Дар Хуҷанд масоили таъмини бозори дохилии Тоҷикистон бо молу маҳсулоти зарурӣ ва танзими нархи он баррасӣ гардид
ДУШАНБЕ, 06.10.2023 /АМИТ «Ховар»/. 3 октябр дар шаҳри Хуҷанд бо иштироки сардори Хадамоти зиддиинҳисории назди Ҳукумати Ҷумҳурии Тоҷикистон Абдулмаҷид Муминзод бо роҳбарият ва аъзои Ассотсиатсияи воридкунандагони маҳсулоти нафтӣ ва гази моеъ, Ташкилоти ҷамъиятии Ассотсиатсияи воридкунандагон ва коркардкунандагони ғалла ва маҳсулоти ғалладонагӣ ҷаласаи корӣ баргузор гардид. Дар ин хусус АМИТ «Ховар» бо истинод ба Хадамоти зиддиинҳисорӣ хабар медиҳад.
Дар ҷаласа масъалаи таъмини иҷрои қарорҳои Ҳукумати Ҷумҳурии Тоҷикистон дар бораи «Низомномаи тартиби ташаккул ва татбиқи нарху тарифҳои озод ба маҳсулоти таъйиноти истеҳсолию техникӣ, молҳои истеъмолии халқ ва хизматрасониҳо» ва «Номгӯйи молу маҳсулоти аз ҷиҳати иҷтимоӣ зарурӣ, ки нархҳояшон таҳти танзими давлатӣ қарор дода мешаванд» муҳокима гардид.
Сардори Хадамоти зиддиинҳисорӣ гуфт, ки имрӯз вазъи бозори ҷаҳонӣ пешгӯинашаванда буда, қариб ҳар рӯз тағйирёбии нархҳои маҳсулоти иҷтимоӣ дар биржаҳои ҷаҳонӣ ва минтақавӣ, инчунин дар давлатҳои содиркунанда ба мушоҳида мерасад, ки ба бозори дохилии мо таъсири бевосита мерасонад. Бо назардошти вазъи бозори ҷаҳонӣ ва дохилӣ Хадамоти зиддиинҳисорӣ мониторинги тағйирёбии нархҳо гузаронида, аз натиҷаи он хулоса мебарорад ва маводи таҳлилӣ омода менамояд.
Ҳангоми муҳокимаи масъалаҳо инчунин таъмини бозори дохилии ҷумҳурӣ бо молу маҳсулоти аз ҷиҳати иҷтимоӣ зарурӣ ва танзими нархи онҳо мавриди баррасӣ қарор дода шуд.
Гуфта шуд,ки имрӯз дар бозори дохилӣ камчинии маҳсулот ба мушоҳида нарасида, аммо болоравии нархи онҳо ба чашм мерасад. Бинобар ин ва бо назардошти таъмини иҷрои қарорҳои болозикр сардори Хадамот таъкид намуд, ки субъектҳои хоҷагидори воридкунандаи маҳсулот ба беасос боло бурдани нархи маҳсулот роҳ надода, нархҳоро дар доираи талаботи санадҳои меъёрии ҳуқуқии танзимкунандаи нархҳо муайян намоянд.
Дар фарҷом аз соҳибкорон даъват шуд, ки барои таъмини бозори дохилӣ бо маҳсулоти мавриди ниёзи аввал ва муътадил нигоҳ доштани нархи онҳо роҳҳои алтернативии воридоти маҳсулотро аз дигар давлатҳои хориҷи наздик ҷустуҷӯ намоянд.
АКС: Хадамоти зиддиинҳисории назди Ҳукумати Ҷумҳурии Тоҷикистон
Сарвазири мамлакат Қоҳир Расулзода дар ноҳияи Дӯстӣ бо рафти ҷамъоварии ҳосили пахта ва корҳои созандагӣ шинос гардид
Дар Душанбе таҳкими ҳамкорӣ вобаста ба конфронси СИТЕС баррасӣ шуд
Шуруъ аз 16 сентябр дар масири Сиан-Душанбе парвозҳои мустақими ҳавоӣ оғоз мегарданд
Тоҷикистон ва Иттиҳоди Аврупо ҳамкориро дар соҳаи энергетика ва захираҳои об тақвият медиҳанд
Сарвазири мамлакат Қоҳир Расулзода дар ноҳияи Кӯшониён бо ҷараёни корҳои созандагӣ ва хоҷагидорӣ шинос шуд
Сиёсати Тоҷикистон дар самти идоракунии ҳамгироёнаи захираҳои об дар Шветсия муаррифӣ карда шуд
Бонки аврупоии таҷдид ва рушд барои таҷдиди низоми нақлиёти шаҳри Душанбе маблағ ҷудо менамояд
Дар Минтақаи озоди иқтисодии «Данғара» татбиқи лоиҳаҳои муштарак бо сармоягузорони Чин баррасӣ карда шуд
Дар Неругоҳи барқи обии «Роғун» роботи махсуси кафшерӣ ба истифода дода шуд
Роҳҳои афзоиш додани ҳаҷми истеҳсол ва коркарди нахи пахта дар Тоҷикистон баррасӣ гардид
Дар Чин масъалаи вазъи заминҳои шӯр ва ишқордор баррасӣ шуд
Ангури хуштаъми Тоҷикистон дар бозорҳои шаҳри Самара ба фурӯш гузошта шудааст
