Дар Донишкадаи давлатии фарҳанг ва санъати Тоҷикистон бо мақсади омодасозии кадрҳои соҳаи китобдорӣ ҳамоиш доир шуд
ДУШАНБЕ, 06.11.2023. /АМИТ «Ховар»/. Дар Донишкадаи давлатии фарҳанг ва санъати Тоҷикистон ба номи Мирзо Турсунзода маҳфили илмии «Муҳаққиқони ҷавон» дар мавзуи «Омодасозии кадрҳои соҳаи китобдорӣ дар замони муосир» баргузор гардид. Дар ин хусус ба АМИТ «Ховар» дар Донишкадаи давлатии фарҳанг ва санъати Тоҷикистон ба номи Мирзо Турсунзода хабар доданд.
Ҳадафи асосии баргузории маҳфил ҷалби магистрантон, аспирантон, докторантон ва донишҷӯён ба пажуҳиш ва пешбурди корҳои илмӣ-таҳқиқотӣ мебошад.
Гуфта шуд, ки омода намудани мутахассисони баландихтисоси соҳаи фарҳанг ва ҳунар дар маркази таваҷҷуҳи Ҳукумати Ҷумҳурии Тоҷикистон қарор дорад. Тазаккур дода шуд, ки роҳбарияти олии мамлакат барои рушди соҳаи китобдорӣ ва баланд бардоштани сатҳи маърифати аҳолии мамлакат пайваста тадбирҳои муассир меандешад. Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон зимни ифтитоҳи бинои нави Китобхонаи миллии Тоҷикистон ва вохӯрӣ бо намояндагони зиёиёни мамлакат, инчунин Паёми хеш ба Маҷлиси Олии Ҷумҳурии Тоҷикистон дар радифи дигар масъалаҳои барои рушди мамлакат ҳаётан муҳим ба проблемаҳои китобу китобдорӣ таваҷҷуҳи хосса зоҳир намуда, аз ҷумла изҳор доштанд, ки мутахассиси оянда бояд дорои тарбияи воло ва донишу малакаи замонавии касбӣ буда, аз дастовардҳои техника ва технологияи муосир огоҳӣ дошта бошад.
Иштирокдорон изҳор доштанд, ки бо назардошти пешрафти босуръати илму техника ва технологияи муосир низоми таҳсилоти китобдорӣ имкон медиҳад, ки китобдори имрӯза бо шаклу услубҳои нави хизматрасонӣ ва истифодаи навгониҳои технологияи муосир бештар ошноӣ пайдо намояд, ки ин заминаи воқеии баланд бардоштани сифати фаъолияти касбиро татбиқ менамояд. Китобхонаҳои муосир беш аз ҳарвақта ба мутахассисони касбӣ ниёз доранд, зеро эҳтиёҷоти ҷомеа босуръат ва зуд тағйир меёбад, воридшавии технологияи муосир, пайдо шудани барандаҳои нави иттилоотӣ омилҳои муҳими он ба ҳисоб мераванд.
АКС: Донишкадаи давлатии фарҳанг ва санъати Тоҷикистон ба номи Мирзо Турсунзода
Филми «Моҳӣ дар шаст» дар синамоҷашнвораи «Парвонаи алмосӣ» ба сегонаи беҳтаринҳо роҳ ёфт
«ФУРӮҒИ СУБҲИ ДОНОӢ КИТОБ АСТ». Имрӯз довталабони озмун барои «Шоҳҷоиза» рақобат менамоянд
Дар намоишгоҳи байналмилалии Пекин нигораҳои нодири Тоҷикистонро беш аз 1 миллион нафар тамошо намуданд
Довталабони даври ниҳоии Озмуни ҷумҳуриявии «Фурӯғи субҳи доноӣ китоб аст» бо адибон вохӯрӣ намуданд
Туҳфаи Пешвои миллат- «Шоҳнома»-и Ҳаким Фирдавсӣ ба собиқадорони меҳнати ноҳияи Кӯшониён тақдим карда шуд
Туҳфаи Пешвои миллат-«Шоҳнома»-и безаволи Абулқосим Фирдавӣ ба шаҳри Левакант расид
Бахшида ба 570-солагии Камолиддини Беҳзод конференсияи байналмилалӣ баргузор шуд
Дар маҷаллаи фарҳангӣ–иттилоотии «ЭКО-нома» фарҳангу ҳунари Тоҷикистон муаррифӣ шудааст
Ба зиёда аз 28 ҳазор хонаводаи шаҳри Бохтар китоби «Шоҳнома» тақдим мегардад
Иштирокчиёни Озмуни ҷумҳуриявии «Фурӯғи субҳи доноӣ китоб аст»: «Озмун сабқате ба манфиати ҷомеа, давлат ва миллат аст»
4 лоиҳаи ҳифзи мероси фарҳангии Тоҷикистон аз ҷониби Иттиҳоди байналмилалии ҳифзи мерос дастгирӣ ёфт
Бахшида ба баргузории Муколамаи занони Осиёи Марказӣ дар Тоҷикистон барномаи фарҳангӣ доир шуд
