«ШАБЕ ДУР АЗ ВАТАН». Намоиши Театри давлатии ҷавонони Тоҷикистон дар Туркманистон муаррифӣ гардид
ДУШАНБЕ, 17.11.2023 /АМИТ «Ховар»/. Театри давлатии ҷавонони Тоҷикистон ба номи Маҳмудҷон Воҳидов дар Ҷашнвораи IV байналмилалии театрии «Санъати театрӣ дар марҳилаи хушбахтӣ», ки аз 14 то 16 ноябр дар шаҳри Ашқобод ва шаҳри Аркадаги Туркманистон баргузор шуд, бо намоиши «Шабе дур аз Ватан» иштирок намуд, ки он аз ҷониби тамошобинон беҳтарин намоиши ин ҷашнвора ҳисобида шуд. Чунин иброз намуд директори театр Сӯҳроб Мирзоев ба АМИТ «Ховар».
Ҳамзамон дар ҷашнвора гурӯҳҳои машҳури театрҳои Озарбойҷон, Қазоқистон, Қирғизистон, Федератсияи Русия, Тоҷикистон, Узбекистон ва Туркия бо намоишҳои ҷолиб иштирок доштанд. Иштирокчиёни Ҷашнвораи байналмилалии театриро бо оғози кор Президенти Туркманистон Сердар Бердимуҳаммадов табрик намуд.
Мақсади асосии ҷашнвора мустаҳкам намудани робитаҳои давлатҳои Осиёи Марказӣ дар соҳаи санъати театр, фароҳам овардани шароит барои амалӣ гардонидани барномаҳои муштарак байни гурӯҳҳои театрӣ, инчунин ҷалб намудани диққати театрҳо ба навъҳои замонавии раванди театрӣ мебошад.
Ёдовар мешавем, ки «Шабе дур аз Ватан» аз намоишҳои маъруфи Театри давлатии ҷавонон буда, онро коргардон Нозим Меликов аз рӯи асари шоири шинохтаи тоҷик Бозор Собир таҳия намудааст. Дар ин намоиш ҳунарпешагон Моҳпайкар Ёрова, Абдумӯъмин Шарифӣ ва Сӯҳроб Ҷанҷолов нақшҳои асосиро иҷро менамоянд.
«Шабе дур аз Ватан» аз ҷумлаи намоишҳое мебошад, ки то имрӯз дар чандин ҷашнвораҳои байналмилалии театрӣ ва озмунҳо иштирок намуда, соҳиби дипломҳо ва ифтихорномаҳо гардидааст.
Ин намоиш аллакай дар Қазоқистон, Русия, Молдова, Қирғизистон ва Афғонистон манзури тамошобинон гардонида шудааст.
София ШОИК,
АМИТ «Ховар»
АКС: Театри давлатии ҷавонони Тоҷикистон
АМИТ «Ховар» ва ҶСП «Ширкати байнидавлатии телевизион ва радиои «Мир»» Ёддошти тафоҳум ба имзо расониданд
Дар Душанбе мубодилаи барномаҳои фарҳангӣ ва намоиши филмҳо байни Тоҷикистон ва Чин баргузор гардид
Дар мавзуи ташаккул ва рушди синошиносӣ дар Тоҷикистон конфронси илмӣ доир гардид
Рӯзҳои фарҳанги Ҷумҳурии Тоҷикистон дар Ҷумҳурии Тотористони Федератсияи Русия доир гардид
Ду озмоишгоҳи Институти химияи Академияи миллии илмҳои Тоҷикистон бо технологияи муосир муҷаҳҳаз карда шуд
Рӯзҳои фарҳанги Ҷумҳурии Тоҷикистон дар Федератсияи Русия идома доранд
Ёдгориҳои ёфтшуда аз шаҳристони Ҳулбук арзиши баланди илмӣ дошта, дар байни таҳқиқоти солҳои охир беназир маҳсуб мешаванд
«Шоҳнома»-и Фирдавсӣ бояд машъалафрӯзи ҳар хонадони тоҷик бошад ва анъанаи неки шоҳномасароӣ барқарор шавад
Вобаста ба таъсири зеҳни сунъӣ ба ҳастии инсоният конференсияи ҷумҳуриявӣ баргузор шуд
«ШОҲНОМА — ОРМОНИ МИЛЛӢ». Он мактаби худшиносӣ ва парчами ифтихори миллии мо аст
Ҳамкории Академияи миллии илмҳои Тоҷикистон бо Маркази пажӯҳишӣ ва машваратии TRENDS густариш меёбад
Иштирокдорони Конфронси байналмилалии сатҳи баланд оид ба ҳифзи пиряхҳо аз Чин бо яке аз маконҳои таърихии Тоҷикистон шинос шуданд
