АЗ МУШОҲИДАҲОИ АЭРОВИЗУАЛӢ. Захираи барф дар ҳавзаҳои дарёҳои Қизилсу, Ёхсу, Обихингоб, Сурхоб, Камароб нисбат ба соли гузашта се фоиз зиёд аст
ДУШАНБЕ, 31.07.2023 /АМИТ «Ховар»/. Дар ҳавзаҳои дарёҳои Қизилсу, Ёхсу, Обихингоб, Сурхоб, Камароб ва минтақаи Канаски ҳавзаи дарёи Кофарниҳон барои муайян намудани захираи барф мушоҳидаҳои аэровизуалӣ ба анҷом расонида шуданд. Дар ин хусус имрӯз дар ҷараёни нишасти матбуотӣ Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Баҳодур Шерализода ба намояндагони расонаҳои хабарӣ иттилоъ дод.
Мавсуф афзуд, ки мушоҳидаҳои аэровизуалӣ бо мақсади татбиқи «Барномаи давлатии омӯзиш ва ҳифзи пиряхҳои Ҷумҳурии Тоҷикистон барои солҳои 2010-2030» 2 апрели соли 2023 гузаронида шуда, нишон доданд, ки захираи барф дар ҳавзаҳои дарёҳои Қизилсу, Ёхсу, Обихингоб, Сурхоб, Камароб ва минтақаи Канаски ҳавзаи дарёи Кофарниҳон 98 фоизи меъёри бисёрсоларо ташкил медиҳад. Ин омор нисбат ба ҳамин давраи соли гузашта 3 фоиз зиёд мебошад. Ҳамзамон Баҳодур Шерализода иброз дошт, ки мутахассисон дар ҳавзаи дигар дарёҳо корҳои барфченкуниро бо усули пиёда ба анҷом расониданд.
Дар шашмоҳаи аввали соли равон Кумита фаъолияти худро дар доираи сиёсати пешгирифтаи роҳбарияти давлату Ҳукумати Ҷумҳурии Тоҷикистон ва тибқи қонунгузории мавҷуда амалӣ намуда, ба натиҷаҳои назаррас ноил гардид.
Хусусан ҷиҳати дар амал татбиқ намудани қатъномаи Маҷмаи Умумии Созмони Милали Муттаҳид дар бораи Соли байналмилалии ҳифзи пиряхҳо эълон гаштани соли 2025 лоиҳаи қарори дахлдори Ҳукумати Ҷумҳурии Тоҷикистонро вобаста ба амалигардонии қатъномаи мазкур бо замимаи ҳайати Кумитаи тадорукот ва Нақшаи чорабиниҳо таҳия намуда, баъд аз мувофиқа бо вазорату идораҳо барои баррасӣ ба Ҳукумати Ҷумҳурии Тоҷикистон пешниҳод намуд.
Яке аз самтҳои афзалиятноки фаъолияти Кумита- ин пешбурди сиёсати давлатии экологӣ ва таъмини иҷрои стратегия ва барномаҳои давлатию соҳавӣ мебошад. Дар доираи «Стратегияи миллии мутобиқшавӣ ба тағйирёбии иқлими Ҷумҳурии Тоҷикистон барои давраи то соли 2030» ва мутобиқи моддаҳои 4.1 ва 12.1 Конвенсияи Созмони Милали Муттаҳид оид ба тағйирёбии иқлим таҳияи Гузориши панҷуми миллӣ оид ба тағйирёбии иқлим дар Ҷумҳурии Тоҷикистон оғоз гардидааст.
Инчунин моҳи майи соли равон ҷаласаи якуми Гурӯҳи кории байниидоравии техникӣ доир ба таҳияи Нақшаи миллии мутобиқшавӣ ҷиҳати татбиқи Стратегия доир гашта, лоиҳаи Нақшаи миллии мутобиқшавӣ таҳия шуд.
Марзия САИДЗОДА,
АМИТ «Ховар»
АКС:АМИТ «Ховар»
Татбиқи лоиҳаи таҷдиди роҳи мошингарди Душанбе-Кулма баррасӣ гардид
«ITB Berlin 2026». Дар доираи намоишгоҳ ширкатҳои сайёҳии Тоҷикистон беш аз 20 шартномаи ҳамкорӣ ба имзо расониданд
Дар минтақаи ҷангалпарварии ноҳияи Рӯдакӣ зиёда аз 30 ҳазор бех ниҳол шинонида шуд
Дар водиҳои Тоҷикистон кишти картошка идома дорад
Дар шоҳроҳи Роғун — Нуробод зиёда аз 900 бех ниҳоли олуча ва дарахтони сояафкан шинонида шуд
«Стратегияи рушди саноат дар Ҷумҳурии Тоҷикистон барои давраи то соли 2030» мавриди амал қарор дорад
НИСОИ БУЛУНКӮЛ. Муаррифии фаъолияти зане, ки роҳбарии Истгоҳи ҳавосанҷиро дар ноҳияи Мурғоб бар уҳда дорад
КИШТИ БАҲОРӢ. Моҳи март дар Тоҷикистон кишти сабзавот оғоз мегардад
Сарвазири Тоҷикистон Қоҳир Расулзода дар ноҳияи Ашт бо раванди бунёди неругоҳи барқи офтобӣ шинос шуд
Дар Душанбе оид ба дастгирии экосистемаи стартапҳо дар Тоҷикистон ҳамоиш баргузор гардид
Сарвазири мамлакат Қоҳир Расулзода бо раванди сохтмони корхонаи ғанигардонии маъдани оҳани ҶСП «Комбинати металлургии тоҷик» шинос шуд
«Moody’s Ratings»: Рейтинги соҳибихтиёрии қарзии Тоҷикистон ба дараҷаи «B2» бо дурнамои «устувор» баланд бардошта шуд
