беҳтар карда шудааст, ки 27 фоизи нақшаи солонаро ташкил медиҳад.
АКС: Хадамоти матбуоти Президенти Ҷумҳурии Тоҷикистон/АМИТ «Ховар»
Созмони ҷаҳонии сайёҳӣ: «Тоҷикистон аз ҳисоби афзоиши теъдоди ҷаҳонгардон ба мамлакат дар зинаи сеюм қарор гирифт»
Аз шаҳри Душанбе ба самти Давҳа парвозҳо оғоз гардиданд
Дар Душанбе нишасти нуздаҳуми Шурои роҳбарикунандаи СПЕКА баргузор гардид
Байни Агентии содироти Тоҷикистон ва Кумитаи рушди содироти Арабистони Саудӣ оид ба рушди содироти ғайринафтӣ Ёддошти тафоҳум ба имзо расид
Ҷаласаи гурӯҳи коршиносон оид ба ташкили бозори минтақавии неруи барқи мамлакатҳои Созмони ҳамкории иқтисодӣ баргузор шуд
Сулаймон Султонзода дар Нишасти дуюми вазирони мақомоти ҳифзи ҳуқуқи давлатҳои аъзои Созмони ҳамкории исломӣ иштирок намуд
Имсол аз Тоҷикистон беш аз ҳазор тонна хуч ба хориҷи мамлакат содирот гардидааст
Дар Риёз ҷаласаи чоруми Кумитаи муштараки Тоҷикистон ва Арабистони Саудӣ оид ба ҳамкории иқтисодӣ, тиҷоратӣ ва сармоягузорӣ доир гардид
Дар шаҳри Кӯлоб филиали «Саноатсодиротбонк» ифтитоҳ гардид
Таҷрибаи Ҷумҳурии Корея оид ба истифодаи технологияҳои ҳушманд дар соҳаи кишоварзӣ дар ноҳияҳои Тоҷикистон баррасӣ гардид
Вазири энергетикаи Тоҷикистон дар Риёз дар чорабинии канорӣ оид ба диверсификатсияи манбаъҳои энергия иштирок намуд
Конфронси 28-уми байналмилалии сармоягузорӣ дар шаҳри Риёзи Подшоҳии Арабистони Саудӣ ба анҷом расид
