Корхонаи «Хизматрасонии нақлиёти санитарии шаҳри Хуҷанд» таҷдид ва бо техникаву таҷҳизот таъмин мегардад

Август 20, 2023 10:50

ДУШАНБЕ, 20.08.2023. /АМИТ «Ховар»/.  Роҳбарияти вилояти Суғд бо  фаъолияти Корхонаи воҳиди давлатии коммуналии (КВДК) «Хизматрасонии нақлиёти санитарии шаҳри Хуҷанд», ҳолати нигоҳдории техникаву таҷҳизот ва раванди корҳои созандагӣ дар ҳудуди корхона шинос шуданд.  . Дар ин хусус АМИТ «Ховар» бо истинод ба Хадамоти матбуоти Раиси вилояти  Суғд хабар медиҳад.

Таъкид шуд, ки аз фаъолияти бонизоми корхонаи мазкур тозагии шаҳр ва саломатии сокинон вобаста аст. Бояд кормандон ҳамарӯза ҷиҳати сари вақт гирифтани партов аз ҳудуди шаҳр фаъолнокӣ зоҳир намоянд ва дар самти тозагии шаҳр ва ороста намудани кӯчаву хиёбонҳо масъулияти ҷиддӣ дошта бошанд.

Бояд гуфт, ки баҳри рушди корхонаи мазкур бо дастгирии Ҳукумати Ҷумҳурии Тоҷикистон дар Лоиҳаи «Идоракунии партовҳои сахти маишии шаҳри Хуҷанд» таҷдиди корхона ва харидории техникаву таҷҳизот амалӣ мегардад.

Иттилоъ дода шуд, ки КВДК «Хизматрасонии нақлиёти санитарии шаҳри Хуҷанд» ягона муассисаи коммуналии шаҳр мебошад, ки барои бардоштан, кашонидан ва гӯронидани партовҳои сахти маишии шаҳри Хуҷанд фаъолият мебарад.

Корхона реҷаи кори худро дар се баст ба роҳ монда, аз ҳудуди шаҳр партовҳоро ба партовгоҳи шаҳри Хуҷанд мекашонад. Дар корхона 117 нафар фаъолият дошта, 14 нақлиёти партовкашон ҳамарӯза дар се  баст фаъолияти пурсамар доранд ва партовҳоро сари вақт аз ҷойҳои муайяншуда мегиранд.

 АКС: Хадамоти матбуоти Раиси вилояти Суғд

Август 20, 2023 10:50

Хабарҳои дигари ин бахш

Имрӯз дар ноҳияҳои алоҳидаи Тоҷикистон борони кӯтоҳмуддат меборад
СОЛИ МАЪРИФАТИ ҲУҚУҚӢ. Дар Кумитаи ҳифзи муҳити зист дар ин мавзуъ ҳамоиш баргузор гардид
Теъдоди ҳалокшудагони ҳодисаи обхезӣ дар АМА ва Уммон ба 20 нафар расид
Шавкат Мирзиёев: «Тоҷикистон барои Узбекистон шарики боэътимоди стратегӣ ва дӯсти наздик дониста мешавад»
Имрӯз дар ноҳияҳои доманакӯҳи Тоҷикистон борони кӯтоҳмуддат пешгӯӣ мешавад
Тошканд пойтахти ҷавонони Иттиҳоди Давлатҳои Мустақил гардид
Таҷдиди неругоҳи «Қайроққум» бомаром идома дорад
Байни Донишгоҳи давлатии Кӯлоб ва панҷ донишгоҳи Узбекистон шартномаи ҳамкорӣ баста шуд
Оё Тоҷикистонро пешрафти рақамӣ интизор аст?
Дар шоҳроҳи Душанбе — Чанок теъдоди қуттиҳои махсус барои партов ба 70 адад расонида мешавад
Имрӯз дар Тоҷикистон ҳавои бебориш пешгӯӣ мешавад
Барои арзёбии таъсири эҳтимолии офатҳои табиӣ ба устувории қарзи Арманистон, Тоҷикистон ва Қирғизистон санади корӣ таҳия гардид