Дар Душанбе ғолибони Мусобиқаи кушоди ҷумҳуриявӣ оид ба саққобозӣ муайян шуданд
ДУШАНБЕ, 01.09.2023. /АМИТ «Ховар»/. Бахшида ба 32 — солагии Истиқлолияти давлатии Ҷумҳурии Тоҷикистон дар шаҳри Душанбе Мусобиқаи кушоди ҷумҳуриявӣ оид ба саққобозӣ (билярд) дар байни сокинони шаҳру ноҳияҳои ҷумҳурӣ доир гардид. Дар он варзишгари шаҳри Душанбе Изатулло Файзуллоев сазовори ҷойи аввал гардид. Дар ин хусус ба АМИТ «Ховар» дар Кумитаи кор бо ҷавонон ва варзиши назди Ҳукумати Ҷумҳурии Тоҷикистон хабар доданд.
Инчунин варзишгари шаҳри Ҳисор Бахтовар Абдуллоев ҷойи дуюм ва Ҳасан Каримов аз шаҳри Душанбе мақоми сеюмро соҳиб шуданд.
Ба ғолибони ҷойи аввал мукофотпулӣ дар ҳаҷми 4000 ҳазор сомонӣ, ҷойи дуюм 3000 сомонӣ ва ҷойи сеюм 2000 сомонӣ тақдим гардид.
Дар мусобиқа роҳбарияти Кумита таваҷҷуҳи Президенти Ҷумҳурии Тоҷикистон, Пешвои миллат муҳтарам Эмомалӣ ва Ҳукумати мамлакатро нисбат ба рушди ин намуди варзиш иброз доштанд. Ҳамзамон иброз гардид, ки Кумитаи кор бо ҷавонон ва варзиш минбаъд ба рушди варзиши саққобозӣ таваҷҷуҳи хосса зоҳир намуда, чорабиниҳои ҷумҳуриявию чемпионатҳоро амалӣ менамояд.
Дар мусобиқаи мазкур 32 нафар ғолибони даври ноҳиявию шаҳрӣ ва вилоятӣ иштирок намуда, байни ҳам рақобат намуданд.
АКС: Кумитаи кор бо ҷавонон ва варзиши назди Ҳукумати Ҷумҳурии Тоҷикистон
Дар шаҳри Хуҷанд Чемпионати Тоҷикистон оид ба бокс ҷамъбаст гардид
Довталабони иҷозатномаи «PRO» оид ба футбол таҷрибаомӯзиро дар дастаи миллии Тоҷикистон анҷом доданд
Дастаи мунтахаби наврасони Тоҷикистон (U-17) дар Амороти Муттаҳидаи Араб бозиҳои дӯстона анҷом медиҳад
«МегаФон Тоҷикистон» шарики кулли Ҷоми Тоҷикистон оид ба футзал гардид
Замони баргузории бозиҳои даври 19-уми Чемпионати Тоҷикистон байни дастаҳои Лигаи олӣ муайян шуд
ҶОМИ ОСИЁ-2027. Дастаи мунтахаби Тоҷикистон тими Малдивро мағлуб намуд
ҶОМИ ОСИЁ-2027. Имрӯз дастаи мунтахаби Тоҷикистон дар марҳилаи интихобӣ бо тими Малдив бозӣ мекунад
ҶОМИ ОСИЁ-2027. Дастаи мунтахаби Тоҷикистон барои баргузории бозӣ бо Малдив ба шаҳри Мале рафт
Мусобиқаи байналмилалӣ оид ба камонварӣ ҷамъбаст гардид
Тоҷикистон дар Бозиҳои сеюми кишварҳои аъзои ИДМ соҳиби мақоми ҳафтум гардид
ҶОМИ ОСИЁ-2027. Имрӯз дастаи мунтахаби Тоҷикистон дар даври интихобӣ бо тими Малдив бозӣ мекунад
БОЗИҲОИ СЕЮМИ КИШВАРҲОИ АЪЗОИ ИДМ. То 8 октябр варзишгарони тоҷик соҳиби 22 медал гардиданд
