«БИШНАВ АЗ НАЙ…». Дар Осорхонаи миллӣ ба ифтихори бузургдошти Мавлоно маҳфили илмӣ-фарҳангӣ баргузор шуд
ДУШАНБЕ, 27.07.2023 /АМИТ «Ховар»/. «Саҳми Мавлоно Ҷалолиддини Балхӣ ҳамчун ориф ва адиби тоҷик дар омӯзиш ва рушди илму фарҳанги ҷаҳонӣ басо муҳим ва назаррас мебошад». Чунин иброз дошт директори Муассисаи давлатии Осорхонаи миллии Тоҷикистон Зафаршо Иброҳимзода дар маҳфили илмӣ-фарҳангие, ки дар Душанбе таҳти унвони «Бишнав аз най…» баргузор гардид.
Тавре ба АМИТ «Ховар» дар Осорхонаи миллии Тоҷикистон иттилоъ доданд, маҳфили илмӣ-фарҳангии «Бишнав аз най…» ба ифтихори бузургдошти шоир, ориф ва мутафаккири бузурги тоҷик Мавлоно Ҷалолиддини Балхӣ доир шуда, дар он роҳбарият ва кормандони илмии Осорхонаи миллии Тоҷикистон иштирок намуданд.
Дар маҳфили илмӣ-фарҳангӣ аз ҷониби кормандони илмии Осорхонаи миллӣ барномаҳои гуногуни илмӣ-фарҳангӣ, аз қабили қироати ашъори безаволи Мавлоно, замзамаи сурудҳо аз ашъори мондагори Мавлоно, саҳнаҳо аз ҳаёт ва рӯзгори Мавлоно иҷро гардида, ҳамзамон иштирокдорон дар мавзуи «Нусхаҳои дастнависи Маснавии маънавии Мавлоно Ҷалолиддини Балхӣ дар осорхонаҳои Ҷумҳурии Тоҷикистон» маъруза намуданд.
Бояд тазаккур дод, ки ҳадафи асосии баргузории маҳфили илмӣ-фарҳангии «Бишнав аз най…» ҳифзу муаррифии осори безаволи Мавлоно Ҷалолиддини Балхӣ ва арҷгузорӣ ба шахсияти ин нобиғаи бузурги миллати тоҷик мебошад.
АКС: Осорхонаи миллии Тоҷикистон
ПАЁМЕ, КИ ҲАМА НУРУ НАВИД АСТ. Андешаҳои Шоири халқии Тоҷикистон Камол Насрулло дар ҳошияи Паёми Президенти Тоҷикистон ба Маҷлиси Олӣ
ПАЁМИ ПРЕЗИДЕНТИ ТОҶИКИСТОН — ДАСТУРАМАЛ ВА РОҲНАМО. Дар Душанбе ҳамоиши илмӣ доир гардид
Ризо Солеҳии Амирӣ: «Аз ҳар муваффақияти Тоҷикистон ҳушҳолу сарфароз мешавем»
Маркази тадқиқоти стратегии назди Президенти Ҷумҳурии Тоҷикистон ва Маркази пажуҳишии Шурои исломии Эрон ҳамкорӣ дар самти таҳқиқотро густариш медиҳанд
Байни Академияи миллии илмҳои Тоҷикистон ва Пажуҳишгоҳи муҳандисии генетикӣ ва биотехнологияи Эрон Ёддошти тафоҳум ба имзо расид
Аҳли илму адаби Эрон дар Осорхонаи миллӣ бо таъриху тамаддуни тоҷикон шинос гардид
Ҳамкории Академияи миллии илмҳои Тоҷикистон бо Вазорати мероси фарҳангӣ, гардишгарӣ ва саноеи дастии Эрон баррасӣ гардид
«Мероси Имоми Аъзам ва гуфтугӯи тамаддунҳо», «Мавлоно ва тамаддуни инсонӣ» сазовори «Шоҳҷоиза»-и Озмуни ҷумҳуриявии «Китоби сол-2024» гардиданд
Дар Душанбе робитаҳои фарҳангии Тоҷикистон ва Эрон баррасӣ шуданд
Дар Душанбе Пажуҳишгоҳи фарҳангии тоҷикӣ-форсӣ ифтитоҳ гардид
Дар Душанбе Форуми олимону пажуҳишгарони Тоҷикистон ва Эрон баргузор шуд
Дар шаҳри Душанбе маҳфили шеъру адаби Тоҷикистон ва Эрон оғоз гардид
