Дар шаҳри Турсунзода бахшида ба Рӯзи фалак ҳамоиши идона доир гардид
ДУШАНБЕ, 10.10.2023. /АМИТ «Ховар»/. Дар Кохи «Дӯстӣ»-и шаҳри Турсунзода бахшида ба Рӯзи фалак ҳамоиши фарҳангӣ доир гардид, ки дар он доираи васеи дӯстдорони ин санъати миллӣ ҷамъ омад. Дар ин хусус ба АМИТ «Ховар» дар Мақомоти иҷроияи ҳокимияти давлатии шаҳри Турсунзода хабар доданд.
Иброз гардид, ки бо шарофати Истиқлолияти давлатӣ ва сиёсати хирадмандонаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар баробари дигар самтҳо санъати мусиқии меросии тоҷик низ рушду такомул меёбад. Фалак – мусиқии суннатии касбии мардуми тоҷик буда, дар он асосан дубайтӣ ва ё рубоие интихоб мегардад, ки маънои фалсафӣ дошта, ифшогари розу ниёзи мардум мебошад ва бештар дар навоҳии кӯҳистон маъмул аст.
Ҳамзамон бо изҳори хушнудӣ баён шуд, ки мусиқии мардумии тоҷик – «Фалак» соли 2021 ба Феҳристи мероси фарҳангии ғайримоддии ЮНЕСКО ворид гардид. Он минбаъд ҳамчун мероси гаронбаҳои фарҳангӣ аз ҷониби ин созмони бонуфузи ҷаҳонӣ ҳифз хоҳад шуд.
Дар ҳамоиши идона дар фазои тантанавӣ ба ансамли «Фалак»-и шуъбаи фарҳанги мақомоти иҷроияи маҳаллии ҳокимияти давлатии шаҳр Сипосномаи Раиси шаҳри Турсунзода тақдим гардид.
Бояд гуфт, ки дастаи «Фалак»-и шуъбаи фарҳанги шаҳри Турсунзода зодаи даврони соҳибистиқлолии Ватан буда, ҳамчун вориси ин санъати воло ҷиҳати ҳифз ва рушди он рисолат дорад. Аҳли ҳунар ҷиҳати омӯзиши ин ганҷи бебаҳои маънавии ниёгон дар тарбияи насли наврас саҳми арзанда мегузорад.
АКС: Мақомоти иҷроияи ҳокимияти давлатии шаҳри Турсунзода
Фестивали ҷумҳуриявии «Сад ранги чакан» тарроҳону ҳунармандони шаҳру ноҳияҳои мамлакатро дар Душанбе ҷамъ овард
Дар Маҷмааи таърихию фарҳангии «Қалъаи Хуҷанд» бахшида ба Иди Наврӯз барномаи фарҳангӣ доир мегардад
Бахшида ба Соли байналмилалии ҳифзи пиряхҳо бо иштироки олимони Тоҷикистон ва Чин конфронс доир мегардад
Дар Институти физикаю техника озмоишгоҳи замонавӣ ба истифода дода шуд
Абубакри Розӣ аз зумраи нобиғаҳоест, ки дар пешрафти соҳаҳои гуногуни илми ҷаҳонӣ саҳми калон гузоштааст
ҒИЗОИ СОЛИМ. Тоҷикон дар наҳорӣ кадом хӯрокҳоро омода менамоянд?
Вобаста ба Соли байналмилалии ҳифзи пиряхҳо ва арзёбии илмии равандҳои криосфера конференсияи байналмилалӣ доир шуд
Дар Душанбе Фестивал-намоиши либосҳои миллӣ баргузор мегардад
«ПИРЯХҲО-НЕЪМАТИ БЕБАҲОИ ТОҶИКИСТОН». Дар Осорхонаи миллӣ конфронси илмии ҷумҳуриявӣ доир гардид
РӮЗИ МОДАР. Дар Душанбе бахшида ба он намоиш-фурӯши китоб доир мешавад
Дар Академияи миллии илмҳо масъалаи омоданамоии кадрҳои баланди илмӣ дар самти илмҳои табиатшиносӣ, дақиқ ва риёзӣ баррасӣ шуд
Дар Давҳа Маҷмаи 10-уми умумии Шабакаи ҷаҳонии дипломатияи мардумӣ ба фаъолият оғоз намуд
