Дар Тоҷикистон беш аз 222 ҳазор тонна пахта ҷамъоварӣ шудааст

ДУШАНБЕ, 10.10.2023 /АМИТ «Ховар»/. То 6 октябр дар Тоҷикистон 222 258 тонна пахта ҷамъоварӣ шудааст, ки 52%-и нақшаи пешбинишударо ташкил медиҳад. Дар ин хусус Вазорати кишоварзии Ҷумҳурии Тоҷикистон иттилоъ медиҳад.

Дар вилояти Суғд 54 748 тонна, дар вилояти Хатлон 165 792 тонна ва дар ноҳияҳои тобеи ҷумҳурӣ 1718 тонна пахта ҷамъоварӣ шудааст.

Ҳоло дар тамоми шаҳру ноҳияҳои пахтакори мамлакат барои пурра ҷамъоварӣ намудани ҳосили бо ранҷ рӯёнидаи марди деҳқон маъракаи «60 рӯзи меҳнати босубот!» эълон гардидааст.

Пахта яке аз молҳои асосии содиротии Тоҷикистон мебошад. Ҳамасола дар мамлакат ба ҳисоби миёна 430 ҳазор тонна пахтаи хом ҷамъоварӣ мешавад. Ин зироат тақрибан дар 200 ҳазор гектар кишт мегардад.

АКС аз бойгонии АМИТ «Ховар»