Тоҷикистон ва Қазоқистон барои содироти меваю сабзавот ва татбиқи лоиҳаҳои сармоягузорӣ тадбирҳои иловагӣ меандешанд
ДУШАНБЕ, 02.07.2023. /АМИТ «Ховар»/. 1 июл дар шаҳри Остона Вазири рушди иқтисод ва савдои Ҷумҳурии Тоҷикистон Завқӣ Завқизода бо Вазири иқтисоди миллии Ҷумҳурии Қазоқистон Алибек Куантиров мулоқот намуд.
Тавре ба АМИТ «Ховар» дар Вазорати рушди иқтисод ва савдо хабар доданд, зимни мулоқот ҷонибҳо ба мувофиқа расиданд, ки ҷиҳати содироти меваю сабзавот ва татбиқи лоиҳаҳои сармоягузорӣ тадбирҳои иловагӣ меандешанд.
Таъкид гардид, ки соли 2022 ҳаҷми гардиши савдои хориҷии Ҷумҳурии Тоҷикистон ва Ҷумҳурии Қазоқистон 22,3% — 1,4 миллиард доллар афзоиш ёфта, Қазоқистон ба дуюмин калонтарин шарики тиҷоратии Тоҷикистон табдил ёфт.
Дар вохӯрӣ ҷонибҳо ба мувофиқа расиданд, ки ҷиҳати иҷрои дастуру супоришҳои Сарони ду давлат, протоколи ҷаласаи Комиссияи байниҳукуматӣ, Харитаи роҳ оид ба зиёд намудани гардиши савдои Ҷумҳурии Тоҷикистон ва Ҷумҳурии Қазоқистон барои солҳои 2023-2024 тадбирҳои иловагӣ андешанд.
Ҳамзамон ҷониби Қазоқистон барои иштирок дар Форуми иқтисодии давлатҳои Осиёи Марказӣ, ки 14-15 сентябри соли 2023 дар шаҳри Душанбе дар доираи Саммити сарони давлатҳои Осиёи Марказӣ баргузор мегардад, даъват карда шуд.
АКС: Вазорати рушди иқтисод ва савдои Ҷумҳурии Тоҷикистон
Дар Душанбе ҷаласаи 13-уми Комиссияи байниҳукуматӣ оид ба ҳамкории тиҷоратӣ ва иқтисодии Тоҷикистону Узбекистон баргузор шуд
Байни Тоҷикистон ва Гурӯҳи Бонки ҷаҳонӣ барои бунёди хати интиқоли барқ дар Тоҷикистон Созишномаи молиявии грантӣ ба имзо расид
Вазири саноат, маъдан ва тиҷорати Ҷумҳурии Исломии Эрон ба Тоҷикистон ташриф овард
Дар Хатлон дар беш аз 64 ҳазор гектар тухмгузории малахи марокашӣ ба қайд гирифта шудааст
Ба иқтисоди Тоҷикистон соли 2025 қариб 7 миллиард доллар сармояи хориҷӣ ворид гардид
Ҳайати Хадамоти гумруки Тоҷикистон дар ҷаласа доир ба татбиқи методологияи «Таҳқиқоти вақти иҷозати мол» иштирок намуд
Ҷаласаи миллӣ оид ба таҳияи дастурамалҳои рушди устувори гидроэнергетикаи хурд баргузор шуд
Масъалаи афзоиши содироти маҳсулоти кишоварзии Тоҷикистон ба Русия баррасӣ гардид
Ҳамкории Тоҷикистон ва Узбекистон дар муқовимат ба коррупсия густариш меёбад
Дар шаҳри Остона масоили омодагӣ ба Саммити минтақавии экологӣ баррасӣ гардид
Соли 2025 ба Тоҷикистон дар ҳаҷми 8 миллиарду 295,6 миллион доллар молу маҳсулот ворид карда шуд
Дар Бонки миллии Тоҷикистон оид ба риояи талаботи қонунҳои миллӣ ҳамоиш доир гардид
