35-СОЛАГИИ ИСТИҚЛОЛИЯТИ ДАВЛАТӢ. То ин ҷашни миллӣ ноҳияи Мурғоб ба таври шинохтанашаванда рушд меёбад
ДУШАНБЕ, 11.10.2023 /АМИТ «Ховар»/. 10 октябр дар ноҳияи баландкӯҳи Мурғоб дар доираи сазовор пешвоз гирифтани 35-солагии Истиқлолияти давлатӣ боз як иншооти муҳими маишӣ — Боғи фарҳангӣ- фароғатии «Истиқлол» мавриди баҳрабардорӣ қарор дода шуд. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии Вилояти Мухтори Кӯҳистони Бадахшон хабар медиҳад.
Дар маросими ифтитоҳи он роҳбарияти вилояту ноҳияи Мурғоб ва меҳмонон иштирок намуда, намоиши дастовардҳои хонандагони муассисаҳои таҳсилоти ҳамагонӣ ва занони ҳунарманд ба маърази тамошо гузошта шуд.
Иттилоъ дода шуд, ки ин боғ дар доираи ҷашни 35-солагии Истиқлолияти давлатӣ барои тафреҳу баргузории барномаҳои фарҳангӣ бунёд гардида, дар он майдончаи бозии кӯдакона, курсиҳо барои нишаст ва саҳна барои намоиши барномаҳои фарҳангӣ ҷой дода шудааст.
Барои бунёди боғи фарҳангӣ-фароғатӣ 546,6 ҳазор сомонӣ масраф гардида, ояндаи наздик ин макон ба яке аз ҷойҳои тамошобоб ва тафреҳии ноҳия табдил меёбад.
Тазаккур дода шуд, ки маҳз ба шарофати Истиқлолияти давлатӣ ва таваҷҷуҳи рӯзафзуни Пешвои миллат муҳтарам Эмомалӣ Раҳмон симои ноҳия куллан дигар шуда, то ҷашни 35 — солагии Истиқлолияти давлатӣ ноҳия ба таври шинохтанашаванда рушд менамояд.
Сокинони ноҳия миннатдории худро ба Президенти Ҷумҳурии Тоҷикистон муҳтарам Эмомалӣ Раҳмон барои ғамхориҳои пайвастаашон иброз намуданд.
Ҳамзамон дар ноҳияи Мурғоб меҳмонхонаи замонавӣ ба истифода дода шуд. Он барои меҳмонон ва сайёҳоне, ки орзуи дидани ин минтақаи зебои баландкӯҳи Тоҷикистонро доранд, пешбинӣ гардидааст.
АКС: Мақомоти иҷроияи ҳокимияти давлатии Вилояти Мухтори Кӯҳистони Бадахшон
Ҷопон хостори тақвияти ҳамкории байнибонкӣ бо Тоҷикистон мебошад
Дар ҷаласаи 56-уми Комиссияи омории СММ масъалаи барӯйхатгирии аҳолии Тоҷикистон баррасӣ гардид
Дурнамои нишондиҳандаҳои асосии рушди иҷтимоию иқтисодии шаҳру ноҳияҳои Тоҷикистон дар соли 2026 баррасӣ шуд
Дурнамои тақвияти ҳамкории Тоҷикистон бо Ҳиндустон, Эрон ва Покистон дар соҳаи саноат баррасӣ шуд
Раиси Девони вазирон — Роҳбари Дастгоҳи Президенти Ҷумҳурии Қирғизистон бо ҷараёни корҳои сохтмонӣ дар Неругоҳи барқи обии «Роғун» шинос шуд
Доир ба муаррифии ҷашнҳои миллӣ тавассути ВАО ва саҳифаҳои иҷтимоии блогерон вохӯрӣ баргузор шуд
Рушди ҳамкории кишоварзӣ байни Тоҷикистон ва Русия баррасӣ гардид
Ҷаласаи Кумитаи тадорукот оид ба омодагӣ ва иштироки Тоҷикистон дар Намоишгоҳи байналмилалии ЭКСПО-2025 дар Осака доир шуд
Бонки миллии Тоҷикистон сабикаҳои ченакии тиллоро бо вазнҳои 5, 10, 20, 50 ва 100 грамм ба фурӯш баровард
35-СОЛАГИИ ИСТИҚЛОЛИ ДАВЛАТӢ. Дар Истаравшан бинои нави муассисаи таълимӣ бунёд карда мешавад
Дар Тоҷикистон «Стратегияи миллии бехатарии ҳаракат дар роҳ» таҳия мегардад
Ширкати фаронсавии EDF дар дарёи Зарафшон корҳои омӯзишӣ мегузаронад
