Бахшида ба Рӯзи Конститутсия дар Донишгоҳи миллии Тоҷикистон толори маҷлиси судӣ ба истифода дода шуд
ДУШАНБЕ, 02.11.2023. /АМИТ «Ховар»/. Бахшида ба 29-солагии қабули Конститутсияи Ҷумҳурии Тоҷикистон дар факултети ҳуқуқшиносии Донишгоҳи миллии Тоҷикистон толори маҷлиси судии таълимӣ ифтитоҳ гардид, хабар доданд ба АМИТ «Ховар» дар Донишгоҳи миллӣ.
Тазаккур дода шуд, ки толор дар заминаи сиёсати созандаву бунёдкоронаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон баҳри баланд бардоштани сифати таълим ва таҳкими робитаи илм бо амал навсозӣ шуд.
Ин толор бо тамоми маводи зарурии таълимӣ, аёният, доскаи электронӣ, шиору овезаҳои дахлдор, шабакаи интернет, маводи ҷамъбастии амалия ва омори судӣ, қарорҳои пленум, нашрия ва дигар санаду қарорҳои дахлдори Суди Олӣ таъмин мебошад. Таъсиси он дар шароити кунунӣ амри зарурӣ буда, ҷиҳати сайқал додани маҳорат, санъати суханварӣ, дониш ва малакаи касбии донишҷӯён мусоидат менамояд.
Ректори донишгоҳ иттилоъ дод, ки дар факултети ҳуқуқшиносӣ тамоми шароити арзанда ҷиҳати аз худ намудани тамоми нозукиҳои касби ҳуқуқшиносӣ фароҳам оварда шудаанд. Ифтитоҳи толор қадами ҷиддӣ дар роҳи боз ҳам ғанӣ гардонидани донишҳои ҳуқуқӣ ва баланд бардоштани маҳорати касбии донишҷӯён мебошад.
Толор имкон медиҳад, ки донишҷӯёни факултети ҳуқуқшиносӣ таҳти ҳидояту роҳнамоиҳои устодони муътабару соҳибтаҷриба мурофиаҳои судии таълимиро оид ба баррасӣ ва ҳалли баҳсҳои ҳуқуқӣ дар доираи парвандаҳои гражданӣ, оилавӣ, ҷиноятӣ, ҳуқуқвайронкунии маъмурӣ ва иқтисодӣ баргузор намуда, дар ин мурофиаҳо ба ҳайси судя, прокурор ва ҳимоятгару адвокатҳои оянда нақшҳои муайянро анҷом диҳанд. Дар ҳамин ҷо аз ҷониби як гурӯҳ донишҷӯёни соли чоруми шуъбаи рӯзонаи факултет ба аҳли нишаст мурофиаи судии таълимӣ, ки ба баррасии баҳси оилавӣ бахшида шуда буд, пешниҳод гардид.
АКС: Донишгоҳи миллии Тоҷикистон
Ҳамкории Донишгоҳи байналмилалии сайёҳӣ ва соҳибкории Тоҷикистон бо Институти стратегияи рушди илму технология ва Донишгоҳи технологии Чендуи Чин баррасӣ шуд
«Стратегияи рушди такмили ихтисос ва бозомӯзии кормандони соҳаи маориф барои давраи то соли 2030» тасдиқ гардид
Магистранти Донишгоҳи миллии Тоҷикистон дар Олимпиадаи байналмилалии Туркманистон сазовори ҷойи сеюм гардид
Озмуни байналмилалии табодули малакаҳои таълими забони чинӣ барои омӯзгорони Осиёи Марказӣ ҷамъбаст гардид
Байни Донишгоҳи давлатии Хуҷанд ва Донишгоҳи давлатии Полоски Беларус созишномаи ҳамкорӣ ба имзо расид
Дар доираи Форуми сеюми байналмилалии ректорони донишгоҳҳои Тоҷикистон ва Беларус 25 созишномаи нави ҳамкорӣ ба имзо расид
Байни Донишгоҳи давлатии ҳуқуқ, бизнес ва сиёсати Тоҷикистон ва Донишгоҳи Русия-Беларус шартномаи ҳамкорӣ ба имзо расид
Байни Донишгоҳи техникии Тоҷикистон ва муассисаҳои таҳсилоти олии касбии Беларус созишномаи ҳамкорӣ ба имзо расид
Дар Душанбе Форуми ректорони муассисаҳои таҳсилоти олии касбии Тоҷикистон ва Беларус оғоз шуд
Дар деҳаи Корвони шаҳри Ваҳдат бинои нави муссисаи таълимӣ ба истифода дода шуд
НАМУНАИ ИБРАТ. Заҳмати модар Фараҳбахши нобиноро ғолиби Озмуни ҷумҳуриявии «Фурӯғи субҳи доноӣ китоб аст» гардонид
Дар ноҳияи Балҷувон иншооти нави соҳаи маориф бунёд гардид
