«ТОҶИКОН ДАР ОИНАИ ТАЪРИХ. АЗ ОРИЁН ТО СОМОНИЁН». Дар Академияи миллии илмҳо нақши созгори ин китобро дар омӯзиши таърихи халқи тоҷик таъкид намуданд
ДУШАНБЕ, 15.06.2023 /АМИТ «Ховар»/. 14 май дар Маркази «Пажӯҳиши афкори илмӣ ва сиёсии Пешвои миллат» дар назди Академияи миллии илмҳои Тоҷикистон мизи мудаввар дар мавзӯи «Консепсияи омӯзиши таърихи халқи тоҷик дар китоби «Тоҷикон дар оинаи таърих. Аз Ориён то Сомониён»-и Президенти Ҷумҳурии Тоҷикистон муҳтарам Эмомалӣ Раҳмон» доир гашт. Дар ин хусус ба АМИТ «Ховар» дар Институти таърих, бостоншиносӣ ва мардумшиносии Акадимияи милли илмҳои Тоҷикистон ба номи А. Дониши хабар доданд.
Изҳор карда шуд, ки Истиқлоли давлатӣ барои омӯзиш ва таҳқиқи воқеии таърихи зиёда аз шашҳазорсолаи халқи тоҷик шароити мусоиду созгорро муҳайё сохта, ба марҳалаи комилан нави рушди таърихнигории миллӣ ибтидо гузошт. Маҳз дар ҳамин давра муаррихони ҷумҳурӣ ба пажӯҳиши саҳифаҳои ноаён ва берун аз доираи таҳқиқ мондаи таърихи халқи тоҷик рӯ оварда, натиҷаҳои назаррасро соҳиб гардиданд.
Баромадкунандагон муҳимтарин омили созгор дар самти таҳқиқу омӯзиши таърихи халқи тоҷикро пеш аз ҳама дар таваҷҷуҳи махсуси Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба таъриху фарҳанги суннатии аҷдодӣ унвон намуданд.
Ҳамзамон тазаккур дода шуд, ки ба чоп расидани силсилаи таҳқиқоти таърихии Президенти Ҷумҳурии Тоҷикистон муҳтарам Эмомалӣ Раҳмон бо унвони «Тоҷикон дар оинаи таърих» қадами ҷиддие дар шинохти таърихии тоҷикон ва мақоми онҳо дар ташаккулу пешрафти тамаддуни минтақа ва ҷаҳон мебошад.
АКС: Институти таърих, бостоншиносӣ ва мардумшиносии ба номи А. Дониш
Дар шаҳри Бӯстон даври шаҳрии Фестивал-озмуни ҷумҳуриявии «Як матову сад ранг» баргузор гардид
Дар шаҳри Душанбе бо мақсади муаррифии дастовардҳои Тоҷикистон дар самти эҳёи ёдгориҳои таърихӣ ҳамоиш доир шуд
Дар Тоҷикистон наворбардории филми мустанади «Хутали қадим» оғоз гардид
«ЯК МАТОВУ САД РАНГ». Дар даври вилоятии ин фестивал-озмун шаҳри Хоруғ соҳиби ҷойи якум гардид
Китобҳои «Эмомалӣ Раҳмон — Ҷамшеди рӯзгори мо» ва «Наврӯз аз Рӯдакӣ то имрӯз» муаррифӣ гардиданд
««Намунаи адабиёти тоҷик»-падидаи таърихӣ-фарҳангӣ дар тамаддуни мардумони Осиёи Марказӣ» дар нашриёти «Дониш» чоп шуд
Дар Данғара даври ноҳиявии Озмуни ҷумҳуриявии «Як матову сад ранг» баргузор гардид
Дар шаҳру ноҳияи вилояти Хатлон намоиш-фурӯши китоб доир гардид
«МАРДИ АРСАИ ҲУНАР». Таҳти чунин унвон оид ба фаъолияти Сафармуҳаммад Айюбӣ китоб ба нашр расид
Дар Китобхонаи миллии Тоҷикистон беш аз 2 ҳазор дастнависи нодир нигоҳдорӣ мешавад
Даври якуми Озмуни ҷумҳуриявии «Тоҷикистон-Ватани азизи ман» оғоз гардид
«ТОҶИКОНА МЕПӮШЕМ!». Занону духтарони Осорхонаи миллӣ аз пӯшидани либоси миллӣ ифтихор менамоянд
