Дар Душанбе Форуми байналмилалии инвеститсионӣ доир ба саҳми муайяншудаи Тоҷикистон оид ба коҳиш додани ихроҷи газҳои гулхонаӣ доир мегардад

ДУШАНБЕ, 02.07.2023. /АМИТ «Ховар»/. Аз 3 то 7 июли соли ҷорӣ дар Душанбее «Форуми байналмилалии инвеститсионӣ доир ба татбиқи Саҳми дар сатҳи миллӣ муайяншудаи Тоҷикистон оид ба коҳиш додани ихроҷи газҳои гулхонаӣ» ва семинари минтақавӣ оид ба маблағгузории иқлимӣ барои давлатҳои Осиёи Марказӣ ва Қафқози Ҷанубӣ баргузор мегарданд, хабар медиҳад АМИТ «Ховар» бо истнод ба Кумитаи ҳифзи муҳити зисти ҷумҳурӣ.

Дар чорабиниҳои мазкур иштироки роҳбарият ва намояндагони созмонҳои байналхалқӣ ва минтақавӣ, шарикони рушд, мақомотҳои ҳифзи муҳити зисти давлатҳои минтақаи Қафқоз ва Осиёи Марказӣ, инчунин вазорату идораҳои дахлдори ҷумҳурӣ ва бахши хусусӣ пешбинӣ шудааст.

Зимни баргузории Форум Нақшаи молиявии татбиқи Саҳми дар сатҳи миллӣ муайяншудаи Тоҷикистон оид ба коҳиш додани ихроҷи газҳои гулхонаӣ, ки бо кумаки техникии Бонки Осиёии Рушд таҳия гардидааст, муаррифӣ карда мешавад.

Инчунин дар чорабинӣ муҳокимаҳо бо роҳбарият ва намояндагони созмонҳои байналхалқӣ ва шарикони рушд оид ба имкониятҳои ҷалби сармоя дар татбиқи ҳуҷҷати мазкур низ пешбинӣ шудааст.

АКС: Кумитаи ҳифзи муҳити зисти назди Ҳукумати Ҷумҳурии Тоҷикистон