БА ИСТИҚБОЛИ 35-СОЛАГИИ ИСТИҚЛОЛИЯТИ ДАВЛАТӢ. Дар Суғд бунёди беш аз 12 ҳазор иншоот ба нақша гирифта шудааст
ДУШАНБЕ, 02.09.2023 /АМИТ «Ховар»/. Ба истиқболи 35-солагии Истиқлолияти давлатии Ҷумҳурии Тоҷикистон дар вилояти Суғд бунёду баистифодадиҳии беш аз 12 ҳазор иншооти гуногун ба нақша гирифта шудааст. Дар ин раванд ба бунёди корхонаҳои саноатӣ таваҷҷуҳи хосса зоҳир шуда, иқтидорҳои нави истеҳсолӣ ба кор андохта мешаванд. Дар ин хусус дар машварати кории Раиси вилояти Суғд таъкид гардид, хабар медиҳад АМИТ «Ховар бо истинод ба Хадамоти матбуоти Раиси вилояти Суғд.
Ба раисони шаҳру ноҳияҳо дастур дода шуд, ки ба бунёди корхонаҳои нав таваҷҷуҳ намуда, рушди соҳаи саноатро таъмин намоянд.
Таъкид гардид, ки бо дастгириҳои Президенти Ҷумҳурии Тоҷикистон муҳтарам Эмомалӣ Раҳмон дар вилоят рушди соҳаҳои иқтисодиву иҷтимоӣ таъмин гардида, бо истифода аз имконият ҷиҳати афзун намудани дастовардҳо тадбирҳои зарурӣ амалӣ мешаванд.
Дар машварат инчунин вобаста ба вусъати корҳои саҳроӣ, сари вақт ва беталаф ҷамъ овардани ҳосили зироат ва бо дастовардҳои баланди меҳнатӣ истиқбол гирифтани солгарди навбатии Истиқлолияти давлатии ҷумҳурӣ таваҷҷуҳи хосса равона шуд.
Гуфта шуд, ки имрӯзҳо дар шаҳру навоҳии кишоварзии вилоят ҷамъоварии анвои гуногуни маҳсулоти кишоварзӣ идома дорад. Масъулини соҳаро зарур аст, ки барои беталаф ҷамъоварӣ намудани ҳосили имсола, аз ҷумла пахта чораҷӯӣ намуда, ҳамзамон ба танзими нархҳо дар бозорҳо аҳамияти аввалиндараҷа зоҳир намоянд, то мардум тавонанд барои зимистон маводи ғизоӣ захира созанд.
АКС: Хадамоти матбуоти Раиси вилояти Суғд
Дар ноҳияи Ёвон якчанд иншооти иҷтимоӣ ва инфрасохторӣ мавриди истифода қарор гирифт
Дар деҳаи Деваштичи Панҷакент муассисаи таълимӣ бунёд мегардад
35-СОЛАГИИ ИСТИҚЛОЛИ ДАВЛАТӢ. Дар Панҷакент иншооти таъйиноти гуногун бунёд карда мешаванд
35-СОЛАГИИ ИСТИҚЛОЛИ ДАВЛАТӢ. Дар Суғд бинои нави Маркази микроҷарроҳии чашм бунёд мегардад
Дар дараи Искандаркӯли ноҳияи Айнӣ муассисаи томактабӣ бунёд карда мешавад
Пешвои миллат Эмомалӣ Раҳмон дар ноҳияи Синои шаҳри Душанбе Муассисаи давлатии «Мактаби бачагонаи мусиқии №3 ба номи Абдуфаттоҳ Одинаев»-ро ба истифода доданд
Президенти Ҷумҳурии Тоҷикистон Эмомалӣ Раҳмон дар ноҳияи Синои шаҳри Душанбе Муассисаи таҳсилоти томактабии «Гулистон»-ро ифтитоҳ намуданд
Сарвари давлат Эмомалӣ Раҳмон дар ноҳияи Фирдавсии шаҳри Душанбе «Кӯдакистони байналмилалии инноватсионии Басбӣ»-ро ба истифода доданд
Пешвои миллат Эмомалӣ Раҳмон дар ноҳияи Шоҳмансури шаҳри Душанбе Муассисаи таҳсилоти томактабии хусусии Ватанпарварро ифтитоҳ намуданд
35-СОЛАГИИ ИСТИҚЛОЛИ ДАВЛАТӢ. Дар Суғд беш аз 12 ҳазор иншоот ба истифода дода шуд
35-СОЛАГИИ ИСТИҚЛОЛИ ДАВЛАТӢ. 4 километр роҳи деҳаи Меҳргони Шаҳринав мумфарш карда шуд
35-СОЛАГИИ ИСТИҚЛОЛИ ДАВЛАТӢ. Бунёдкорӣ дар ҷамоатҳои деҳоти Роҳатию Гулистони ноҳияи Рӯдакӣ вусъат меёбад
