Раиси вилояти Хатлон дар ҷамъоварии ҳосили пахта дар хоҷагии тухмипарварии ба номи Эмомалӣ Раҳмони ноҳияи Панҷ иштирок намуд

ДУШАНБЕ, 28.10.2023. /АМИТ «Ховар»/. Имрӯз Раиси вилояти Хатлон Давлаталӣ Саид дар ҷамъоварии ҳосили пахта дар хоҷагии тухмипарварии ба номи Эмомалӣ Раҳмони ноҳияи Панҷ иштирок намуд. Дар ин хусус ба АМИТ «Ховар» дар шуъбаи иттилоотию таҳлилии дастгоҳи Раиси вилояти Хатлон хабар доданд.

Иттилоъ дода шуд, ки хоҷагии мазкур  дорои 1373 га замин буда, аз ин миқдор 300 гектарашро заминҳои лалмӣ ташкил медиҳад. Хоҷагӣ дар 700 га навъҳои пахтаи «Лодос», «Хатлон 2014», «Тоҷикистон» кишт намуда, ҳоло 100 тонна тухмӣ захира намудааст ва дорои 436 нафар саҳмдор мебошад.

Раиси вилоят бо хоҷагидор ва деҳқонон суҳбат намуда, аз фаъолияти он огоҳ гардид.

Инчунин ба пахтачинони фаъол туҳфаҳои раиси вилоят супорида шуд.

АКС: Шуъбаи иттилоотию таҳлилии дастгоҳи раиси вилояти Хатлон