Фаъолияти «Равзанаи ягона» дар ҷаласаи Шӯрои ҷамъиятиву машваратӣ доир ба фаъолияти гумрукӣ баррасӣ карда шуд
ДУШАНБЕ, 16.06.2023 /АМИТ «Ховар»/. Масъалаҳои марбут ба фаъолияти Равзанаи ягонаи барасмиятдарории амалиёти содиротию воридотӣ ва транзитӣ дар Ҷумҳурии Тоҷикистон, роҳҳои беҳтар намудан ва ҷалбсозии субъектҳои фаъолияти иқтисоди хориҷӣ ба институти «Танзимгари ваколатдори иқтисодӣ» дар ҷаласаи Шӯрои ҷамъиятиву машваратӣ доир ба фаъолияти гумрукӣ баррасӣ гардид.
Тавре ба АМИТ «Ховар» дар Хадамоти гумруки назди Ҳукумати ҷумҳурӣ иттилоъ доданд, дар ҷаласаи мазкур намояндагони мақомотҳои давлатӣ, аҳли тиҷорат масъулини воҳидҳои сохтории Хадамоти гумрук, мутахассисон ва коршиносони байналмилалӣ иштирок намуданд.
Бояд гуфт, ки Шӯрои ҷамъиятиву машваратӣ доир ба фаъолияти гумрукӣ дар назди Хадамоти гумрук фаъолият менамояд.
Муовини якуми сардори Хадамоти гумруки назди Ҳукумати ҷумҳурӣ Азим Турсунзода гуфт, ки ҳадаф аз таъсиси Шӯро ҳамчун мақоми ҷамъиятиву машваратӣ муосидат дар асоси ҳамкории мутақобилаи мақомоти гумрук бо аҳли тиҷорат ва саноат дар таҳия ва татбиқи сиёстаи гумрукии Ҷумҳурии Тоҷикистон бо мақсади таъмини ҳифзи манфиатҳои иқтисодии мамлакат ва ташкили шароити мувофиқ барои фаъолияти соҳибкорӣ, такмили сохтори амалиёти содиротию воридотӣ ва ҷалби сармояи хориҷӣ мебошад.
Роҳбари Корхонаи воҳиди давлатии «Равзанаи ягона» Лочин Файзуллозода фаъолияти низоми «Равзанаи ягона», субъектони ба ин низом шомилшударо рўнамоӣ намуд.
Ҳамзамон коршиноссони байналмилалӣ вобаста ба афзалиятҳои институти Танзимгари ваколатдори иқтисодӣ ва таҷрибаи давлатҳои Аврупо дар ин самт, роҳҳои рушди институти Танзимгари ваколатдори иқтисодӣ дар Тоҷикистон ибрози назар намуданд.
Иштирокдорони ҷаласа доир ба масъалаҳои баррасигардида табодули назар намуданд. Таъкид шуд, ки ҳамкорӣ дар оянда бо мақомоти иҷроия ва аҳли тиҷорат дар сатҳи зарурӣ ба роҳ монда шуда, таҷрибаи кишварҳои пешрафта дар фаъолияти минбаъдаи Шӯро истифода бурда шавад.
АКС: Хадамоти гумруки назди Ҳукумати Ҷумҳурии Тоҷикистон
Дар Тоҷикистон дар соҳаи энергетика 11 лоиҳаи давлатии сармоягузорӣ татбиқ мешавад
То охири соли равон 900 гектар заминҳои аз гардиши кишоварзӣ берунмонда барқарор мегардад
Тоҷикистон дар шаш моҳи соли равон беш аз 131 ҳазор тонна маҳсулоти кишоварзӣ содирот намудааст
СОЛИ БАЙНАЛМИЛАЛИИ ҲИФЗИ ПИРЯХҲО. Дар Кумитаи ҳифзи муҳити зист Гурӯҳи кории байниидоравӣ таъсис дода шудааст
Захираи барф дар ҳавзаҳои дарёҳои Қизилсу, Ёхсу, Обихингоб, Сурхоб, Камароб ва Кофарниҳон нисбат ба ҳамин давраи соли гузашта 16 фоиз кам шудааст
НИШАСТИ МАТБУОТӢ. Ҳаҷми умумии маҳсулоти кишоварзӣ аз ҳиссаи хоҷагиҳои ҷамоавӣ ва деҳқонӣ 56 фоизро ташкил медиҳад
Дар соҳаи нақлиёт 12 лоиҳаи сармоягузорӣ ба маблағи 1,1 миллиард доллари амрикоӣ татбиқ мегардад
Тоҷикистон ва Арабистони Саудӣ ҳамкории дуҷонибаро таҳким мебахшанд
Ба Тоҷикистон низоми муосири баҳисобгирии дороиҳои роҳҳо «ROMDAS» ворид карда шудааст
«Тоҷикаэронавигатсия»: «Дар шаш моҳи соли равон шумораи парвозҳои транзитӣ афзуда, дар муқоиса ба ҳамин давраи соли гузашта 70,5 фоиз зиёд гардидааст»
Фурудгоҳҳои байналмилалии Тоҷикистон дар соли равон ба зиёда аз 1,6 миллион мусофир хизмат расонидаанд
Тоҷикистону Узбекистон ҷиҳати бехатарии молу маҳсулот ва баҳодиҳии мутобиқат нақшаи корӣ таҳия намуданд
