РУШДИ САНОАТ. Дар ноҳияи Рӯдакӣ намоиш-фурӯши маҳсулоти саноативу хӯрокворӣ идома дорад
РӮДАКӢ, 22.12.2023 /АМИТ «Ховар»/. Бо ибтикори Мақомоти иҷроияи ҳокимияти давлатии ноҳияи Рӯдакӣ бахшида ба Солҳои рушди саноат (2022-2026) намоиш-фурӯши маҳсулоти саноативу хӯрокворӣ ташкил карда шуд. Дар ин хусус ба хабарнигори минтақавии АМИТ «Ховар» Субҳониддини Маҳмуд дар Мақомоти иҷроияи ҳокимияти давлатии ноҳияи Рӯдакӣ иттилоъ доданд.
Дар ярмарка корхонаҳои саноатии ноҳияи Рӯдакӣ молу маҳсулоти истеҳсолнамудаашонро ба намоиш ва фурӯш гузоштаанд.
Ноҳияи Рӯдакӣ яке аз ноҳияҳои агросаноатӣ ба шумор рафта, дар ҳудуди он 173 корхонаи саноатӣ фаъолият доранд, ки ба истеҳсоли маҳсулоти гуногуни саноатӣ мувофиқ гардонида шудаанд. Бо мақсади боз ҳам зиёд намудани корхонаҳои саноатӣ, бо ҷалби сармояи дохилию хориҷӣ сохта, ба истифода додани корхонаю коргоҳҳои нави истеҳсолӣ ва зиёд намудани ҷойҳои нави корӣ дар ҳудуди ноҳия сохтмони 7 корхонаю коргоҳи истеҳсолӣ бо маром идома дошта, баистифодадиҳии онҳо соли 2024 ба нақша гирифта шудааст.
Бо мақсади гузариши иқтисодиёти мамлакат аз аграрию саноатӣ ба саноатию аграрӣ соли 2018 аз ҷониби Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон саноатикунонии босуръати мамлакат ҳамчун ҳадафи чоруми миллӣ ва стратегии давлат ва солҳои 2022–2026 Солҳои рушди саноат эълон гардиданд. То имрӯз дар ҳудуди мамлакат садҳо корхонаҳои бузурги саноатию истеҳсолӣ бунёд ва ҳазорон нафар бо ҷойи кори доимӣ таъмин гардиданд.
Дар зер суратгузориш аз ҷараёни ин намоиш-фурӯши маҳсулоти саноативу хӯрокворӣ манзур мешавад.
АКС: Мақомоти иҷроияи ҳокимияти давлатии ноҳияи Рӯдакӣ
Соли 2025 аз ҳисоби андозҳо ва пардохтҳои дохилӣ ба буҷети давлатӣ 26,5 миллиард сомонӣ маблағ ворид гардид
Президенти Тоҷикистон Эмомалӣ Раҳмон: «Масъалаи захираи дусолаи маводи хӯрокворӣ дар ҳар оила нисбат ба ҳарвақта мубрамтар мегардад»
Дар Душанбе Конференсияи I байналмилалӣ оид ба масъалаҳои молия ва баҳисобгирӣ баргузор шуд
Соли 2025 табиати афсонавӣ ва чашмаҳои шифобахши Бадахшонро беш аз 51 ҳазор сайёҳ тамошо намуданд
Ҳайати Тоҷикистон дар Саммити зеҳни сунъӣ дар Деҳлии Нав иштирок менамояд
Агентии «Тоҷикстандарт»: «Ҳангоми хариди моеи зиддисардӣ — антифриз аз фурӯшанда сертификати мутобиқат талаб намоед!»
Ҳаҷми истеҳсоли маҳсулоти кишоварзии ноҳияи Мастчоҳ соли 2025 ба беш аз 1,6 миллиард сомонӣ расид
Бахшида ба Рӯзи таъсиси мақомоти гумрук дар Душанбе маҷлиси тантанавӣ баргузор гардид
Ширкати «ACWA Power» дар доираи татбиқи тарҳи энергетикӣ дар Тоҷикистон неругоҳи офтобӣ месозад
22 ЯНВАР — РӮЗИ КОРМАНДОНИ МАҚОМОТИ ГУМРУК. Таъмини амнияти иқтисодии Тоҷикистон рисолати асосии ин мақомот аст
Дар Форуми иқтисодии СПЕКА нишондиҳандаҳои гардиши савдои хориҷии Тоҷикистон муаррифӣ карда шуд
Ҳамкории Тоҷикистон ва Бонки аврупоии сармоягузорӣ дар соҳаи гидроэнергетика тақвият меёбад
