«ПАРЧАМ-РАМЗИ ДАВЛАТДОРИИ МИЛЛӢ». Дар Академияи миллии илмҳои Тоҷикистон конференсия баргузор шуд
ДУШАНБЕ, 22.11.2023 /АМИТ «Ховар»/. Имрӯз дар Академияи миллии илмҳои Тоҷикистон бахшида ба Рӯзи Парчами давлатии Ҷумҳурии Тоҷикистон дар мавзуи «Парчам–рамзи давлатдории миллӣ» конференсияи илмию амалӣ баргузор шуд, хабар медиҳад АМИТ «Ховар».
Дар ҷамъомад дар мавзуъҳои «Парчам-рамзи давлатдорӣ ва ватанпарварӣ», «Тасвири парчами Каёнӣ дар сиккаҳои қадима», «Парчам – рамзи истиқлоли давлатӣ» сухан рафт.
Иброз гардид, ки мардумони ҷаҳон, хосса тоҷикон, ки дар таърих бештар аз дигарон мавриди таҷовузи бегонагон қарор гирифтаанд, зимни муборизаҳои озодихоҳона баҳри расидан ба истиқлолият, ки гаронмоятарин арзиш барои ҳар миллати озода маҳсуб мешавад, таҳти парчаме, ливое ё аламе, шуруъ аз пешдомани чармини Коваи оҳангар то Парчами давлатии Ҷумҳурии Тоҷикистон муттаҳид мешуданд. Аз ин лиҳоз, парчам пеш аз ҳама, таҷассумгари муборизаҳои тӯлонии озодихоҳона ва гувоҳи руҳияи истиқлолиятхоҳонаи ҳар миллат ба ҳисоб меравад. Парчами тоҷикон давоми ҳазорсолаҳо борҳо таҳаввул намудааст, вале рисолати истиқлолиятхоҳии хешро маҳфуз дошта, то ба ҳадди рамзи муқаддаси давлатӣ ё рамзи истиқлолияти давлатӣ расидааст.
Мояи ифтихор аст, ки имрӯз ин парчами муқаддас ливои озодию истиқлолият, сиёсати созандагиву бунёдкорӣ ва меҳнати фидокоронаи халқамон баҳри шукуфоии Тоҷикистони соҳибистиқлол мебошад. Бинобар ин ҳар яки моро зарур аст, ки бо ҳисси баланди шаҳрвандию ифтихори миллӣ ва дарки масъулият ба рамзҳои давлатӣ: Парчам, Нишон ва Суруди миллӣ, суннату арзишҳои олии давлату давлатдорӣ арҷ гузорем. Бояд ин амал ба қарзи шаҳрвандӣ ва номуси ватандории мо мубаддал гардад.
Қадршиносии Парчами давлатӣ арҷгузориву ифтихор аз давлат, аз гузашта, имрӯз ва фардои халқ буда, яке аз омилҳои муҳимми худшиносӣ ба ҳисоб меравад.
АКС: АМИТ «Ховар»
ҲУНАРМАНД ҲЕҶ ГОҲ ХОР НАМЕГАРДАД. Устои карнайсоз аз Истаравшан бо ин ҳунараш соҳибэҳтиром гардидааст
ПАЙРОҲАИ ЭҶОД. Намоиши инфиродии рассоми Донишкадаи давлатии санъати тасвирӣ ва дизайни Тоҷикистон ифтитоҳ шуд
Оид ба робитаи илм бо истеҳсолот ва технологияҳои коркардшуда машварати илмӣ баргузор гардид
Дар Душанбе оид ба нақши занон дар татбиқи қатъномаи СММ оид ба Соли байналмилалии ҳифзи пиряхҳо ҳамоиш доир шуд
Шоири ғазалсарои тоҷик Ҳофизи Шерозӣ дар қатори бузургтарин шоирони дунё мақоми шоиста дорад
Азнавбақайдгирӣ ва феҳристнигории ёдгориҳои шаҳри Душанбе ба анҷом расид
Ба ифтихори Рӯзи Қувваҳои Мусаллаҳи Тоҷикистон дар Осорхонаи миллӣ ҳамоиши фарҳангӣ баргузор шуд шуд
«САД РАНГИ ЧАКАН». Даври ноҳиявии фестивали ҷумҳуриявӣ дар «Хуррамшаҳр»-и ноҳияи Данғара доир шуд
21 ФЕВРАЛ — РӮЗИ БАЙНАЛМИЛАЛИИ ЗАБОНИ МОДАРӢ. Дар Тоҷикистон ба забони модарии ҳамаи қавму миллатҳо эҳтиром гузошта мешавад
Дар Осорхонаи миллии Тоҷикистон ба ифтихори 700-солагии Ҳофизи Шерозӣ маҳфили ҳофизхонӣ баргузор шуд
Дар Душанбе ҳамкории муассисаҳои илмии Тоҷикистон ва Шоҳигарии Арабистони Саудӣ баррасӣ гардид
Дар Осорхонаи миллии Тоҷикистон намоиши «Воқеънигор» ифтитоҳ гардид
