Дар Консерваторияи миллии Тоҷикистон ҷиҳати таҳқиқ ва тармими созҳои миллии мусиқӣ озмоишгоҳи омӯзишӣ таъсис дода шуд
ДУШАНБЕ, 22.09.2023. /АМИТ «Ховар»/. 21 сентябр дар Консерваторияи миллии Тоҷикистон ба номи Талабхӯҷа Сатторов озмоишгоҳи омӯзишӣ ҷиҳати таҳқиқ, таъмир ва тармими созҳои миллии мусиқӣ таъсис дода шуда, ба фаъолият шуруъ намуд. Дар ин хусус ба АМИТ «Ховар» дар Вазорати фарҳанги ҷумҳурӣ хабар доданд.
Дар ифтитоҳи озмоишгоҳи Вазири фарҳанги Ҷумҳурии Тоҷикистон Зулфия Давлатзода, кормандони раёсати муассисаҳои фарҳангию фароғатӣ ва ҳунарҳои мардумии вазорат, профессорону омӯзгорон, кормандон ва донишҷӯён иштирок намуданд.
Ҳадаф аз таъсиси озмоишгоҳ — омӯзиш, таҳқиқ, таъмир, таҷдид ва ба талаботи замони муосир мувофиқ намудани созҳои миллии миллати тоҷик мебошад.
Таъкид гардид, ки ҷалби муҳаққиқон ва устоҳои бомаҳорати созҳои халқӣ имкон медиҳад, ки асбоби мусиқии дар тӯли таърихи бисёрасра ташаккулёфта дар заминаи технологияҳои муосир тарҳу садои нав пайдо намуда, дар шакли якканавозӣ, ансамблӣ ва оркестрӣ дар мамлакат мавриди истифода қарор дода шаванд.
Вазири фарҳанг бо синфхонаи лингофонии муҷаҳҳаз бо технологияҳои навин, ки бо дастгирии Лоиҳаи «Рушди таҳсилоти олӣ» таъсис дода шуд, китобхонаи муассиса, дарсҳои таълимии оркестри симфонии донишҷӯён ва хори донишҷӯёни Консерватория, инчунин Консепсияи барномаҳои ҳунарӣ бахшида ба 20-солагии Консерватория шинос гардид.
АКС: Вазорати фарҳанги Ҷумҳурии Тоҷикистон
Барномаи консертии арбобони санъати Тоҷикистон ва Қирғизистон таҳти унвони «Дӯстии абадӣ» доир мегардад
«ҚАЛАМДОРӢ-МАСЪУЛИЯТИ ВАТАНДОРИСТ». Таҳти ин унвон маҳфили адабии нависанда Садриддин Ҳасанзода доир шуд
Дар Душанбе бахшида ба Рӯзи маъюбон ҳамоиши фарҳангӣ доир шуд
Дар Душанбе намоиши дастнависҳо, нусхаҳои чопи сангӣ ва хушнависиҳои ашъори Ҳофизи Шерозӣ баргузор шуд
Мехоҳед таътили тобистонаи фарзандатон босамар гузарад? Пас ба Китобхонаи миллии Тоҷикистон биёяд
Дар шаҳри Норак 2 ёдгории бостонӣ кашф ва таҳқиқ карда шуд
Дар Душанбе дуюмин Синамоҷашнвораи байналмилалӣ «Тоҷи сомон» баргузор мегардад
Дар театри Муҳаммадҷон Қосимов намоишномаи «Ман Таҳминаам…» аз рӯи достони «Шоҳнома» пешниҳод мегардад
Бо ташаббуси Агентии ҳифзи мероси таърихию фарҳангӣ дар ноҳияи Ховалинг Рӯзи Ваҳдати миллӣ ҷашн гирифта шуд
Шоири халқии Тоҷикистон Камол Насрулло: «Ҳақиқат ин аст, ки Пешвои миллат ваҳдатро бунёд гузошту таҳким доду қавӣ сохт»
Дар Осорхонаи миллӣ гӯшаи доимоамалкунандаи «Ваҳдати миллӣ» ташкил гардидааст
Тамоми комёбиҳои миллат ва саодати рӯзгори мардум аз иттиҳоди миллӣ ибтидо мегирад
