Муовини Сарвазири Тоҷикистон Сулаймон Зиёзода дар ноҳияи Лахш бо ҷараёни ҷамъоварии картошка шинос шуд
ЛАХШ, 05.10.2023 /АМИТ «Ховар»/. 4 октябр муовини Сарвазири Ҷумҳурии Тоҷикистон Сулаймон Зиёзода, Вазири кишоварзии Ҷумҳурии Тоҷикистон Қурбон Ҳакимзода дар ноҳияи Лахш бо вазъи соҳаи кишоварзӣ, аз ҷумла беталаф ҷамъоварӣ намудани ҳосили картошка ва боғҳо, омодагиҳо ба зимистонгузаронӣ, захираи маводи озуқаворӣ, сатҳи таълиму тарбия дар муассисаҳои таълимӣ, истифодаи самараноки обу замин ва кишти тирамоҳӣ шинос шуданд. Дар ин хусус ба хабарнигори минтақавии АМИТ «Ховар» Субҳониддини Маҳмуд дар Мақомоти иҷроияи ҳокимияти давлатии ноҳияи Лахш иттилоъ доданд.
Роҳбарияти ноҳияи Лахш ба меҳмонон иттилоъ доданд, ки ҷиҳати сари вақт ва беталаф ҷамъ овардани ҳосили картошка махсус 80 техника ва 50 технологияи кишоварзиро ба минтақаҳои кӯҳӣ ҷалб намудаанд. То имрӯз аз 3208 гектар кишти картошка дар заминҳои хоҷагиҳои деҳқонӣ ва коллективӣ 1553 гектар ҷамъоварӣ шудааст, ки ҳосили он 33 ҳазору 531 тоннаро ташкил медиҳад. Ба ҳисоби миёна аз ҳар гектар 216-сентнерӣ ҳосил рӯёнида шудааст.
Сулаймон Зиёзода ҷиҳати иҷрои дастуру супоришҳои Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон барои расидан ба яке аз ҳадафҳои стратегии мамлакат- таъмини амнияти озуқаворӣ, рӯёнидани ду ҳосил, таъмини бозор бо маҳсулоти ватанӣ, омодагӣ ба зимистонгузаронӣ, корҳои созандагию бунёдӣ бахшида ба ҷашни 35-солагии Истиқлолияти давлатӣ ва ҳалли мушкилоти ҷойдошта ба масъулин тавсияҳо дод.
Гурӯҳи кории Ҳукумати Ҷумҳурии Тоҷикистон бо вазъи соҳаҳои кишоварзию иқтисодӣ ва иҷтимоии ноҳияҳои минтақаи Рашт шинос гардида, ба масъулини ноҳияҳои мазкур барои сари вақт ҷамъ овардани ҳосили картошкаю боғҳо, сари вақт иҷро намудани нақшаи кишти тирамоҳӣ, истифодаи самараноку оқилонаи заминҳо, тақвияти омодагӣ ба зимистонгузаронӣ, захираи маводи озуқаворӣ, баланд бардоштани сатҳи таълиму тарбия дар муассисаҳои таълимӣ, баланд бардоштани ҳисси ватандӯстии ҷавонон дастуру супоришҳои мушаххас дод.
АКС: Мақомоти иҷроияи ҳокимияти давлатии ноҳияи Лахш
Дар Тоҷикистон ба маблағи беш аз 10 миллиард сомонӣ маҳсулоти саноатӣ истеҳсол гардид
Вазирони энергетикаи Тоҷикистон ва Русия ҷалби сармоягузорӣ ба лоиҳаҳои энергетикиро баррасӣ намуданд
Намоиш-фурӯши маҳсулоти ҳунармандии занони Хатлон дар Душанбе то 15 апрел идома меёбад
Беҳтарнамоии сифат ва бехатарии ғизо бо коршиносони Созмони озуқаворӣ ва кишоварзии СММ баррасӣ гардид
ИСТИФОДАИ САМАРАНОКИ ЗАМИН. Сокини нoҳияи Вахш дар замини наздиҳавлигияш гармхона ташкил намуд
Дар Санкт-Петербург нахустин Форуми байналмилалии нақлиётӣ-логистикӣ доир гардид
Дурнамои рушди соҳаҳои маориф, тандурустӣ, меҳнат, муҳоҷират ва шуғли аҳолӣ муаррифӣ карда шуд
Дар шаҳри Москва ҷаласаи 109-уми Шурои иқтисодии ИДМ баргузор гардид
Ҳайати Тоҷикистон дар Тотористон бо фаъолияти корхонаҳои истеҳсолии парки технологии «ИСКРА-ВОЛГА» шинос шуд
Байни «Шабакаҳои интиқоли барқ»-и Тоҷикистон ва «Маркази илмӣ-техникии системаи ягонаи энергетикӣ»-и Русия Созишномаи ҳамкорӣ ба имзо расид
Рустам Минниханов: «Барои рушди ҳамкории бисёрҷониба байни Тоҷикистон ва Тотористон имконоти фаровон мавҷуданд»
Дар Қазон ҷаласаи 68-уми Шурои электроэнергетикии кишварҳои аъзои ИДМ баргузор шуд
