Дар Душанбе дар мавзуи «Сармояи инсонӣ-омили рушди ҷомеаи шаҳрвандӣ дар Тоҷикистон» конференсия доир мешавад

ДУШАНБЕ, 10.05.2023 /АМИТ «Ховар»/. 23 май дар Академияи миллии илмҳои Тоҷикистон дар мавзуи «Сармояи инсонӣ-омили рушди ҷомеаи шаҳрвандӣ дар Тоҷикистон» конференсияи ҷумҳуриявии илмию амалӣ баргузор мешавад, хабар медиҳад АМИТ «Ховар» бо истинод ба Академияи миллии илмҳо. 

Конференсия бо ташаббуси Институти фалсафа, сиёсатшиносӣ ва ҳуқуқи ба номи А.Баҳоваддинови Академияи миллии илмҳои Тоҷикистон ташкил мегардад.

Дар он  мавзуъҳои зерин: «Рушди неруи инсонӣ – ҳадафи стратегии сиёсати иҷтимоии Ҷумҳурии Тоҷикистон», «Нақши неруи инсонӣ дар ташаккули ҷомеаи шаҳрвандӣ дар Тоҷикистон», «Рушди сармояи инсонӣ ва истифодаи самараноки он дар Тоҷикистон», «Ҳамкории иҷтимоии давлат, ҷомеаи шаҳрвандӣ ва соҳибкорӣ дар Тоҷикистон», «Омилҳои иҷтимоӣ ва ҳуқуқии ташаккули сармояи инсонӣ дар Тоҷикистон», «Нақши маориф ва илм дар ташаккули сармояи инсонӣ дар Тоҷикистон, «Омилҳои рушди сармояи инсонӣ дар ҷомеаи шаҳрвандӣ», «Сармояи инсонӣ ва масъалаҳои фирори зеҳнҳо дар Тоҷикистон», «Масъалаҳои рушди сармояи инсонӣ ва ҷомеаи шаҳрвандӣ дар Стратегияи миллии рушди Ҷумҳурии Тоҷикистон барои давраи то соли 2030», «Ҷавонон ҳамчун неруи меҳварии рушди сармояи инсонӣ дар Тоҷикистон» мавриди барарсӣ қарор дода мешаванд.

АКС: АМИТ «Ховар»