НИШАСТИ МАТБУОТӢ. Дар Тоҷикистон ба маблағи беш аз 20 миллиард сомонӣ маҳсулоти саноатӣ истеҳсол шудааст
ДУШАНБЕ, 07.08.2023 /АМИТ «Ховар»/. Вазорати саноат ва технологияҳои нави Ҷумҳурии Тоҷикистон аз афзоиши истеҳсоли маҳсулоти саноатӣ дар мамлакат дар соли равон иттилоъ медиҳад. Вазири саноат ва технологияҳои нави Ҷумҳурии Тоҷикистон Шералӣ Кабир имрӯз дар нишасти матбуотӣ дар шаҳри Душанбе маълумот дод, ки дар ин давра дар Тоҷикистон дар ҳаҷми 20,7 миллиард сомонӣ маҳсулоти саноатӣ истеҳсол гардид, ки суръати афзоиши он нисбат ба ҳамин давраи соли гузашта 10,3 фоизро ташкил дода, 1,8 миллиард сомонӣ зиёд мебошад.
Шералӣ Кабир афзуд, ки ҳиссаи соҳаҳо дар маҷмуи маҳсулоти саноатӣ дар ин давра 31 фоиз ба саноати маъдан, 22 фоиз ба саноати хӯрокворӣ, 21 фоиз ба электроэнергия, 8 фоиз ба саноати мошинсозӣ, беш аз 5 фоиз ба саноати сабук ва дигар соҳаҳо марбут аст.
Аз ҳаҷми умумии маҳсулоти дар ин давра истеҳсолшуда дар мамлакат қариб 60 фоиз ба вилояти Суғд, зиёда аз 23 фоиз ба вилояти Хатлон, 9,2 фоиз ба шаҳри Душанбе, 8,8 фоиз ба шаҳру навоҳии тобеи марказ ва 0,4 фоиз ба Бадахшон рост меояд.
Гуфта шуд, ки дар давраи ҳисоботӣ аз ҳаҷми умумии маҳсулоти саноатӣ зиёда аз 61 фоиз ба саноати коркард, беш аз 20 фоиз ба саноати истихроҷ, зиёда аз 17 фоиз ба таъминоти неруи барқ, газ, буғ ва тозакунии ҳаво, 0,4 фоиз ба соҳаи таъминоти об, тозакунӣ, коркарди партовҳо ва коркарди дуюмдараҷа рост меояд.
Марзия САИДЗОДА,
АМИТ «Ховар»
АКС: АМИТ «Ховар»
Ҷаласаи 8-уми Комиссияи муштараки Тоҷикистон ва Покистон оид ба ҳамкории тиҷоратӣ, иқтисодӣ ва илмӣ-техникӣ доир мегардад
Дар Тотористон бо соҳибкорони Тоҷикистон вохӯрӣ доир гардид
Хатҳои интиқоли барқ дар Кӯҳистони Мастчоҳ бояд навсозӣ карда шаванд
Дар Минтақаи озоди иқтисодии «Данғара» таъсиси корхонаҳои нав бо сармоягузорони эронӣ баррасӣ гардид
Дар Деҳлӣ ҳамкории Тоҷикистон ва Ҳиндустон дар соҳаи саноат ва технологияҳои муосир баррасӣ шуд
Дар Тоҷикистон саҳми бахши хусусӣ дар истеҳсоли молҳо ба 80 фоиз расид
Созишномаи шарикии давлат ва бахши хусусӣ оид ба амалишавии рушди низоми почтаи Тоҷикистон ба имзо расид
ИЛОҶИ ВОҚЕА-ПЕШ АЗ ВУҚУЪ. Дар Тоҷикистон майдони тухмгузории малах муайян карда шуд
Дар шаҳри Турсунзода беш аз 6 ҳазор бех ниҳол шинонида шуд
Дар рӯзҳои Ҷашни байналмилалии Наврӯз қатораи байналмилалии сайёҳии «Jibek Joly» («Роҳи Абрешим») ба Душанбе мерасад
35-СОЛАГИИ ИСТИҚЛОЛИ ДАВЛАТӢ. Дар ноҳияи Вахш корхонаи истеҳсоли маҳсулоти полиэтиленӣ ба фаъолият оғоз намуд
Роҳбарони роҳи оҳани Тоҷикистон ва Қазоқистон оид ба рушди долонҳои нақлиётӣ ба мувофиқа расиданд
