Дар Душанбе татбиқи лоиҳаи нави кишоварзӣ ба маблағи 100 миллион доллар баррасӣ карда шуд
ДУШАНБЕ, 16.06.2023. /АМИТ «Ховар»/. 15 июн Вазири кишоварзии Ҷумҳурии Тоҷикистон Қурбон Ҳакимзода бо Директори минтақавии Хазинаи байналмилалии рушди кишоварзӣ дар Шарқи наздик, Африқои Шимолӣ, Аврупо ва Осиёи Миёна Дина Салеҳ ва Директори кишварии Хазинаи байналмилалии рушди кишоварзӣ дар Ҷумҳурии Тоҷикистон Роберто Лонго мулоқот кард, ки зимни он ҷонибҳо вобаста ба густариши ҳамкорӣ ва татбиқи лоиҳаҳои соҳа табодули афкор намуданд. Дар ин хусус ба АМИТ «Ховар» дар Вазорати кишоварзии мамлакат хабар доданд.
Дар мулоқот оид ба рушди соҳаи кишоварзии Тоҷикистон маълумот дода шуда, вобаста ба сатҳи кунунии ҳамкорӣ бо Хазинаи байналмилалии рушди кишоварзӣ ва татбиқи минбаъдаи лоиҳаи «Дастгирии кишоварзӣ» изҳори назар карда шуд.
Таъкид гардид, ки Лоиҳаи татбиқшаванда барои беҳтар намудани соҳаи кишоварзӣ ва рушди минбаъдаи он дар Ҷумҳурии Тоҷикистон нигаронида шудааст.
Лоиҳаи «Дастгирии кишоварзӣ» дар заминаи ҷомеа ҳоло бомуваффақият амалӣ мешавад ва чанде қабл Лоиҳаи нави он дар заминаи ҷомеа барои солҳои 2023-2030 аз ҷониби Маҷлиси намояндагони Маҷлиси Олии Ҷумҳурии Тоҷикистон тасдиқ гардида, маблағи умумии он 100 миллион долларро ташкил медиҳад.
Дар татбиқи босамари Лоиҳа ба сифати шарикони ҳамкор Вазорати кишоварзӣ, Кумитаи ҳифзи муҳити зист ва Созмони озуқаворӣ ва кишоварзии СММ ҷалб гардидаанд.
АКС: Маркази матбуот ва иттилооти Вазорати кишоварзии Ҷумҳурии Тоҷикистон
Тоҷикистон ва Малайзия ҳамкории байнибонкиро таҳким мебахшанд
ДАР ТОҶИКИСТОН БО КАДОМ РОҲ ЗАМИНҲОИ КОРАМРО ЗИЁД МЕГАРДОНАНД? Мутахассисони соҳа ин мавзуъро шарҳ медиҳанд
ЛОИҲАИ ҲАРАКАТИ OVOP. Он метавонад дар Тоҷикистон ба таъсиси ҷойи кор дар деҳоти дурдаст мусоидат намояд
Дар Тоҷикистон 61 фоизи заминҳо ба системаи биллингӣ ворид карда шудаанд
Тақвияти муносибатҳои тиҷоратии Тоҷикистон ва Покистон баррасӣ гардид
Дар Тоҷикистон ҳаҷми маблағи хизматрасонӣ барои нафақагирон сол то сол меафзояд
Дар Панҷакент вобаста ба истифодаи босамари замин ҷаласа баргузор шуд
Дар Душанбе ҳамкории Тоҷикистон ва Шоҳигарии Арабистони Саудӣ дар самти содирот баррасӣ шуд
Имконоти сайёҳии Тоҷикистон дар ҳамоиши байналмилалӣ дар Эрон муаррифӣ шуданд
Дар Душанбе масъалаи густариши ҳамкории иқтисодӣ ва тиҷоратӣ байни Тоҷикистон ва Эфиопия баррасӣ шуд
Гурӯҳи кории Ҳукумати Тоҷикистон бо вазъи соҳаи кишоварзӣ дар ноҳияи Деваштич шинос гардид
«КИШВАРИ САБЗ». Дар ин парваришгоҳ зиёда аз 100 намуди гулу буттаҳои нодир ва 40 намуди ниҳоли дарахтони ороишӣ парвариш мешавад
