Иқтидори сайёҳии Тоҷикистон дар Форуми Қазон 2023 муаррифӣ карда шуд
ДУШАНБЕ, 21.05.2023. /АМИТ «Ховар»/. Раиси Кумитаи рушди сайёҳии Ҷумҳурии Тоҷикистон Камолиддин Муминзод ва як зумра роҳбарони субъектҳои хизматрасони сайёҳии ватанӣ дар Форуми Қазон 2023 «Русия – ҷаҳони ислом» иштирок намуданд. Дар ин хусус ба АМИТ «Ховар» дар Кумитаи рушди сайёҳии назди Ҳукумати Ҷумҳурии Тоҷикистон хабар доданд.
Дар ҷаласаи «Меҳмонавозӣ аз рӯи стандарти ҳалол»-и кори Форум раиси Кумита вобаста ба имконоти сайёҳии мамлакат ба ҳозирин тариқи рӯнамо маълумот дод.
Тазаккур дода шуд, ки дар айни замон намояндагони соҳаи сайёҳии Тоҷикистон бо мақсади вохӯрӣ бо доираҳои сайёҳӣ ва соҳибкорӣ ба минтақаҳои Санкт-Петербург, Самара, Қазон, Тюмен ва Уфаи Федератсияи Русия сафар намуданд.
Сафари мазкур бо дастгирии Ҳукумати Ҷумҳурии Тоҷикистон ва иштироки роҳбарону намояндагони Федератсияи иттифоқҳои касабаи мустақили Тоҷикистон, осоишгоҳҳо ва ширкатҳои сайёҳии ватанӣ — ҶСК «Курортҳои Тоҷикистон», ҶСК «Баҳористон», осоишгоҳи «Хоҷа Оби Гарм», ҶДММ «Скай тур», ҶДММ «Ориент Адвентур» ва шабакаи телевизиони Тоҷикистон таҳти роҳбарии Раиси Кумитаи рушди сайёҳии назди Ҳукумати Ҷумҳурии Тоҷикистон ҷиҳати муаррифии зарфияти сайёҳии ҷумҳурӣ ба роҳ монда шуд.
Ташаббуси мазкур ҷиҳати татбиқи ҳадафҳои Харитаи роҳи Тоҷикистон ва Русия, ки байни Кумитаи рушди сайёҳии назди Ҳукумати Ҷумҳурии Тоҷикистон ва Вазорати рушди иқтисоди Федератсияи Русия моҳи марти соли 2023 дар ҳошияи сафари раиси Ҳукумати Федератсияи Русия ба Тоҷикистон ба имзо расид, амалӣ мешавад.
АКС: Кумитаи рушди сайёҳии назди Ҳукумати Ҷумҳурии Тоҷикистон
САЙЁҲИИ ТАБОБАТӢ. Чашмаи «Авҷ»-и Бадахшон бо оби минералии шифобахш барои рушди ин соҳаи сайёҳӣ имкон дорад
«ТОП – 35 ШАРИКИ БОЭЪТИМОДИ СОЛ». Ба муносибати 35-солагии Истиқлолияти давлатӣ озмун баргузор мегардад
Дар ноҳияи Деваштич Маркази ҷумҳуриявии инноватсия ва технологияҳо дар соҳаи картошкапарварӣ таъсис дода мешавад
Бахшида ба Рӯзи байналмилалии ҳимояи ҳуқуқи истеъмолкунандагон корҳои фаҳмондадиҳӣ доир гардид
ИМРӮЗ-РӮЗИ БАЙНАЛМИЛАЛИИ ҲИМОЯИ ҲУҚУҚИ ИСТЕЪМОЛКУНАНДАГОН. Зиёда аз 86 тонна маҳсулоти бесифати бозорҳои истеъмолӣ нобуд карда шуд
ДАРАИ ШИРКЕНТ. Ҷозибаи нодири табиии ин минтақа изҳои панҷаи динозаврҳо ба шумор меравад
Байни ширкати ҳавопаймоии хусусии «Shohin Airlines» ва Бунёди сармоягузории аврупоӣ Созишномаи сармоягузорӣ ба имзо расид
Ҷаласаи Гурӯҳи кории байниидоравӣ оид ба мониторинг ва арзёбии ҳуҷҷатҳои банақшагирии стратегӣ доир гардид
Дар Вашингтон дурнамои ҳамкории Тоҷикистон бо Бонки ҷаҳонӣ дар самти рушди инфрасохтори роҳу нақлиёт баррасӣ шуд
Тоҷикистон ҳамкориро бо Барномаи ҷаҳонии озуқаворӣ дар самти устувории иқлимӣ тақвият медиҳад
То соли 2030 ҳаҷми савдо байни Тоҷикистон ва Қазоқистон ба 2 миллиард доллар расонида мешавад
Байни Донишгоҳи байналмилалии сайёҳӣ ва соҳибкории Тоҷикистон ва муассисаҳои таҳсилоти олии Узбекистон созишномаи ҳамкорӣ ба имзо расид
