Дар Душанбе оид ба нақши осори Ҷалолуддини Балхӣ дар ҳамгироии фарҳангии давлатҳо дар шароити ҷаҳонишавӣ конференсияи байналмилалӣ доир шуд
ДУШАНБЕ, 25.09.2023 /АМИТ «Ховар»/. «Нақши осори Ҷалолуддини Балхӣ дар ҳамгироии фарҳангии мамлакатҳо дар шароити ҷаҳонишавӣ»-таҳти ин унвон 23 сентябр дар Академияи идоракунии давлатии назди Президенти Ҷумҳурии Тоҷикистон конференсияи байналмилалии илмӣ-назариявӣ баргузор гардид. Дар ин хусус ба АМИТ «Ховар» дар ин академия хабар доданд.
Дар ҳамоиш профессорону омӯзгорон, докторантону магистрантон, олимону донишмандон аз ҷумҳурӣ ва мамлакатҳои хориҷи дуру наздик, аз ҷумла Русия ва Туркия иштирок намуданд.
Ректори Академияи идоракунии давлатии назди Президенти Ҷумҳурии Тоҷикистон Абдухалил Ғафурзода иброз дошт, ки Мавлоно Ҷалолуддини Балхӣ бо ашъори оламгири худ дар шикастани марзҳои фарҳангӣ ва тамаддунӣ нақши бузург дорад. Имрӯз дар сартосари ҷаҳон асарҳои Мавлоно аз серхонандатарин ва серхаридортарин асарҳои манзум ба ҳисоб рафта, маркази ғояҳои илмиву фалсафии осори ӯро таҳаммулпазирӣ ва инсондӯстӣ ташкил менамояд. Бахусус, дар минтақаи Осиёи Марказӣ Мавлоно Ҷалолиддини Балхӣ аз маҳбубияту муҳаббати хосса бархӯрдор буда, нақши осори ӯ дар ташаккули ҳамгироии фарҳангии миллатҳои муқими минтақа бағоят назаррас мебошад.
Дар конференсия мутахассисону коршиносон ва таҳлилгарони масоили байналмилалӣ таъкид доштанд, ки осори Мавлоно Ҷалолиддини Румӣ ҷанбаи илмӣ-таҳлилӣ, ирфонӣ ва маънавӣ дошта, дар осори вай ғояҳои инсондӯстӣ, муҳаббат нисбат ба хислатҳои накуи инсонӣ, таҳаммулгароӣ ва ҳамзистии миллатҳо мавқеи марказиро ташкил менамоянд. Дар ҷаҳони муосир назария ва ғояҳои Мавлоно аз маҳбубияти хосса дар тамоми олам бархӯрдор буда, аз осори ӯ ҳамчун сарчашмаи маънавии ҳамзистӣ ва ҳамгироӣ миллатҳо васеъ истифода мебаранд.
Дар қисмати фарҳангии конференсия бо истифода аз ашъори баландмазмуни Мавлоно баҳри ҳозирин беҳтарин сурудҳо пешкаш гардиданд.
АКС: Академияи идоракунии давлатии назди Президенти Ҷумҳурии Тоҷикистон
Дар Китобхонаи миллии Тоҷикистон оид ба ҳамкории фарҳангии Тоҷикистон ва Фаронса мулоқот доир шуд
НИШАСТИ МАТБУОТӢ. Олимони Академияи миллии илмҳои Тоҷикистон 30 патент барои ихтироъ ба даст оварданд
Филмҳои таҳиянамудаи «Тоҷикфилм» соҳиби 20 ҷоизаи байналмилалӣ гардиданд
Дар Теҳрон дар мавзуи «Мероси адабии Рӯдакӣ» нишасти илмию адабӣ баргузор гардид
«ФЕҲРИСТИ НОМҲОИ МИЛЛИИ ТОҶИКӢ». Кумитаи забон ва истилоҳот ба 330 муроҷиаткунанда барои номгузории фарзандон хулосаи рад дод
НИШАСТИ МАТБУОТӢ. Соли 2024 дар асоси Барномаи рушди кино 17 филм наворбардорӣ гардид
Таълимгирандагони «Ворисони Куруши Кабир» дар Осорхонаи миллӣ бо таъриху тамаддуни тоҷикон шинос шуданд
Дар Тоҷикистон азнавбақайдгирии ёдгориҳои мероси таърихию фарҳангӣ оғоз шуд
АРҒУШТИ СИТОРАГОН БУВАД ДАР ЧАКАНАТ. Чаро баъзе аз духтарон дар пӯшидани либос ба фарҳанги бегона рӯ меоранд?
«ОТАШИ ҶАШНИ САДА ОТАШИ МЕҲРИ ВАТАН АСТ». Дар Душанбе ҷашни Сада ва намоиши тухмии зироати кишоварзӣ баргузор шуд
ҶАШНИ САДА НИЗ БАЙНАЛМИЛАЛӢ ШАВАД. Пешниҳоди академики Академияи миллии илмҳои Тоҷикистон Фарҳод Раҳимӣ дар ин мавзуъ
«САДА ОМАД, КИ ТУРО МУЖДА ДИҲАД АЗ НАВРӮЗ». Дар Душанбе ҷашни Сада бо намоиши тухмии зироати кишоварзӣ оғоз гардид
