БАХШИДА БА РӮЗИ ҶАВОНОНИ ТОҶИКИСТОН. Ғолибони мусобиқаи футболи хурд байни кормандони вазорату идораҳо қадрдонӣ шуданд
ДУШАНБЕ, 12.05.2023. /АМИТ «Ховар»/. Бахшида ба Рӯзи ҷавонони Тоҷикистон 11 май дар шаҳри Душанбе ғолибону ҷоизадорони мусобиқаи варзишӣ оид ба футболи хурд байни кормандони вазорату идораҳо ва ташкилоту муассисаҳои ҷумҳуриявии давлатию ғайридавлатӣ, ки моҳи феврал оғоз гардида буд, қадршиносӣ карда шуд. Дар ин хусус ба АМИТ «Ховар» дар Раёсати тарбияи ҷисмонӣ ва инкишофи варзиши дастгоҳи марказии Кумитаи кор бо ҷавонон ва варзиши назди Ҳукумати Ҷумҳурии Тоҷикистон хабар доданд.
Дар мусобиқаи мазкур 44 даста аз вазорату идора ва ташкилоту муассиса байни ҳам рақобат кард. Ҷойи якум ба дастаи Вазорати корҳои дохилии Ҷумҳурии Тоҷикистон сазовор дониста шуда, ҷойи дуюм насиби дастаи Бонки давлатии амонатгузории “Амонатбонк” гардид ва ҷойи сеюм ба дастаи “Ориёнбонк” дода шуд.
Ба ғолиби ҷойи якум 7000 сомонӣ, ҷойи дуюм 5000 сомонӣ ва ҷойи сеюм 3000 сомонӣ тақдим карда шуд.
Мусобиқаи мазкур бо ташаббуси Кумитаи кор бо ҷавонон ва варзиши ҷумҳурӣ дар ҳамкорӣ бо Федератсияи футболи Тоҷикистон баргузор карда шуд. Дар маросими ҷоизасупорӣ роҳбарияти Кумита, ноиби Президенти Федератсияи футболи Тоҷикистон сухан гуфта, ба ғолибону ҷоизадорон туҳфаҳои арзишманди хотиравӣ тақдим намуданд.
АКС: Кумитаи кор бо ҷавонон ва варзиши назди Ҳукумати Ҷумҳурии Тоҷикистон
«ВАРЗИШГАРОН — ПАРЧАМБАРДОРОНИ МИЛЛАТ». Дар Донишкадаи тарбияи ҷисмонии Тоҷикистон ҳамоиши тантанавӣ баргузор шуд
Варзишгарони тоҷик дар Бозиҳои 6-уми ҳамбастагии исломӣ-2025 соҳиби ҳашт медал шуданд
ҶОМИ ОСИЁ ОИД БА ҶУДО БАЙНИ НАВРАСОН ВА ҶАВОНОН-2025. Варзишгарони тоҷик дар рӯзи якум 3 медали тилло ба даст оварданд
«ҶАВОНОН ВА ВАРЗИШГАРОН -САДОҚАТ БА ПЕШВОИ МИЛЛАТ ВА ПАРЧАМИ ДАВЛАТӢ». Бо чунин унвон «Дав барои хушҳолӣ» баргузор гардид
Дар ноҳияи Ёвон варзишгарони ҷавон барои дастовардҳои назаррас қадрдонӣ шуданд
Парчами давлатии Тоҷикистон давоми нуҳ моҳ ба шарафи варзишгарони тоҷик зиёда аз 320 маротиба баланд бардошта шуд
Душанбе мизбони мусобиқаҳои бонуфузи қитъавӣ – Ҷоми Осиё оид ба ҷудо байни наврасон ва ҷавонон-2025 мегардад
Дастаи мунтахаби Тоҷикистон дар бозии даври панҷуми марҳилаи интихобии Ҷоми Осиё-2027 дастаи Тимори Шарқиро мағлуб намуд
Дастаи наврасони Тоҷикистон (U-15) дар бозии санҷишӣ дастаи мунтахаби Русияро мағлуб кард
Горан Стеванович: «Мо ба шаҳри Дарвин барои ба даст овардани се имтиёз омадаем»
Варзишгари тоҷик Шаҳром Маҳмуродов дар Чемпионати ҷаҳон оид ба ҷиу-ҷитсу соҳиби медали тилло гардид
Донишҷӯи тоҷик дар мусобиқаи варзишӣ дар Донишгоҳи Кувайт сазовори ҷойи якум гардид
