Байни Ҷумҳурии Тоҷикистон ва Бонки ҷаҳонӣ барои маблағгузории лоиҳаи «Рушди бахшҳои молиявӣ ва хусусӣ» созишномаҳои грантӣ ба имзо расиданд
ДУШАНБЕ, 22.12.2023 /АМИТ «Ховар»/. Байни Ҷумҳурии Тоҷикистон ва Бонки ҷаҳонӣ барои маблағгузории лоиҳаи «Рушди бахшҳои молиявӣ ва хусусӣ», маблағгузории иловагии лоиҳаи «Минтақавии интиқоли неруи барқи CASA – 1000» ва маблағгузории иловагии «CASA-1000 Лоиҳаи дастгирии ҷомеа» созишномаҳои грантӣ ба имзо расиданд.
Созишномаҳоро 21 декабр Вазири молияи Ҷумҳурии Тоҷикистон Файзиддин Қаҳҳорзода ва намояндаи доимии Бонки ҷаҳонӣ дар Ҷумҳурии Тоҷикистон Озан Севимлӣ ба имзо расониданд.
Ҳадафи асосии лоиҳаи «Рушди бахшҳои молиявӣ ва хусусӣ»- ин таҳкими низоми суғуртаи пасандозҳо, қарздиҳии бонкӣ ба корхонаҳои хурду миёна ва мусоидат ба ҳамгироии корхонаҳои хурду миёна ба занҷирҳои арзиш мебошад.
Маблағи лоиҳа 37,2 млн ҳуқуқи махсуси қарзгириро ташкил медиҳад, ки он ба 50 млн доллари амрикоӣ баробар буда, аз ҳисоби гранти Ассотсиатсияи Байналмилалии Рушд маблағгузорӣ мегардад.
Мақсади маблағгузории иловагии лоиҳаи «Минтақавии интиқоли нерӯи барқи CASA – 1000»- ин интиқоли барқи изофаи тобистонаи Ҷумҳурии Тоҷикистон ва Ҷумҳурии Қирғизистон ба Ҷумҳурии Исломии Афғонистон ва Ҷумҳурии Исломии Покистон мебошад. Ҳамчунин ин лоиҳа ба коркарди механизмҳои савдои неруи барқ ва ташкили бозори минтақавии неруи барқ дар Осиёи Марказӣ ва Осиёи Ҷанубӣ мусоидат менамояд.
Арзиши умумии маблағгузории иловагии ин лоиҳа 11 млн доллари амрикоиро ташкил дода, аз ҷониби Ассотсиатсияи Байналмилалии Рушд ҳамчун маблағҳои грантӣ пешниҳод гардидааст.
Мақсади маблағгузории иловагии «CASA-1000 Лоиҳаи дастгирии ҷомеа»- ин баланд бардоштани сифат ва вусъат бахшидани дастрасӣ ба хизматрасонии таъминоти барқ, инфрасохтори иҷтимоию иқтисодӣ ва мусоидат дар самти пурзӯр намудани иқтидори худидоракунии маҳаллӣ дар ҷамоатҳои фарогири ҳудуди лоиҳа ба ҳисоб меравад.
Арзиши умумии маблағгузории иловагии лоиҳаи гуфташуда 10 млн доллари амрикоӣ мебошад, ки он аз ҷониби Ассотсиатсияи Байналмилалии Рушд ҳамчун маблағи грантӣ пешниҳод гардидааст.
АКС: Вазорати молияи Ҷумҳурии Тоҷикистон
35-СОЛАГИИ ИСТИҚЛОЛИ ДАВЛАТӢ. Дар ноҳияи Восеъ сохтмони иншооти таъйиноти гуногун идома дорад
Дар Душанбе натиҷаҳои COP30 ва раванди такмилсозии NDC 3.0-и Тоҷикистон баррасӣ гардид
«ТОП – 35 ШАРИКИ БОЭЪТИМОДИ СОЛ». Ба муносибати 35-солагии Истиқлолияти давлатӣ озмун баргузор мегардад
Дар ноҳияи Деваштич Маркази ҷумҳуриявии инноватсия ва технологияҳо дар соҳаи картошкапарварӣ таъсис дода мешавад
Бахшида ба Рӯзи байналмилалии ҳимояи ҳуқуқи истеъмолкунандагон корҳои фаҳмондадиҳӣ доир гардид
ИМРӮЗ-РӮЗИ БАЙНАЛМИЛАЛИИ ҲИМОЯИ ҲУҚУҚИ ИСТЕЪМОЛКУНАНДАГОН. Зиёда аз 86 тонна маҳсулоти бесифати бозорҳои истеъмолӣ нобуд карда шуд
Байни ширкати ҳавопаймоии хусусии «Shohin Airlines» ва Бунёди сармоягузории аврупоӣ Созишномаи сармоягузорӣ ба имзо расид
Ҷаласаи Гурӯҳи кории байниидоравӣ оид ба мониторинг ва арзёбии ҳуҷҷатҳои банақшагирии стратегӣ доир гардид
Дар Вашингтон дурнамои ҳамкории Тоҷикистон бо Бонки ҷаҳонӣ дар самти рушди инфрасохтори роҳу нақлиёт баррасӣ шуд
Тоҷикистон ҳамкориро бо Барномаи ҷаҳонии озуқаворӣ дар самти устувории иқлимӣ тақвият медиҳад
То соли 2030 ҳаҷми савдо байни Тоҷикистон ва Қазоқистон ба 2 миллиард доллар расонида мешавад
Тоҷикистон ба таҷрибаи бузургтарин оператори бозори неруи барқи Аврупо — Nord Pool мароқ зоҳир намуд
