НИШАСТИ МАТБУОТӢ. Лоиҳаи «Электрификатсияи деҳот» 64 деҳаи бебарқро дар вилояти Хатлон бо барқ таъмин менамояд
ДУШАНБЕ, 12.08.2023. /АМИТ «Ховар»/. Ҷамъияти саҳомии кушодаи «Шабакаҳои тақсимоти барқ» дар шашмоҳаи аввали соли равон 9 млрд 118 млн кВт-соат энергияи барқ қабул намудааст, ки ин нишондиҳанда нисбат ба ҳамин давраи соли 2022 421 млн кВт-соат зиёд мебошад, — изҳор шуд 10 август дар нишасти матбуотии Ҷамъияти саҳомии кушодаи «Шабакаҳои тақсимоти барқ» оид ба натиҷаҳои фаъолияти корхона давоми шаш моҳи соли равон.
Ба хабарнигорони ВАО-и ватанӣ ва хориҷӣ иттилоъ дода шуд, ки Ҷамъияти саҳомии кушодаи «Шабакаҳои тақсимоти барқ» лоиҳаи «Электрификатсияи деҳот»-ро дар вилояти Хатлон бо арзиши 6,5 млн доллари ИМА амалӣ намуда истодааст. Лоиҳаи мазкур бо барқ таъмин намудани 64 деҳаи бебарқро дар ноҳияҳои Шамсиддини Шоҳин, Мир Сайид Алии Ҳамадонӣ ва Фархор дар бар мегирад. Аллакай дар доираи лоиҳаи «Электрификатсияи деҳот» ба маблағи 2 млн 154 ҳазор доллари ИМА корҳо анҷом дода шудаанд.
Ҳамчунин лоиҳаи «Барномаи рушди соҳаи энергетика» бо арзиши 95 млн доллари ИМА дар амал татбиқ шуда истодааст, ки бо анҷом ёфтани он инфрасохтори баҳисобгирӣ дар шаҳру ноҳияҳои Душанбе, Данғара, Бӯстон, Исфара, Истаравшан, Конибодом ва Панҷакент ҷорӣ хоҳад шуд.
Иттилоъ дода шуд, ки лоиҳаи «Сохтмони зеристгоҳи барқии 110/10 кВ» дар шаҳри Душанбе барои таъмини барқ дар биноҳои нави Парлумон ва Ҳукумати Ҷумҳурии Тоҷикистон ба инобат гирифта шуда, арзиши умумии лоиҳа 61 млн 998 ҳазор сомонӣ муайян шудааст. То давраи ҳисоботӣ дар доираи лоиҳаи мазкур ба маблағи 10 млн 400 ҳазор сомонӣ корҳо ба анҷом расонида шудаанд.
А. САНГЗОДА,
АМИТ «Ховар»
АКС: АМИТ «Ховар»
Таҳти раëсати муовини Сарвазир оид ба пешгирии талафоти неруи барқ ҷаласаи корӣ баргузор гардид
То нимаи аввали моҳи июн дар Тоҷикистон беш аз 40 ҳазор тонна ангур ҷамъоварӣ гардидааст
Гулҳои мавсимии парваришнамудаи корхонаи «Шаҳри зебои мо» кӯчаю хиёбонҳои Норакро ороиш медиҳанд
Намояндаи Тоҷикистон дар машварат вобаста ба рушди технологияҳои иттилоотию коммуникатсионии давлатҳои аъзои СҲШ иштирок намуд
Дар «Боғи Ирам» ҷашни Тиргон бо баргузории Иди зардолу ва намоиши «Хушкмеваҳои Тоҷикистон» таҷлил мегардад
Корхонаи тухмипарварии ноҳияи Файзобод ба кишоварзон 400 тонна тухмиҳои гуногуни картошка пешниҳод намуд
Дар шаҳри Душанбе намоишгоҳи ҷойҳои кории холӣ баргузор карда шуд
Дар ноҳияи Восеъ ҷамъоварии ҳосили гандум идома дорад
Ифтитоҳи хатсайри Душанбе-Пекин қадами стратегӣ дар самти дастгирии ташаббуси «Як камарбанд – як роҳ» мебошад
Гурӯҳи кории муштараки Тоҷикистону Чин оид ба зеҳни сунъӣ таъсис дода мешавад
Дар Суғд дар мавзуи ҳамкории фаромарзӣ дар соҳаи об машғулияти омӯзишӣ гузаронида шуд
Зернизоми Декларатсияи вуруд ва хуруҷи воситаҳои нақлиёти низоми иттилоотии Хадамоти гумрук -«АСИКУДА-и ҷаҳонӣ» фаъол карда шуд
