Дар Хоруғ нахустин Форуми байналмилалии соҳибкории G5 оғоз шуд
ДУШАНБЕ, 11.08.2023. /АМИТ «Ховар»/. Имрӯз бори нахуст дар шаҳри Хоруғ бо дастгирии Ҳукумати Ҷумҳурии Тоҷикистон, Кумитаи давлатии сармоягузорӣ ва идораи амволи давлатии Ҷумҳурии Тоҷикистон, мақомоти иҷроияи ҳокимияти давлатии Вилояти Мухтори Кӯҳистони Бадахшон ва шаҳри Хоруғ дар шаҳри Хоруғ Форуми байналмилалии соҳибкории G5 оғоз ёфт. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии шаҳр хабар медиҳад.
Нахуст ҳайати меҳмонон бо намоиши дастовардҳои соҳибкорони вилоят шинос шуданд. Дар идомаи кори форуми соҳибкории G5 навор вобаста ба имконоти рушди соҳибкорӣ манзури иштирокдорон гардонида шуд.
Иброз гардид, ки бо ҳидоятҳои неки Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон сол то сол бо ҷалби маблағҳои соҳбикорони ватанӣ дар миқёси вилоят корхонаҳои азими саноатӣ ва хурду миёна бунёд мегарданд, ки ба беҳтар гардидани рушди устувори иқтисодиёти вилоят ва таъмини мардум бо ҷои кори доимӣ нигаронида шудаанд. Бо ташкили корхонаҳои нав, таъсиси ҷойҳои корӣ, истеҳсоли молу маҳсулот ва хизматрасонии босифат саҳми соҳибкорони вилоят дар баланд бардоштани сатҳу сифати зиндагии аҳолӣ ва ободонии ватан назаррас мебошад. Зиёда аз 70 фоизи даромади буҷаи вилоят аз ҳисоби соҳибкорон ва бахши хусусӣ мебошад.
Ҳамзамон дар қаламрави вилоят чандин коргоҳи саноатӣ бо дастгириҳои пайвастаи Президенти Ҷумҳурии Тоҷикистон ва соҳибкорони ватанӣ бунёд гардиданд, ки садҳо сокинони вилоят, занони хонанишинро ба кор ҷалб намуда, дар ғанӣ гардонидани буҷаи вилоят ва таъсиси ҷойи кори доимӣ нақши арзанда доранд.
Тазаккур дода шуд, ки барои рушди соҳибкории миллӣ аз ҷониби Ҳукумати Ҷумҳурии Тоҷикистон бо мақсади дастгирии фаъолияти соҳибкорон тадбирҳои судманд андешида мешаванд.
Паёми навбатии Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон дар баробари дастгирии дигар соҳаҳои ҳаётан муҳими хоҷагии халқ ба рушди соҳибкорӣ ва дастгирии соҳибкорон нигаронида шудааст.
Бояд гуфт, ки дар зарфи 32 соли даврони соҳибистиқлолии Ҷумҳурии Тоҷикистон дар Вилояти Мухтори Кӯҳистони Бадахшон коргоҳҳои зиёди саноатӣ бунёд ва мариди баҳрабардорӣ қарор дода шуданд, ки ба равнақи соҳаи саноат, аз ҷумла соҳибкорӣ нигаронида шудаанд.
Ёдовар мешавем, ки Форуми байналмилалии соҳибкории G5 пагоҳ низ идома ёфта, дар он иштироки соҳибкорони хориҷӣ дар назар аст.
АКС: Рӯзномаи «Нигини Хоруғ»
Дар Душанбе бахшида ба Рӯзи кормандони мақомоти назорати давлатии молиявӣ ва мубориза бо коррупсия ҷамъомад баргузор шуд
ИМРӮЗ — РӮЗИ КОРМАНДОНИ МАҚОМОТИ НАЗОРАТИ ДАВЛАТИИ МОЛИЯВӢ ВА МУБОРИЗА БО КОРРУПСИЯ. Аз таъсиси Агентии назорати давлатии молиявӣ ва мубориза бо коррупсия 19 сол пур шуд
Неругоҳи барқи обии «Себзор» давоми фаъолият беш аз 21 миллион кВт-соат неруи барқ истеҳсол намудааст
Баҳодур Шерализода: «Қабули Қатъномаи ЮНЕП дар пешбурди дипломатияи муҳити зисти Тоҷикистон нақши назаррас дорад»
Агентии «Тоҷикстандарт»: «Аз маҳсулоти ширкати «Nestle» бо тамғаи NAN дар марҳилаи муайяншуда истифода набаред!»
Тоҷикистон ҳамкориро бо Бонки осиёии сармоягузории инфрасохторӣ тақвият медиҳад
Бонки миллии Тоҷикистон: иттилои паҳншуда дар бораи он, ки Бонки миллӣ бо 1 фоиз қарз медиҳад, воқеият надорад
Дар Ишкошим зеристгоҳи барқии «Қозидеҳ» ба истифода дода мешавад
Дар Вазорати рушди иқтисод ва савдо оид ба иҷрои супоришҳои Президенти Тоҷикистон дар Паём ба Маҷлиси Олӣ ҷаласа доир шуд
Дар Тоҷикистон лоиҳаи Қонун дар бораи сиёсати аграрӣ таҳия мегардад
Дар Панҷакент ҷаласаи Шуро оид ба рушди соҳибкорӣ ва беҳтар намудани фазои сармоягузорӣ баргузор гардид
Дар хоҷагии ҷангали ноҳияи Данғара дар 44 гектар ниҳолҳои пистаҳои хушкшуда барқарор гардид
