Тоҷикистон ба лоиҳаи «Агроэкспресс» пайваст мегардад
ДУШАНБЕ, 26.11.2023. /АМИТ «Ховар»/. Тоҷикистон ба лоиҳаи «Агроэкспресс» пайваст мешавад. Пайвастани ҷумҳурӣ ба лоиҳаи мазкур метавонад муҳлати таҳвили маҳсулоти зудвайроншавандаро суръат бахшад ва хатари омилҳои ба сифати мол таъсиррасонро коҳиш диҳад. Дар ин хусус АМИТ «Ховар» бо истинод ба Вазорати нақлиёти Ҷумҳурии Тоҷикистон иттилоъ медиҳад.
Бояд гуфт, ки бо ёрии лоиҳаи «Агроэкспресс» аз Федератсияи Русия асосан гӯшт, моҳӣ, маҳсулоти ширӣ, сабзавоти тару тоза, меваю гиёҳ ва дигар маҳсулоти зудвайроншаванда бештар ба Ҷумҳурии Мардумии Чин, кишварҳои Осиёи Марказӣ ва дигар давлатҳои ҷаҳон интиқол дода мешаванд. Муҳлати интиқоли мол 5-7 рўзро дар бар мегирад.
Тоҷикистон бо пайвастшавӣ ба ин лоиҳа метавонад дар интиқоли маҳсулоти босифати кишоварзӣ ба хориҷи мамлакат, ки талабгорони зиёд дорад, муваффақ гардад. Ин тарзи кор барои беталаф ва босифат то суроғаи даркорӣ расидани маҳсулоти деҳқонони тоҷик, ки асосан меваю сабзавотро ташкил медиҳад, кумак мерасонад.
Ёдовар мешавем, ки 21 ноябри соли равон дар Қасри Кремли Москва дар натиҷаи мулоқоту гуфтушунидҳои сатҳи олии Тоҷикистон ва Русия дар ҳузури сарони давлатҳо- муҳтарам Эмомалӣ Раҳмон ва муҳтарам Владимир Путин 8 санади нави ҳамкорӣ ба имзо расиданд, ки яке аз он Ёддошти тафоҳум байни Вазорати нақлиёти Ҷумҳурии Тоҷикистон ва Вазорати нақлиёти Федератсияи Русия дар бораи рушди ҳамкорӣ дар тайёр намудан ва бозомӯзии мутахассисони соҳаи нақлиёт ва Нақшаи амали ҳамкорӣ («Харитаи роҳ») дар ин соҳа байни ду давлат барои солҳои 2023-2025 буд.
Тибқи Нақшаи амали ҳамкорӣ («Харитаи роҳ») дар соҳаи нақлиёт байни Ҷумҳурии Тоҷикистон ва Федератсияи Русия барои солҳои 2023-2025 имконияти пайвастшавии Тоҷикистон ба лоиҳаи «Агроэкспресс» мавриди баррасӣ қарор дода мешавад. Ин хидматрасонии махсус ҷиҳати ташкили интиқоли босуръати контейнерҳо тавассути роҳи оҳан мебошад. Лоиҳа аз ҷониби ҶСК «Роҳҳои оҳани Русия» ва Маркази содиротии Русия (РЭЦ) амалӣ мешавад. Он имкон медиҳад, ки борҳои маҷмааи агросаноатӣ ба Туркия, давлатҳои ИДМ ва Чин интиқол дода шаванд.
АКС: манбаъҳои боз
«IMPERIУA TECHSTREAM — 2025». Дар Душанбе барои наврасон нахустин озмуни технологияҳои иттилоотӣ баргузор гардид
РӮЗИ БАЙНАЛМИЛАЛИИ МУҲИТИ ЗИСТ. Баҳодур Шерализода: «Ҷомеаи ҷаҳон Тоҷикистонро ҳамчун давлати ташаббускор дар соҳаи обу иқлим ва ҳифзи пиряхҳо эътироф намудааст»
Бонки рушди Созмони ҳамкории Шанхай таъсис дода мешавад
Байни Тоҷикистон ва Қирғизистон Протокол оид ба мубодилаи маълумоти пешакии гумрукӣ дар бораи интиқоли молу воситаҳои нақлиёт ба имзо расид
Ҷаласаи 80-уми Шурои роҳбарони хадамотҳои гумруки давлатҳои иштирокдори Иттиҳоди Давлатҳои Мустақил баргузор гардид
Тоҷикистон ҷонибдори тақвияти ҳамкорӣ дар соҳаи саноат дар Иттиҳоди Давлатҳои Мустақил мебошад
Байни минтақаҳои озоди иқтисодии «Суғд»-и Тоҷикистон ва «Воронеж»-и Русия созишномаи ҳамкорӣ ба имзо расид
Дар Душанбе ҷаласаи мутахассисони мақомоти омори давлатҳои аъзои Иттиҳоди Давлатҳои Мустақил доир гардид
Дар Душанбе татбиқи лоиҳаҳои муштараки иқтисодии Тоҷикистон бо Бонки Олмонии рушд баррасӣ шуд
Ҷаласаи Шурои ҷамъиятӣ-машваратӣ доир ба фаъолияти гумрукӣ баргузор гардид
Хабарнигорони АМИТ «Ховар» бо фаъолияти Минтақаи озоди иқтисодии «Панҷ» шинос шуданд
Раванди татбиқи лоиҳаҳои сармоягузорӣ бо дастгирии молиявии Бонки Олмонии рушд баррасӣ гардид
