Аз институтҳои байналмилалии молиявӣ даъват шуд, ки дар татбиқи лоиҳаҳои соҳаи роҳсозӣ дар Тоҷикистон кумак намоянд
ДУШАНБЕ, 07.10.2023 /АМИТ «Ховар»/. Ҳоло тавассути Вазорати нақлиёт ва тибқи созишномаҳои грантӣ 12 лоиҳаи сармоягузорӣ ба маблағи 1 млрд 52 млн доллари амрикоӣ амалӣ мешаванд, аз ҷумла 7 лоиҳа дар ҷараёни татбиқ буда, татбиқи 5 лоиҳаи дигар ба анҷом расида, дар давраи кафолатӣ қарор доранд. Чунин иброз намуд Вазири нақлиёти ҷумҳурӣ Азим Иброҳим дар мулоқот бо намояндагони созмонҳои байналмилалии молиявӣ ва шарикони рушд, иттилоъ медиҳад АМИТ «Ховар» бо истинод ба Вазорати нақлиёти мамлакат.
Вазири нақлиёт аз нақши калидии роҳу нақлиёт дар рушди бемайлони тамоми соҳаҳои мамлакат ҳамчун таъминкунандаи равобити пайвастаи иқтисодию тиҷоратӣ ёдовар шуда, гуфт, ки ҳоло ба давлати транзитӣ табдил додани Тоҷиккистон ва истифодаи иқтидори транзитии он чун яке аз ҳадафҳои стратегии рушд пазируфта шудааст.
Вазир афзуд, ки барои ҷалби сармоя ҷиҳати татбиқи лоиҳаҳои давлатии афзалиятноки сармоягузории сохтмон ва таҷдиди роҳҳои автомобилгарди «Лаби Ҷар-Қалъаи Хумб» (134 км), «Балҷувон- Сари Хосор» (60 км), «Бохтар- Ҷалолиддини Балхӣ- Қубодиён-Шаҳритус-Айвоҷ-сарҳади Узбекистон»(170 км), «Рӯшон-Хоруғ-Қулма»(530 км), «Хуҷанд-Конибодом» (75 км), «Хуҷанд-Ашт»(122 км), «Ховалинг-Сагвор» (75 км), «Рушди иқтидорнокӣ ҷиҳати идоракунии нигоҳдории пулҳо дар Ҷумҳурии Тоҷикистон», «Эстакадаи хиёбони С. Шерозӣ бо буриши кӯчаи А. Қаҳҳоров дар шаҳри Душанбе», сохтмони роҳи оҳани «Ҷалолиддини Балхӣ-Панҷи поён» (51 км) ва «Иншооти аз офатҳои табиӣ зарардида дар чумҳурӣ» бурдани корҳо бо институтҳои байналмилалии молиявӣ ва шарикони рушд идома дорад.
Вазири нақлиёт аз намояндагони институтҳои байналмилалии молиявӣ ва шарикони рушд даъват намуд, ки кумаки худро дар асосноккунии техникӣ ва татбиқи ин лоиҳаҳои Тоҷикистон дареғ надоранд.
АКС: Вазорати нақлиёти Тоҷикистон
Таҳкими ҳамкории дуҷониба дар бахшҳои саноат ва воридоти технологияҳои нав бо намояндагони BVMW баррасӣ гардид
Бонки Осиёии рушд омодагияшро барои ҷудо намудани 500 миллион доллар барои сохтмони неругоҳи «Роғун» тасдиқ намуд
Ҳамкории Тоҷикистон ва Бонки аврупоии таҷдид ва рушд дар соҳаи алоқа густариш меёбад
Таъсиси Маркази тиҷоратии Тоҷикистону Эрон ва Маркази фанноварӣ ва инноватсионии рақамӣ дар Душанбе баррасӣ шуд
Ҷаласаи нахустини ҳамоҳангсозии Ҷумҳурии Тоҷикистон ва Корея баргузор гардид
HUKUMAT.TJ. Тамоми сомонаҳои расмии мақомоти давлатии Тоҷикистон ба ин платформаи рақамӣ гузаронида мешаванд
Оё кишоварзони Тоҷикистон аҳолиро бо картошкаи ватанӣ пурра таъмин карда метавонанд?
Дар Шероз Протоколи ҷаласаи 17-уми Комиссияи муштараки Тоҷикистон ва Эрон ба имзо расид
Масъалаҳои ҷалби сармояи Британияи Кабир ба Тоҷикистон баррасӣ шуданд
Ҳамкорӣ дар самти рушди технологияҳои инноватсионӣ бо Дафтари Швейтсария оид ба рушд дар Тоҷикистон тақвият меёбад
Бо иштироки ҷавонони волонтёри гуногунихтисос ҳамоиши ҷавонон баргузор гардид
Ҳамкории гумрукӣ байни Тоҷикистон ва Эрон дар Шероз баррасӣ шуд
